Marko 2:1 - Fana Ngbangɔ 1987

¹ Ĩ la so pɛni yakere ko, Yezo adiri ka kɔdɔrɔ mɛ ili ni la Kapɛrnaumɛ. Ngoi mɛ azi ĩ ma ya, lo ka ya da ko,

Marko 2:1 Iomraidhean Croise

Matie 4:13

Ta lo ngbã ndo ka kɔdɔrɔ ti Nazarɛtɛ ma, kanda lo gwe ndo lo du ka Kapɛrnaumɛ, kɔdɔrɔ mɛ ka nyɔ kpo ti Galilea, ka sese ti Zabulona nga na ti Nɛfɛtali.

Matie 9:1

Yezo ĩ ko ya ngɔ ko, lo fa ngu, lo diri lo gwe ka kɔdɔrɔ tɛ lo.

Marko 1:45

Kanda ngoi mɛ kɔli ko ĩ gwe ko, lo to nda pangɔ hɛ̃ azi zu se mɛ fɛrɛ Yezo asara na lo. Na lo ni ndo ko, ta kɔdɛ mɛ ya, Yezo ati fa tɛrɛ lo yango ka ya kɔdɔrɔ ti ya Galilea da ma. Kanda lo ngba ndo ka bɛ ndo. La azi alo na ndo kwe zu, anɔ ka tɛ lo.

Marko 2:2

ala ga butu butu abombi tɛrɛ la ndoni kɔi, ta ndo kɔi mɛ angbã gɛgɛrɛ da ma, abɛ nga ka yanga nyɔ da ko, ta ndo nga da ma. La Yezo aha la na tɛnɛ tɛ Nzapa.

Marko 3:20

So pɛni, Yezo na ava lo ati adiri, ali na ya da kɔi. Azi butu butu aga abombi tɛrɛ la fani mɛ ndɛ̃ na tɔ̃nda lo, ko ta se mɛ ya, lo na ava lo alua bɛ nyi ngoi yakere, atɛ ye da ma.

Marko 7:17

Ngoi mɛ Yezo azia azi, ali ka ya da ko, ava lo ali pɛko lo, ahũnda lo na lo matɔ ni ko.

Marko 7:24

Yezo alo so ko, anɔ ka sese mɛ ndũ na kɔdɔrɔ mɛ ili ni la Tirɛ. Lo li na ya da kɔi, ta lo ye ya, zo ahĩnga ya ni ndo ko ma. Kanda azi ahĩnga ya, lo ndo ko.

Marko 9:28

Yezo ĩ diri ka ya da, lo na ava lo ĩ ngba na kunɛ la ko, ala hũnda lo ya: “Nda mɛ fɛrɛ e ha tomangɔ siɔ tɔrɔ ko gba nɛ?”

Luka 4:23

Yezo apa hɛ̃ la ya: “Mbi hĩnga nzɔ̃ni ya, ĩ na tongɔ matɔ hɛ̃ mbi, matɔ ni lo mɛ: ‘Mɔnganga, sara tɛrɛ mɔ, mɔ nvɛni.’ Ĩ nga na pangɔ hɛ̃ mbi ya: ‘E ma pa ti aye zu mɛ mɔ li ka Kapɛrnaumɛ, wa li nga ngi lɛ aye ni ko ge kɔdɔrɔ tɛ mɔ nvɛni.’ ”

Luka 5:18

Azi ayɔ wa ngbengule kɔi na ndo tange, aga na lo. Ala gi lege ya, ani li na lo ka ya da, ko ani kpã lo na gbɛlɛ Yezo.

Yoanɛ 4:47

Ngoi mɛ wa kwa ko ĩ ma ya, Yezo alo ka sese ti Yudea aga, asi ka Galilea ko, lo nɔ lo tã Yezo, lo dema tɛrɛ lo hɛ̃ lo ya: “Nyi mbi ndotiri kwá ka Kapɛrnaumɛ, ga e nɔ kai, mɔ sara lo.”

Awa Pangɔ Kwa 2:6

Ngoi mɛ ala ĩ ma kpalengɔ ti ye ni ko, ala ga butu butu abombi tɛrɛ la ndoni kɔi. Ala bema sĩ, ta sanga ma, zo kɔi kɔi ama tɛnɛ tɛ awa yengɔ lo tɛ Yezo na yanga tɛ lo nvɛni.