Luka 3:3 - Fana Ngbangɔ 1987

³ Yoanɛ ĩ ma tɛnɛ tɛ Nzapa ko, lo to nda ɔngɔ na lɛ sese kwɛ zu mɛ na tɔ̃ ngu mɛ ili ni la Yurdɛnɛ. Lo to mbela olo hɛ̃ azi ya: “Ale ĩ gbinya bɛ ĩ, ĩ mu batisimɔ, wa Nzapa aka lɛ lo ndo asiɔ ye tɛ ĩ.”

Luka 3:3 Iomraidhean Croise

Matie 3:11

Tɛ mbi ko, mbi ndoyɔrɔ ĩ na ya ngu so hɛ̃ngɔ ĩ batisimɔ, so fangɔ ya, ĩ gbinya bɛ ĩ. Kanda zo mɛ na gangɔ pɛ mbi ko, lo na sangɔ Tɔrɔ Santo tɛrɛ ĩ so hɛ̃ngɔ ĩ batisimɔ, ko Tɔrɔ Santo ni na lingɔ kwa nga ma wá. Zo ni aɔ mbi na nguru, ta mbi du zo mɛ mbi lengbi bɛ ti hãngɔ pɔrɔ tɛ lo na gɛrɛ lo ma.

Luka 1:16

Na lo tɛ lo ko, awa Izrayɛlɛ gba na diringɔ gangɔ ka tɛ Gbia tɛ la Nzapa.

Luka 1:77

Nga so fangɔ na azi tɛ lo ya, ala hĩnga ya, Ni na kangɔ lɛ ni ndo asiɔ ye tɛ la, Ko ni nga na songɔ la.

Luka 4:1

Yezo ĩ lua nguru tɛ Tɔrɔ Santo sĩ ko, lo lo ka Yurdɛnɛ lo diri, ko Tɔrɔ Santo amu lo, anɔ na lo ka bɛ ndo.

Yoanɛ 1:28

Alo olo zu asi ndo ka kɔdɔrɔ ti Betania, ka mbage ngu ti Yurdɛnɛ mɛ ndo Yoanɛ ndohɛ̃ na batisimɔ hɛ̃ azi da.

Yoanɛ 3:26

Ala nɔ ka tɛ Yoanɛ, ahũnda lo ya: “Wa hangɔ lo tɛ Nzapa, zo ko ndo ĩ na lo ka mbage ngu ti Yurdɛnɛ, lo mɛ ndo mɔ ndopa lo tɛ lo hɛ̃ e ko, be mɔ ade ndo lo? Ba na olo ko, lo ndohɛ̃ nga azi batisimɔ, ko azi zu ndonɔ ka tɛ lo!”

Awa Pangɔ Kwa 13:24

Uzu ti Yezo gangɔ ko, Yoanɛ aili ndo awa Izrayɛlɛ zu, apa hɛ̃ la ya, ala gbinya bɛ la, ko ala mu batisimɔ.

Awa Pangɔ Kwa 19:4

La Polo apa hɛ̃ la ya: “Yoanɛ ndohɛ̃ ndo batisimɔ hɛ̃ azi ko la aye gbinyangɔ bɛ la, ko lo ndopa ndo hɛ̃ azi ya, mbanga zo kɔi na gangɔ pɛ ni, ili lo la Yezo, ale ĩ ye lo tɛ lo.”

Awa Pangɔ Kwa 22:16

La Ananiasi apa hɛ̃ mbi ya: ‘Na olo mɛ ko, ta mɔ ti ku ma. Lo ndozu, vɔrɔ tɛrɛ mɔ hɛ̃ Nzapa, wa lo hã siɔ ye ka bɛ mɔ lo zi, ko mɔ mu batisimɔ.’ ”