Marko 2:12 - Fana Ngbangɔ 1987

¹² Bo na ngoi mɛ azi zu so ndoba kɔli mɛ wa ngbengule ko, lo dɔ, lo lo, lo mu gbogbo tɛ lo, lo gwe. Azi ko zu abema ndo sĩ, ala gonda Nzapa ya: “Ta e dɛ e hũ gi tɛrɛ ye nga so wɛ ma!”

Marko 2:12 Iomraidhean Croise

Matie 12:23

Azi mɛ aga butu butu abema ndo sĩ, ko ala pa ya: “Tara Davidi mɛ andopa lo tɛ lo ko, lo lo mɛ?”

Matie 15:31

Azi ĩ hũ ya, abuburu atɛnɛ tɛnɛ, tɛrɛ awa pɛnɔ ahã, awa zɛ̃ adɔ nɔ, awa ziba ahũ nga ndo ko, ala bema sĩ. La azi ni ko agonda Nzapa mɛ azi ti Izrayɛlɛ ndovɔrɔ.

Matie 9:33

Yezo ĩ toma siɔ tɔrɔ ni na ya tɛrɛ lo wɛ ko, wa buburu ko ato nda tɛnɛngɔ tɛnɛ. Azi butu butu abema sĩ, ala pa ya: “Ta e dɛ e hũ gi tɛrɛ ye nga so ge sese ti Izrayɛlɛ bɛ gbɔ ma!”

Matie 9:8

Azi butu butu ĩ hũ so ko, mbɛtɔ agbɔ̃ la sĩ, ko ala gonda Nzapa na lo gi tɛrɛ nguru mɛ lo hɛ̃ azi.

Marko 1:27

Azi zu ĩ hũ so ko, ala bema, la ala hũndangbi tɛrɛ la ya: “Oko alengbi na nɛ? Yezo aha lo ti fanani nga ma se tɛ gbia nvɛni! Zo kɔli olo ndohɛ̃ nyɔ hɛ̃ asiɔ tɔrɔ, ko ala ndoma nyɔ lo o!”

Marko 2:11

“Mbi pa hɛ̃ mɔ ya, mɔ lo ndozu, mɔ mu gbogbo tɛ mɔ, mɔ diri ka ndo tɛ mɔ!”

Luka 13:13

Yezo akpã ti lo na ndo zo wali ko, la zo wali ko alonzi tɛrɛ lo kpɔngbɔrɔ bo na ngoi ni ko, ato nda gondangɔ Nzapa.

Luka 17:15

Ko wa ndiba kɔi so popo tɛ la ĩ hũ ya, ndiba tɛ ni awe ko, lo diri, ko lo so ndogonda Nzapa na kɔngɔ.

Luka 5:26

Azi zu abema ndo sĩ, ala gonda ndo Nzapa, mbɛtɔ agbɔ̃ ndo la sĩ, ko ala pa ndo ya: “Ye mɛ e hũ na olo ko, adu ye mɛ ta e dɛ e hũ ma!”

Luka 7:16

Mbɛtɔ agbɔ̃ azi zu, ko ala ndogonda ndo Nzapa ya: “Mbanga kota wa pangɔ nyɔ Nzapa asi ge tɛ e!” Ala ndopa nga ndo ya: “Nzapa aga so zangɔ e azi tɛ lo!”

Yoanɛ 7:31

So popo tɛ azi ko ndo so ndo ko butu butu ko, azi ma wo ma aye ndo lo tɛ lo. Ala ndopa ndo ya: “Kɔli olo ali aye ti kpɛnɛ ma wo ma. Ko ngoi mɛ gbanda Mɛsia aga ko, lo li gbanda aye ti kpɛnɛ aɔ ndo tɛ kɔli olo mɛ?”

Yoanɛ 9:32

Ndo gã ko, ta e dɛ e ma bɛ gbɔ ya, asara lɛ zo mɛ adú lo na ziba lɛ lo ma.

Awa Pangɔ Kwa 4:21

Awa fangɔ ngbanga ati kɛ̃ ló hɛ̃ Petro na Yoanɛ kasa kasa. Ala gi ndo kɔdɛ ti hɛ̃ngɔ pɛnɔ hɛ̃ Petro na Yoanɛ gba, ta sanga ma, azi zu ndogonda ndo Nzapa na lo ti ye mɛ Petro na Yoanɛ ali tɛrɛ wa zɛ̃ ko, la ala zi la.