Marko 1:1 - Fana Ngbangɔ 1987

¹ Ĩ ma se mɛ Nzɔ̃ Pa tɛ Yezo Kristo Nyi Nzapa ato na nda ni lo mɛ.

Marko 1:1 Iomraidhean Croise

Matie 14:33

Ko ava lo mɛ angbã tɛ la ka ya ngɔ, akuku gbɛlɛ Yezo, apa hɛ̃ lo ya: “Biani, mɔ Nyi Nzapa!”

Matie 17:5

Ngoi mɛ Petro so ndotɛnɛ tɛnɛ ko, da baba mɛ mbufuni aga, gbede ni ati ndo la, ko ala ma legɔ̃ zo ka ya da baba ni so ndotɛnɛ tɛnɛ ya: “Nyi mbi ti kpɔ̃ bɛ mbi mɛ bɛ mbi ndode na lo tɛ lo sĩ lo mɛ, ĩ ma lo!”

Matie 3:17

Ko legɔ̃ zo adu ka ndozu apa ya: “Zo olo adu Nyi mbi ti kpɔ̃ bɛ mbi, bɛ mbi ndode na lo tɛ lo sĩ.”

Matie 4:3

Satana anɔ ka tɔ̃nda lo, apa hɛ̃ lo ya: “Se mɔ du Nyi Nzapa ko, pa hɛ̃ atɛ̃nɛ olo agbinyangbi ati tɛ, mɔ tɛ.”

Luka 1:35

Angelo agbinya hɛ̃ lo ya: “Tɔrɔ Santo na zungɔ ndo mɔ, ko nguru tɛ Nzapa mɛ ka yayu na vĩngɔ mɔ nga ma gbede. Na lo ni la nyi mɛ mɔ na dúngɔ ko, lo na dungɔ santo, ko Nzapa na ilingɔ lo ya, lo Nyi ni.

Yoanɛ 1:14

Tɛnɛ ni amu ndo tɛrɛ zo, lo ndodu ndo so popo tɛ e. Lo na nzɔ̃ bɛ ma wo ma, ko lo fa nga e na beta lo tɛ Nzapa zu. E hũ ndo ndima tɛ lo mɛ ndo To lo Nzapa ahɛ̃ lo, na lo mɛ ya, lo ngbongi Nyi.

Yoanɛ 1:34

Yoanɛ apa nga ya, ni hũ ndo ye ni ko, la ni pa ya, zo ni ko lo Nyi Nzapa.

Yoanɛ 1:49

La Natanaɛlɛ apa hɛ̃ lo ya: “Wa hangɔ lo tɛ Nzapa, mɔ Nyi Nzapa, mɔ kota gbia ti Izrayɛlɛ!”

Yoanɛ 20:31

Kanda aye ti kpɛnɛ mɛ asu so ya buku olo mɛ ko, asu ni ya, ĩ di, ko ĩ ye ya, Yezo lo Mɛsia, lo nga Nyi Nzapa, wadila ĩ lua beta du ti ndo lo, na lo ti lo yengɔ tɛ ĩ.

Yoanɛ 3:16

Ta sanga ma, be Nzapa aye ndo azi ti lɛ sese ma wo ma, la lo to ndo ngbongi Nyi lo hɛ̃ la ya, se zo aye lo tɛ lo ko, ta lo kpi ma, ko lo lua du ti kaka.

Yoanɛ 6:69

Na olo ko, e ye lo tɛ mɔ, ko e hĩnga nga ya, mɔ Zo mɛ Santo, mɔ lo ka tɛ Nzapa.”

Awa Pangɔ Kwa 13:24

Uzu ti Yezo gangɔ ko, Yoanɛ aili ndo awa Izrayɛlɛ zu, apa hɛ̃ la ya, ala gbinya bɛ la, ko ala mu batisimɔ.

Roma 8:3

Ta ndia tɛ Mɔizɛ alengbi ndo ti hãngɔ e azi na ya siɔ ye zingɔ ma, na lo mɛ ya, bɛ e adu woni. Kanda Nzapa ahã e na ya ni azi na ngoi mɛ ndo lo to Nyi lo nvɛni. Nyi lo amu ndo tɛrɛ zo nga ma se tɛ e mɛ awa lingɔ siɔ ye, ya ni hã siɔ ye tɛ e ni zi. Nzapa aminya ndo siɔ ye tɛ e azi na li Yezo, lo fa ndo nga ngbanga lo bi li lo.

Roma 8:32

Ta lo kɛ̃ ndo tongɔ hɛ̃ e Nyi lo ma, kanda lo ka ndo lo ya, lo ga lo kpi so e zu. Nzapa ahɛ̃ e Nyi lo, lo nga na hɛ̃ngɔ e ye kwe biani!