Marko 11:1 - Fana Ngbangɔ 1987

¹ Ngoi mɛ Yezo na ava lo ĩ doli na Yeruzalɛmɛ, ka kɔdɔrɔ se mɛ ili ni la Bɛtɛfaze na Betania ko, ala si na ndo hɔtɔ mɛ ili ni Olivie. La Yezo ato ava lo sɛ na kwa ka gbɛlɛ lo ya:

Marko 11:1 Iomraidhean Croise

Matie 21:17

So pɛni, lo dɔ la lo zia, lo lo so ya kɔdɔrɔ ko lo si, lo gwe ka Betania. Lo ĩ si kai ko, lo la so ndo ko.

Matie 24:3

Yezo ama ka ndo hɔtɔ ti Olivie, adu tise. La bo ava lo anɔ ka tɔ̃nda lo, ahũnda lo ya: “Pa hɛ̃ e, da Nzapa ni akara gbanda lá wa? Lo mɛ gbanda afa ngoi ti gangɔ tɛ mɔ, afa nga ya, ngoi ti sese wɛngɔ alengbi wɛ nɛ?”

Matie 26:30

La Yezo na ava lo aye bia ti yenga, so pɛni, ala gwe ka ndo hɔtɔ ti Olivie.

Marko 11:2

“Ĩ nɔ ka kɔdɔrɔ ko la ka gbɛlɛ ĩ. Bo na ngoi mɛ ĩ si kai ko, ĩ na hũngɔ nyi punda mɛ agbe lo na gu kɛkɛ, ta zo kɔi ade ako ndo lo ma. Ĩ zara lo, ĩ ga na ni ge.

Marko 13:3

Yezo ama ka ndo hɔtɔ mɛ so mbage lɛ kota da Nzapa, adu tise. Ili hɔtɔ ni la hɔtɔ ti Olivie. Bo Petro, na Zaki, na Yoanɛ, nga na Andre ndo la angbã so tɔ̃nda lo. Ko ala hũnda lo ya:

Marko 14:13

La Yezo ahã ava lo sɛ, apa hɛ̃ la ya: “Ĩ nɔ ka le kɔdɔrɔ, ĩ na tengbingɔ na kɔli kɔi mɛ ayɔ ta ngu, ko ĩ nɔ pɛ lo.

Marko 6:7

La lo ili ava lo sui kɔi ndoni se ya, ni to la na kwa, ko ala gwe sɛ sɛ. Lo hɛ̃ la nguru ya, ala toma asiɔ tɔrɔ na ya tɛrɛ azi,

Yoanɛ 8:1

Yezo agwe ndo ka ndo hɔtɔ ti Olivie.

Awa Pangɔ Kwa 1:12

Awa pangɔ kwa tɛ Yezo alo ka ndo hɔtɔ mɛ ili ni la Olivie, so diringɔ ka Yeruzalɛmɛ. Hɔtɔ ni ko ndo ndũ na Yeruzalɛmɛ. Eongɔ Yeruzalɛmɛ singɔ ka tɛrɛ hɔtɔ ni ko adu nga ma kilomɛtrɛ kɔi.