Marko 10:2 - Fana Ngbangɔ 1987

² Ambanga Afarizeo ai tɛrɛ la ka tɔ̃nda lo, ahũnda lo na poroso ya: “Ndia tɛ e ahɛ̃ lege ya, kɔli azia ya lo?”

Marko 10:2 Iomraidhean Croise

Matie 15:12

La ava lo anɔ ka tɔ̃nda lo, apa hɛ̃ lo ya: “Ngoi mɛ fɛrɛ Afarizeo ama mɔ, mɔ tɛnɛ tɛnɛ so ko, bɛ la asa fɛrɛ sĩ, ko mɔ hĩnga fɛrɛ nga?”

Matie 16:1

Afarizeo na Asaduseo anɔ ka tɛ Yezo, ya ani tara bɛ lo. La ala hũnda lo ya: “Li hɛ̃ e ye ti kpɛnɛ kɔi mɛ afa ya, nguru tɛ mɔ alo ka tɛ Nzapa!”

Matie 19:3

Ambanga Afarizeo anɔ ka tɛ lo so gingɔ kɔdɛ ya, ani gbɔ̃ nda lo. Ala hũnda lo ya: “Ndia tɛ e ahɛ̃ lege ya, kɔli azia ya lo na lo ti alo zu?”

Matie 22:35

La mbanga kɔi na popo tɛ la, lo wa hangɔ ndia, lo ye ndo gbɔ̃ngɔ nda Yezo, la lo hũnda Yezo ya:

Matie 23:13

Yezo apa ya: “Siɔ lo ati na ĩ awa hangɔ ndia, ati nga na ĩ Afarizeo! Ĩ du awa poroso! Ta sanga ma, ĩ ndovĩ nyɔ gbágbá ti Kɔdɔrɔ Gbia tɛ Nzapa ya, ta azi ali kai ma. Ta ĩ nvɛni ĩ ndoli nga kai ma, ko ĩ ndogbanzi azi mɛ asepara lingɔ kai. [

Matie 9:34

Ko Afarizeo apa ya: “Gbia tɛ asiɔ tɔrɔ la ndohɛ̃ lo nguru ti tomangɔ na asiɔ tɔrɔ!”

Marko 10:1

Yezo alo so ndo ko, agwe ka sese ti Yudea. So pɛni, lo fa ngu mɛ ili ni la Yurdɛnɛ. Azi aga butu butu abombi tɛrɛ la fani mɛ ndɛ̃ so tɔ̃nda lo, la lo ha la na tɛnɛ tɛ Nzapa, nga ma se mɛ lo ndoli na ni ngoi zu.

Marko 10:3

Yezo asana ahũnda la ya: “Ndia mɛ ndo Mɔizɛ alu hɛ̃ ĩ nɛ?”

Marko 8:11

Afarizeo aga atã Yezo, ala na lo ato nda bimbingɔ tɛnɛ. Ala ye ndo tarangɔ bɛ lo. La ala hũnda lo ya: “Li ye ti kpɛnɛ kɔi mɛ afa ya, nguru tɛ mɔ alo ka tɛ Nzapa!”

Marko 8:15

Yezo ahɛ̃ nyɔ hɛ̃ la ya: “Ĩ du na kpengba lɛ, ko ĩ bata li ĩ nzɔ̃ni na lo ti yɔrɔ tɛ Afarizeo nga na tɛ Erodɛ mɛ ndosusu na mapa.”

Luka 11:39

La Gbia Yezo apa hɛ̃ lo ya: “Ba se ye mɛ ĩ Afarizeo ĩ ndoli la: ĩ ndokpo koko kangu nga na koko sɛmbɛ tɛ ĩ, kanda ka ya bɛ ĩ ko, ĩ na gwɛ̃ ti nzĩngɔ ye sĩ, ĩ na zugbu sĩ.

Luka 16:14

Afarizeo ndoma ndo tɛnɛ mɛ Yezo ndotɛnɛ zu, ko ala ndoe ndo lo, ta sanga ma, ala du azi mɛ aye faranga ma wo ma.

Luka 5:30

Afarizeo na awa hangɔ ndia mɛ na li nɔ tɛ la ĩ hũ so ko, ala ndunguma Yezo, ko ala hũnda ava Yezo ya: “Nda mɛ ĩ na awa sɔrɔngɔ lapo, nga na awa lingɔ siɔ ye ĩ ndotɛ, ĩ ndonyɔ ndoni kɔi nɛ?”

Luka 6:7

Awa hangɔ ndia na Afarizeo so ndoba Yezo toka toka ya, lo ka na sarangɔ zo na lá ti wɔngɔ tɛrɛ. Ta sanga ma, ala ndogi ndo kɔdɛ ya, ani lua lo na ló, wa ani vɔ̃ to tɛrɛ lo ya, lo li siɔni.

Luka 7:30

Kanda Afarizeo na awa hangɔ ndia akɛ̃ ndo ye mɛ Nzapa asepara lingɔ hɛ̃ la, ko ala kɛ̃ ndo ya, ta Yoanɛ ahɛ̃ ani batisimɔ ma.

Yoanɛ 11:47

La Afarizeo na agbia tɛ awa lungɔ Nzapa na ye abombi awa fangɔ ngbanga, ahũnda la ya: “Kɔli olo ndoli aye ti kpɛnɛ ma wo ma, ko ye mɛ e lengbi ti lingɔ nɛ?

Yoanɛ 11:57

Agbia tɛ awa lungɔ Nzapa na ye, nga na Afarizeo ahɛ̃ ndo nyɔ ya, se zo ahĩnga ndo mɛ Yezo da ko, ale lo pa hɛ̃ ani, wa ani gbɔ̃ lo.

Yoanɛ 7:32

Afarizeo ama ndo tɛnɛ mɛ azi butu butu ndotɛnɛ ka gbe gɔ̃ la na ili Yezo. La ambanga Afarizeo na agbia tɛ awa lungɔ Nzapa na ye ato awa batangɔ kota da Nzapa ya, ala nɔ, agbɔ̃ Yezo.

Yoanɛ 7:48

Ta mbanga gbia tɛ e kɔi bere mbanga Farizeo kɔi aye lo tɛ lo ma!

Yoanɛ 8:6

Ala tɛnɛ ndo nga so, ya ani gi nyɔ lo, wa ani vɔ̃ to tɛrɛ lo. Yezo ĩ ma so ko, lo wo tɛrɛ lo tise, lo suru ye ka lɛ sese na li ti lo.

1 Kɔrinto 10:9

Ambanga azi na popo tɛ la atara ndo bɛ Nzapa. Na lo ni ndo la angbɔ atɛtɛrɛkɛ la, ala kpili. Wa tɛ e ko, ta é tara bɛ Nzapa nga ma se tɛ la ma.