Marko 2:16 - Fana Ngbangɔ 1987

¹⁶ Awa hangɔ ndia mɛ na li nɔ tɛ Afarizeo ĩ hũ Yezo so ndotɛ ye ndoni kɔi na awa lingɔ siɔ ye, nga na awa sɔrɔngɔ lapo ko, ala hũnda ava Yezo ya: “Nda mɛ Yezo na awa sɔrɔngɔ lapo, nga na awa lingɔ siɔ ye ndotɛ ye ndoni kɔi nɛ?”

Marko 2:16 Iomraidhean Croise

Matie 18:17

Se lo kɛ̃ mangɔ la ko, si na tɛnɛ ni ka gbɛlɛ azi ti Eklezia. Wa se lo kɛ̃ nga mangɔ azi ti Eklezia ko, mu lo ka lɛ mɔ nga ma paganɔ, bere nga ma wa lingɔ siɔ ye.”

Matie 5:46

Se bɛ ĩ aye bo azi ko la bɛ la aye ĩ ko, ta ĩ kpã bɛ ĩ ya, Nzapa na hɛ̃ngɔ ĩ mbana gɛrɛ ĩ ma. Se mɛ nga awa sɔrɔngɔ lapo ndoli na ni la!

Matie 9:11

Afarizeo ĩ hũ so ko, ala hũnda ava Yezo ya: “Nda mɛ wa hangɔ ĩ na lo, na awa sɔrɔngɔ lapo, nga na awa lingɔ siɔ ye ndotɛ ye ndoni kɔi nɛ?”

Marko 2:15

Ngoi mɛ Yezo na ava lo so ndotɛ ye ka ya da tɛ Levi ko, awa sɔrɔngɔ lapo sĩni, nga na asiɔ azi aga adunga ka tɛrɛ mɛsa. Ta sanga ma, gi tɛrɛ azi ni ko gba ndo la ndoɔ pɛko lo.

Marko 2:7

“Kɔdɛ mɛ zo kɔli olo ndoguru Nzapa so sia? Zo mɛ alengbi ti kangɔ lɛ lo ndo asiɔ ye tɛ azi na? Bo Nzapa kɔi!”

Luka 18:11

Farizeo alo ka katɛ, asambela Nzapa ya: ‘Oo Nzapa, mbi hɛ̃ mɔ sia kɔli na lo ko la ta mbi nga ma azi mɛ ndɛ̃ mɛ awa nzĩ, na asiɔ azi, nga na awa kɔmbɛ ma. Mbi hɛ̃ nga mɔ sia kɔli na lo ko la ta mbi nga ma wa sɔrɔngɔ lapo olo ma.

Luka 19:10

Ta sanga ma, mbi Nyi Zo mbi ga so gingɔ azi mɛ ayu lege, mbi ga nga so songɔ azi mɛ agere.”

Luka 19:7

Azi ĩ hũ so ko, ala ndunguma ya: “Kɔli olo anɔ so langɔ ka tɛ wa lingɔ siɔ ye oo!”

Luka 5:30

Afarizeo na awa hangɔ ndia mɛ na li nɔ tɛ la ĩ hũ so ko, ala ndunguma Yezo, ko ala hũnda ava Yezo ya: “Nda mɛ ĩ na awa sɔrɔngɔ lapo, nga na awa lingɔ siɔ ye ĩ ndotɛ, ĩ ndonyɔ ndoni kɔi nɛ?”

Awa Pangɔ Kwa 23:9

Azi agɔ̃ bɔzɔ bɔzɔ, ko ambanga awa hangɔ ndia mɛ na li nɔ tɛ Afarizeo ĩ ma so ko, ala longa ndozu, akɛ̃ hɛ̃ azi kpengbani ya: “Ta e hũ siɔ ye mɛ kɔli olo ali ma. Bere tɔrɔ, bere angelo la atɛnɛ tɛnɛ hɛ̃ lo!”

1 Kɔrinto 2:15

Zo ko la na Tɔrɔ Santo tɛ Nzapa ya tɛrɛ lo ko, lo lengbi ti hĩngangɔ aye mɛ nzɔ̃ni na aye mɛ siɔni zu. Kanda azi mɛ ndɛ̃ mɛ ta ala na Tɔrɔ Santo tɛ Nzapa ma ko, ta ala lengbi ti dingɔ zo ni ko ma.

Aebreo 12:3

Ĩ da bɛ ĩ bo na lo, ĩ́ da nga bɛ ĩ na se ko ndo lo gbe na bɛ lo na ya pɛnɔ mɛ awa lingɔ siɔ ye ahɛ̃ lo. Wa ta ĩ ye ya, azi asa mi bɛ ĩ ma, ta ĩ nzɛ̃ nga ma.