Luka 4:1 - Fana Ngbangɔ 1987

¹ Yezo ĩ lua nguru tɛ Tɔrɔ Santo sĩ ko, lo lo ka Yurdɛnɛ lo diri, ko Tɔrɔ Santo amu lo, anɔ na lo ka bɛ ndo.

Luka 4:1 Iomraidhean Croise

Matie 3:16

Bo na ngoi mɛ Yoanɛ ĩ hɛ̃ Yezo batisimɔ ko, Yezo alo ka ya ngu ako gegi, ko lo hũ lɛ ndozu azi mbue. Lo hũ Tɔrɔ tɛ Nzapa aga nga ma mbipa, azu ndo lo.

Luka 2:27

Tɔrɔ Santo ĩ zi kɔdɛ li lo ko, lo hã nɔ, lo nɔ ka ya kota da Nzapa. Ngoi mɛ awa dtĩngɔ Yezo ĩ nɔ na Yezo ya, ani li lo na ye mɛ ndia aha lo ni ko,

Luka 3:3

Yoanɛ ĩ ma tɛnɛ tɛ Nzapa ko, lo to nda ɔngɔ na lɛ sese kwɛ zu mɛ na tɔ̃ ngu mɛ ili ni la Yurdɛnɛ. Lo to mbela olo hɛ̃ azi ya: “Ale ĩ gbinya bɛ ĩ, ĩ mu batisimɔ, wa Nzapa aka lɛ lo ndo asiɔ ye tɛ ĩ.”

Luka 3:38

Kaina nyi Enɔsi, Enɔsi nyi Sɛti, Sɛti nyi Adamu, Adamu nyi Nzapa.

Luka 4:14

Yezo adiri ka Galilea na nguru tɛ Tɔrɔ Santo sĩ na ya tɛrɛ lo. Ko pa ili lo ati ka lɛ sese ti Galilea zu gboo!

Luka 4:18

“Tɔrɔ tɛ Gbia azu ndo mbi, Gbia asara nga mbi akpã ya, mbi pa Nzɔ̃ Pa hɛ̃ awa yɛlɛ. Lo to mbi ya, mbi pa hɛ̃ awa bɔlɔkɔ ya, na zingɔ la ka bɔlɔkɔ. Mbi pa nga hɛ̃ awa ziba ya, ala na hũngɔ ndo. Lo to mbi ya, mbi zi azi mɛ andohɛ̃ la pɛnɔ.

Yoanɛ 1:32

Yoanɛ apa ndo nga lo ye mɛ lo hũ, lo ya: “Mbi hũ fɛrɛ Tɔrɔ Santo alo ka ndozu, azu nga ma se tɛ mbipa, adu ndo lo.

Yoanɛ 3:34

Zo ko la Nzapa ato lo ko, zo ni ko ndopa tɛnɛ mɛ Nzapa atɛnɛ, ta sanga ma, Nzapa asa nguru tɛ Tɔrɔ Santo ma wo ma na tɛrɛ lo.

Awa Pangɔ Kwa 1:2

asi na ngoi mɛ Nzapa aya lo ya, lo ma ka yayu. Yezo asara ndo ambanga azi akpa ya, ala du awa pangɔ kwa tɛ ni. Uzu ti lo mangɔ ka yayu ko, lo pa ndo hɛ̃ la na nguru tɛ Tɔrɔ Santo, ye mɛ ale ala li na pɛ lo.

Awa Pangɔ Kwa 10:38

Ĩ hĩnga se mɛ Nzapa asa na nguru tɛ Tɔrɔ Santo na tɛrɛ Yezo wa Nazarɛtɛ. Ĩ hĩnga nga se mɛ ndo Yezo afɔnɔ na ni na ndo kɔi kɔi. Lo li ndo anzɔ̃ lo, lo sara nga ndo azi zu mɛ na gbɛ ti Satana, ta sanga ma, Nzapa ndo ndoni kɔi na lo.

Awa Pangɔ Kwa 8:39

Ala ĩ lo ka ya ngu ĩ ko gegi ko, Tɔrɔ Santo tɛ Gbia aga amu Filipo aɔ na ni. Wa Etiopia ĩ de lɛ lo ko, ta lo ti hũ Filipo ma, la lo mu lege lo gwe na dengɔ be.