Filipɛ 4:9 - Fana Ngbangɔ 1987

⁹ Aye mɛ ndo mbi ha na ĩ la ĩ ye lo ni ko, ĩ li ni. Atɛnɛ mɛ ndo ĩ ma na nyɔ mbi, na aye mɛ ndo ĩ hũ, mbi li ko, ĩ li nga ni, wadila Nzapa mɛ ndoli ya, bɛ e adu pii, adu ndoni kɔi na ĩ.

Filipɛ 4:9 Iomraidhean Croise

Matie 1:23

“Wali mɛ ade li lo ngbɔ̃ amɛ gbanda ngɔ, lo dú gbanda nyi kɔli, Ko adi gbanda ili nyi ni ya, Emanuɛlɛ.” (Nda ili ni ko la: “Nzapa ndodu ndoni kɔi na e.”)

Matie 28:20

Ĩ pa hɛ̃ la ya, ala tɔndɔ aye zu mɛ ndo mbi pa hɛ̃ ĩ. Wa ĩ hĩnga ya, mbi na dungɔ ndoni kɔi na ĩ ngoi zu, nga ka sese awɛ na ni.”

Matie 7:21

Yezo apa ya: “Ta adu azi mɛ ndopa hɛ̃ mbi ya: ‘Gbia, Gbia,’ la asi gbanda ka Kɔdɔrɔ Gbia tɛ To mbi Nzapa ma, kanda adu bo ala mɛ ndoli yɛ mɛ bɛ lo aye la asi gbanda kai.

Luka 6:46

“Ĩ ndoili mbi ya: ‘Gbia, Gbia,’ wa ta ĩ ndoli ye mɛ mbi ndopa hɛ̃ ĩ ya, ĩ li ma ya nɛ?

Luka 8:21

Yezo apa hɛ̃ azi zu ya: “Ta mbi na ayata mbi la azi ko ndoma tɛnɛ tɛ Nzapa, ndotɔndɔ nga ni.”

Yoanɛ 13:17

Na olo ko, ĩ hĩnga ni wɛ, se ĩ li ni na seni ko, ĩ na dungɔ na dengɔ bɛ.

Yoanɛ 15:14

Se ĩ li ye na se nyɔ mbi, wadila ĩ ti afɔ̃ mbi.

Yoanɛ 2:5

Ta lo ĩ ma so ko, apa hɛ̃ awa kwa ya: “Ye ko la lo pa ya, ĩ li ko, ĩ li bo ni.”

Awa Pangɔ Kwa 9:6

Wa lo ndozu, mɔ gwe ka kɔdɔrɔ. Ngoi mɛ se mɔ si kai ko, azi na pangɔ hɛ̃ mɔ ye mɛ mɔ lengbi ti lingɔ ni.”

Roma 15:33

Nzapa mɛ ndoli ya, bɛ azi adu pii ko, lo du bɛ ndoni kɔi na ĩ zu ma ke! Seni la.

Roma 16:20

Nzapa mɛ ndoli ya, bɛ azi adu pii ko, lo na nwɔngɔ Satana hiɔ, kpãngɔ lo na gbe gɛrɛ ĩ. Gbia tɛ e Yezo Kristo ali bɛ nzɔ̃ bɛ hɛ̃ ĩ ma ke!

1 Kɔrinto 10:31

Tɛnɛ mɛ mbi na gbinyangɔ hɛ̃ lo lo mɛ: bɛ se mɔ tɛ ye, bɛ se mɔ nyɔ ye, bɛ se mɔ li ye mɛ ndɛ̃ ko, li ni zu so gondangɔ na Nzapa.

1 Kɔrinto 14:33

na lo mɛ ya, ta Nzapa aye ya, e du awa lingɔ ye yenge yenge ma, kanda lo ye ya, e li ye na bɛ pii. Na ngoi mɛ ĩ awa Kristo ĩ ndobombi tɛrɛ ĩ ko, ale awe adunga minyɔ, nga ma se mɛ awe ti Eklezia zu ndoli na ni. Ale ta ala tɛnɛ tɛnɛ na ngoi mɛ ĩ bombi na tɛrɛ ĩ ma. Kanda ale ala bi tɛrɛ la hɛ̃ akɔ la, nga ma se mɛ ndia tɛ Nzapa apa na ni.

1 Kɔrinto 4:16

Nda mɛ mbi gbɔ̃ gɛrɛ ĩ ya, ĩ mu nzɔ̃ lɛ lo tɛ mbi la.

2 Kɔrinto 13:11

Aya bua, na olo ko, mbi zei ĩ! Ale ĩ li kpengbani ya, ĩ ti abɛta anzɔ̃ azi. Ale ĩ sa nguru bɛ afɔ̃ ĩ, ale nyɔ ĩ ase kɔi, ale ĩ du nga na mangbingɔ, wadila Nzapa adu ndoni kɔi na ĩ. Lo ndoye azi, lo ndoli ya, bɛ azi adu pii.

Filipɛ 3:17

Aya bua, ale ĩ zu ĩ mu nzɔ̃ lɛ lo tɛ mbi. E fa ĩ ndo na nzɔ̃ lɛ lo, wa í ba sé du tɛ azi mɛ amu nzɔ̃ lɛ lo tɛ e.

Filipɛ 4:7

Se ĩ li nga so, wa Nzapa ali ya, bɛ ĩ adu pii, ko bɛ pii ni aɔ kɔdɛ tɛ azi. Bɛ pii ni na batangɔ bɛ ĩ nga na dangɔ bɛ tɛ ĩ ya, ta ye kɔi ali ya, bɛ ĩ atitiri ma, na lo mɛ ya, ĩ azi tɛ Yezo Kristo.

1 Tɛsalɔnikɛ 1:6

Ĩ mu ndo nzɔ̃ lɛ lo tɛ e, ĩ mu ndo nga tɛ Gbia Yezo. Ngoi mɛ ndo ĩ ye tɛnɛ tɛ Nzapa ko, ĩ hũ ndo pɛnɔ sĩ na lo ni, kanda Tɔrɔ Santo ahɛ̃ ndo ĩ dengɔ bɛ na lo ni.

1 Tɛsalɔnikɛ 2:14

Aya bua, awa Eklezia tɛ Nzapa mɛ ka sese ti Yudea, ala mɛ ndo aye lo tɛ Yezo Kristo ko, azi ahɛ̃ ndo la pɛnɔ, ko ngi lɛ pɛnɔ ni la azi ahɛ̃ nga ĩ. Azi ti kɔdɔrɔ tɛ ĩ ahɛ̃ ndo ĩ pɛnɔ, nga ma se mɛ ndo Ayuda ahɛ̃ na pɛnɔ hɛ̃ awa Eklezia ti Yudea.

1 Tɛsalɔnikɛ 5:23

Nzapa mɛ ndoli ya bɛ azi adu pii ko, ali bɛ ya, bɛ ĩ ati vuruni nga ma se tɛ lo ma ke! Lo bata bɛ du tɛ ĩ, na tɔrɔ tɛrɛ ĩ, na bɛ ĩ, nga na tɛrɛ ĩ zu ma ke! Lo li bɛ so ya, na ngoi mɛ gbanda Gbia tɛ e Yezo Kristo adiri aga ko, ta lo bela ĩ na lo ye kɔi ma ke!

2 Tɛsalɔnikɛ 3:4

Ko na lo tɛ Gbia ko, e ndokpã bɛ e ndo ĩ: e hĩnga ya, ĩ ndoli tɛnɛ mɛ e ndopa hɛ̃ ĩ na seni, ko ĩ nga na lingɔ ni ngoi zu na seni.

2 Timɔte 4:22

Gbia Yezo adu bɛ ndoni kɔi na mɔ ma ke! Nzapa ali bɛ nzɔ̃ bɛ hɛ̃ ĩ awa Kristo ma ke!

Zaki 1:22

Ta ĩ handa tɛrɛ ĩ nvɛni na mangɔ tɛnɛ tɛ Nzapa bo na ma ĩ kɔi ma, kanda ale ĩ li nga ni na seni.

2 Petro 1:10

Aya bua, ĩ ba nda mɛ ale ĩ li kpengbani sĩ, ko ĩ ngbã na lege tɛ Nzapa mɛ ndo aili ĩ, asara nga ĩ akpã ya, ĩ du azi tɛ ni la. Ta sanga ma, se ĩ li nga so ko, ta ĩ na tingɔ na ya siɔ ye bɛ gbɔ ma.

1 Yoanɛ 3:22

Ye zu mɛ e ndoyɔ ka ti lo ko, e ndolua ni, na lo mɛ ya, e ndotɔndɔ ndia tɛ lo, ko e ndoli nga ye mɛ bɛ lo ndode na lo ni.