Marko 2:2 - Fana Ngbangɔ 1987

² ala ga butu butu abombi tɛrɛ la ndoni kɔi, ta ndo kɔi mɛ angbã gɛgɛrɛ da ma, abɛ nga ka yanga nyɔ da ko, ta ndo nga da ma. La Yezo aha la na tɛnɛ tɛ Nzapa.

Marko 2:2 Iomraidhean Croise

Matie 5:2

ko lo to nda hangɔ la na tɛnɛ olo mɛ.

Marko 1:14

Erodɛ ahɛ̃ nyɔ, agbɔ̃ Yoanɛ abi lo bɔlɔkɔ. Na ngoi ni ko, Yezo anɔ ka sese ti Galilea, apa Nzɔ̃ Pa tɛ Nzapa ya:

Marko 1:33

Azi zu mɛ so ya kɔdɔrɔ ko abombi tɛrɛ la ndoni kɔi so nyɔ da mɛ fɛrɛ Yezo da.

Marko 1:37

Ngoi mɛ ala ĩ tã lo ko, ala pa hɛ̃ lo ya: “Azi zu ndogi mɔ.”

Marko 1:45

Kanda ngoi mɛ kɔli ko ĩ gwe ko, lo to nda pangɔ hɛ̃ azi zu se mɛ fɛrɛ Yezo asara na lo. Na lo ni ndo ko, ta kɔdɛ mɛ ya, Yezo ati fa tɛrɛ lo yango ka ya kɔdɔrɔ ti ya Galilea da ma. Kanda lo ngba ndo ka bɛ ndo. La azi alo na ndo kwe zu, anɔ ka tɛ lo.

Marko 2:1

Ĩ la so pɛni yakere ko, Yezo adiri ka kɔdɔrɔ mɛ ili ni la Kapɛrnaumɛ. Ngoi mɛ azi ĩ ma ya, lo ka ya da ko,

Marko 2:13

Yezo ĩ diri ka nyɔ kpo ti Galilea ko, azi butu butu anɔ ka tɛ lo, la lo ha la na tɛnɛ tɛ Nzapa.

Marko 6:34

Yezo ĩ lo ka ya ngɔ ĩ ko gegi ko, lo hũ azi butu butu, ko vundu tɛ la agbɔ̃ lo sĩ, ta sanga ma, ala da ndo nga ma angasã ngbaga mɛ ta wa batangɔ la da ma. Ko lo to nda hangɔ la na tɛnɛ tɛ Nzapa ma wo ma.

Luka 12:1

Na ngoi ko ndo ko, azi agbe hingo hingo, ko ala so ndodɔrɔngbi gɛrɛ la. La Yezo apa tɛnɛ uzu hɛ̃ ava lo ya: “Ĩ du na kpengba lɛ na ndo yɔrɔ ti susungɔ na mapa tɛ Afarizeo, alengbi ya ĩ́ bata li ĩ na lo ti poroso tɛ la.

Luka 5:17

Mbanga lá kɔi, Yezo aha azi na lo tɛ Nzapa, ko Afarizeo, na awa hangɔ ndia aga, adunga so gunda lo. Ala lo ndo na ya akɔdɔrɔ ti Galilea zu, ti Yudea, nga na ti Yeruzalɛmɛ la aga. Gbia Nzapa ahɛ̃ Yezo nguru, la Yezo asara ambanga awa ngã.

Luka 8:1

So pɛni, Yezo agwe na ndo akota kɔdɔrɔ, nga na ndo akɛtɛ kɔdɔrɔ. Lo ĩ si kai ko, lo ha tɛnɛ tɛ Nzapa, lo pa nga Nzɔ̃ Pa ti lo Lɛngɔ Gbia tɛ Nzapa. Lo nɔ ndo ndoni kɔi na ava lo sui kɔi ndoni sɛ.

Luka 8:11

“Ĩ ma nda matɔ ko fɛrɛ lo mɛ: ale tɛ adu nga ma tɛnɛ tɛ Nzapa.

Awa Pangɔ Kwa 11:19

Awa yengɔ lo tɛ Yezo agundu tuuu na lo ti pɛnɔ mɛ azi ahũ na ngoi mɛ ndo aho na Etieni. Ambanga agwe ngbĩi asi ka sese ti Fenisia, ambanga agwe ka ya zúa ti Siprɛ, ambanga mɛ ndɛ̃ agwe ka kɔdɔrɔ ti Antiɔsɛ. Ta ala ndopa ndo tɛnɛ tɛ Nzapa hɛ̃ azi zu ma, kanda ala ndopa ndo ni bo hɛ̃ Ayuda kɔi.

Awa Pangɔ Kwa 14:25

Ala pa ndo tɛnɛ tɛ Nzapa ka kɔdɔrɔ ti Pɛrgɛ, so pɛni, ala gwe ka kɔdɔrɔ ti Atalia.

Awa Pangɔ Kwa 16:6

Tɔrɔ Santo agbanzi ndo Polo na Timɔte ya, ta ala pa tɛnɛ tɛ Nzapa ka sese ti Azia ma, nda mɛ ndo ala fangbi ti sese ti Frizia na ti Galatia la.

Awa Pangɔ Kwa 8:25

Petro na Yoanɛ ĩ kɔ nda tɛnɛ mɛ ala hĩnga na lo tɛ Gbia Yezo, ala ĩ kɔ nda pangɔ tɛnɛ tɛ lo ko, ala mu lege ti diringɔ ka Yeruzalɛmɛ. Ngoi mɛ ndo ala so ta lege so ndogwe ko, ala ndopa Nzɔ̃ Pa hɛ̃ azi ma wo ma na ya kɔdɔrɔ ndɛ̃ ndɛ̃ ndɛ̃ ti sese ti Samaria.

Roma 10:8

Wa tɛnɛ mɛ Buku tɛ Nzapa atɛnɛ nɛ? Buku tɛ Nzapa atɛnɛ ya: “Tɛnɛ tɛ Nzapa la tɔ̃nda mɔ, mɔ pia mɔ tɛnɛ ni na nyɔ mɔ we, mɔ kpã nga ni ka ya bɛ mɔ wɛ.” Tɛnɛ ni adu tɛnɛ ti yengɔ lo tɛ Yezo, ko tɛnɛ ni la e ndopa.

2 Timɔte 4:2

abɛ na nzɔ̃ ngoi, bere na siɔ ngoi ko, pa bo tɛnɛ tɛ Nzapa, ko mɔ pa ni mɔ diri ndo ni. Azi ko la ali siɔ ye ko, fa la na siɔ ye tɛ la, bela la na lo siɔ ye mɛ ala li, ko mɔ sa nguru bɛ la ya, ala li nzɔ̃ ye. Du na yɔngɔrɔ bɛ sĩ nvɛni na ngoi mɛ mɔ ndoha azi na tɛnɛ tɛ Nzapa.