Marko 10:1 - Fana Ngbangɔ 1987

¹ Yezo alo so ndo ko, agwe ka sese ti Yudea. So pɛni, lo fa ngu mɛ ili ni la Yurdɛnɛ. Azi aga butu butu abombi tɛrɛ la fani mɛ ndɛ̃ so tɔ̃nda lo, la lo ha la na tɛnɛ tɛ Nzapa, nga ma se mɛ lo ndoli na ni ngoi zu.

Marko 10:1 Iomraidhean Croise

Matie 26:55

So pɛni, Yezo apa hɛ̃ azi ko butu butu ya: “Ĩ ga na azabe na akende so gbɔ̃ngɔ mbi, ma bere mbi wa nzĩ. Lá kɔi kɔi, mbi ndodu ndo ka ya kota da Nzapa so hangɔ azi na tɛnɛ tɛ Nzapa, ko ta ĩ gbɔ̃ ndo mbi ma.

Matie 4:23

Yezo afɔnɔ ndo ka sese ti Galilea zu. Lo ha azi na tɛnɛ tɛ Nzapa ka ya da sambela ti sese ni ko, lo pa Nzɔ̃ Pa ti lo Eɛngɔ Gbia tɛ Nzapa, lo sara nga awa ngã zu, nga na pɛnɔ zu mɛ na tɛrɛ azi.

Marko 1:21

Yezo na ava lo anɔ ka kɔdɔrɔ mɛ ili ni la Kapɛrnaumɛ. Ĩ da na lá ti wɔngɔ tɛrɛ ko, Yezo ali ya da sambela, ato nda hangɔ la na lo tɛ Nzapa.

Marko 10:2

Ambanga Afarizeo ai tɛrɛ la ka tɔ̃nda lo, ahũnda lo na poroso ya: “Ndia tɛ e ahɛ̃ lege ya, kɔli azia ya lo?”

Marko 12:35

Ngoi mɛ Yezo so ndoha azi na lo tɛ Nzapa ka ya kota da Nzapa ko, lo hũnda la ya: “Kɔdɛ mɛ awa hangɔ ndia ndopa ya, Mɛsia lo tara Davidi sia?

Marko 14:49

Lá kɔi kɔi, mbi ndo so popo tɛ ĩ, mbi ndoha ĩ na tenɛ tɛ Nzapa na ya da Nzapa, ko ta ĩ gbɔ̃ ndo mbi ma. Wa ale ĩ gbɔ̃ mbi, wadila tɛnɛ mɛ Buku tɛ Nzapa atɛnɛ, ati na seni.”

Marko 2:13

Yezo ĩ diri ka nyɔ kpo ti Galilea ko, azi butu butu anɔ ka tɛ lo, la lo ha la na tɛnɛ tɛ Nzapa.

Marko 4:2

Lo ha la na ye ndɛ̃ ndɛ̃ ndɛ̃ na ya tongɔ matɔ tɛ lo. Ko na ya ye mɛ lo ha na la ko, lo pa hɛ̃ la ya:

Marko 6:2

Ĩ da na lá ti wɔngɔ tɛrɛ ko, lo to nda hangɔ azi na tɛnɛ tɛ Nzapa ka ya da sambela. Azi gba mɛ ama tɛnɛ tɛ lo abema sĩ. Ala so ndopa ya: “Oko alo wa? Lo lua ndara olo so wa? Zo mɛ ahɛ̃ lo kɔdɛ ti lingɔ na aye ti kpɛnɛ olo na?

Marko 6:34

Yezo ĩ lo ka ya ngɔ ĩ ko gegi ko, lo hũ azi butu butu, ko vundu tɛ la agbɔ̃ lo sĩ, ta sanga ma, ala da ndo nga ma angasã ngbaga mɛ ta wa batangɔ la da ma. Ko lo to nda hangɔ la na tɛnɛ tɛ Nzapa ma wo ma.

Marko 6:6

Ko Yezo abema sĩ, na lo mɛ ya, ta ala ye lo tɛ lo ma. So pɛni, Yezo anɔ ka ndo akɔdɔrɔ mɛ ndũ na Nazarɛtɛ, lo ha azi na lo tɛ Nzapa.

Yoanɛ 10:40

Yezo ti nɔ ka mbage ngu ti Yurdɛnɛ, lo ngbã kai. Adu ndo mɛ ndo Yoanɛ ahɛ̃ azi batisimɔ da uzu.

Yoanɛ 11:7

So pɛni, lo pa hɛ̃ ava lo ya: “E diri é gwe ka Yudea.”

Yoanɛ 18:20

La Yezo agbinya hɛ̃ lo ya: “Mbi ndotɛnɛ ndo tɛnɛ na gbɛlɛ azi zu. Ngoi zu mbi ndoha azi na lo tɛ Nzapa na ya da sambela tɛ Ayuda, nga na ya kota da Nzapa. Ndo mɛ Ayuda ndobombi tɛrɛ la da la. Ko ta mbi tɛnɛ ndo tɛnɛ kɔi na gbe mbingo ma.