Filipɛ 4:8 - Fana Ngbangɔ 1987

⁸ Aya bua, mbi ye kɔngɔ nda tɛnɛ tɛ mbi so mɛ: ĩ da bɛ ĩ na anzɔ̃ ye mɛ azi alengbi ti gondangɔ ni. Anzɔ̃ ye ni lo mɛ: abɛta ye zu mɛ e ndotɔndɔ, aye mɛ mbiri mbiri, aye mɛ vuruni, aye mɛ bɛ azi ndode na lo ni, nga na aye ti ndima.

Filipɛ 4:8 Iomraidhean Croise

Matie 22:16

So pɛni, ala to ambanga ava la, na ambanga ava Erodɛ ya, ala nɔ apa hɛ̃ Yezo ya: “Wa hangɔ lo tɛ Nzapa, e hĩnga ya, mɔ ndotɛnɛ bɛta tɛnɛ, ko mɔ ndoha nga bɛta lo na ndo sé du mɛ Nzapa ndoye. Ta mɔ ndokpɛ lɛ zo ma, ta sanga ma, ta mɔ ndoda bɛ mɔ na ndima mɛ zo na ni ma.

Marko 6:20

na lo mɛ ya, Erodɛ ndokpɛ ndo Yoanɛ sĩ, ta sanga ma, lo hĩnga ndo ya, Yoanɛ adu beta nzɔ̃ zo. Ko lo ndobata nga ndo Yoanɛ. Ngoi mɛ Erodɛ ĩ ma belangɔ tɛ Yoanɛ ko, ta bɛ lo ade ma, kanda lo ndoye ndo mangɔ tɛnɛ tɛ Yoanɛ sĩ.

Luka 16:15

Yezo apa hɛ̃ la ya: “ĩ du azi mɛ ĩ ndomu tɛrɛ ĩ na lɛ azi ya, ĩ abɛta azi, kanda Nzapa ahĩnga alo mɛ ka ya bɛ ĩ. Ta sanga ma, ye ko la azi ndomu ka lɛ la ngbondoni ko, Nzapa ndomu ni ka le lo gɛgɛrɛ.

Luka 2:25

Mbanga kɔli kɔi ndodu ndo ka Yeruzalɛmɛ, ili lo la Simeona. Lo ndo bɛta zo, lo ndotɔndɔ ndo Nzapa sĩ, ko lo ndoku ndo zo mɛ ndo apa lo tɛ lo ya, lo na gangɔ so songɔ awa Izrayɛlɛ. Tɔrɔ Santo ndodu ndo ndoni kɔi na Simeona,

Luka 23:50

Mbanga kɔli kɔi ili lo Yozɛfu, lo zo ti mbanga kɔdɔrɔ tɛ Ayuda mɛ andoili ya Arimatea. Lo nzɔ̃ zo, lo nga bɛta zo, lo ndolɛndɛrɛ ndo nga lá ti gangɔ tɛ Nzapa so lɛngɔ gbia na ndo azi. Lo ndo na li nɔ tɛ awa fangɔ ngbanga. Ko ta lo ye ndo ngbanga mɛ afɔ̃ lo afa abi li Yezo ma, ta lo ye nga ndo ye mɛ ala li tɛrɛ lo ma.

Yoanɛ 7:18

Zo ko ndotɛnɛ tɛnɛ na nguru tɛ lo nvɛni ko, lo ndogi ya, bo ni nvɛni wa ni lua ndima. Kanda zo ko ndoli kwa ya, wa tongɔ ni alua ndima na lo ni ko, zo mɛ ndotɛnɛ beta tɛnɛ, ta lo ndopa nga nvɛnɛ bɛ gbɔ ma la.

Awa Pangɔ Kwa 10:22

Ala gbinya hɛ̃ lo ya: “Kɔrnɛyɛ mɛ gbia tɛ aturugu la ato e. Lo nzɔ̃ zo mɛ ndotɔndɔ Nzapa, ko Ayuda zu ndogonda lo. Angelo tɛ Nzapa atisa lo ya, lo ili mɔ, mɔ ga ka tɛ lo, wa tɛnɛ mɛ mɔ na ni ko, mɔ pa hɛ̃ lo, lo ma.”

Awa Pangɔ Kwa 22:12

“Mbanga kɔli kɔi ndodu ka Damasi, ili lo la Ananiasi, lo ndohɛ̃ tɛrɛ lo so vɔrɔngɔ Nzapa, lo ndotɔndɔ nga ndia tɛ e, ko Ayuda ti Damasi zu ndogonda lo.

Awa Pangɔ Kwa 6:3

Aya bua, na lo ni ko, ale ĩ sara azi mbara mbara so popo tɛ ĩ mɛ pa ili la nzɔ̃ni, é hɛ̃ la kwa olo mɛ. Ale ala du azi mɛ na nguru tɛ Tɔrɔ Santo sĩ, ala du nga awa ndara,

Roma 13:13

E du na se nzɔ̃ li ye, nga ma se tɛ azi mɛ ndodɔ nɔ na ya vuru ndo. Ta e tɛ ye aɔ nyɔ kpɔ̃ ni ma, ta e nyɔ kana agbɔ̃ e ma, ta e li siɔ ye ti kamɛnɛ ma, ta e li siɔ ye ma, ta e pa pa ma, ta e li nga sɔbɛrɛ hɛ̃ afɔ̃ e ma.

Roma 13:3

Zo ko la ndoli nzɔ̃ ye ko, ta mbɛtɔ tɛ agbia tɛ leta ndogbɔ̃ lo ma, kanda zo ko la ndoli siɔ ye ko, zo mɛ mbɛtɔ tɛ agbia tɛ leta ndogbɔ̃ lo la. Se í ye ya, ta mbɛtɔ tɛ la agbɔ̃ ĩ ma ko, nzɔ̃ni ale ĩ li nzɔ̃ ye, wadila ala gonda ĩ.

Roma 14:18

Zo ko la ndoli kwa hɛ̃ Nzapa so ko, bɛ Nzapa ndode na lo tɛ lo, ko azi ndogonda nga lo.

1 Kɔrinto 4:5

Nda mɛ ale ta ĩ pia ĩ fa ngbanga tɛ zo uzu ti bi mɛ ndo Nzapa ako ma la. Kanda ĩ ku Gbia Yezo, lo na diringɔ gangɔ. Ngoi mɛ gbanda lo ga ko, lo fa gbanda alo mɛ na olo ka ya mbingo yango. Lo si nga gbanda na dangɔ bɛ tɛ azi yango. Lo li gbanda so, wa Nzapa agonda zo kɔi kɔi, ko gondangɔ ni alengbi na kwa mɛ zo kɔi kɔi ali.

2 Kɔrinto 13:7

E ndosambela Nzapa hɛ̃ ĩ ya, ta ĩ li siɔ ye kɔi ma. Bɛ se ta e lua lege ti fangɔ na ĩ ya, e du abɛta awa pangɔ kwa tɛ Yezo Kristo ma ko, e ye bo ya, ale ĩ li nzɔ̃ lo.

2 Kɔrinto 6:8

Ambanga azi ndotɔndɔ e, ambanga mɛ ndɛ̃ ndosa kamɛnɛ lɛ e. Ambanga ndotɛnɛ tɛnɛ nzɔ̃ni na ili e, ko ambanga mɛ ndɛ ndotɛnɛ tɛnɛ siɔni na ili e. Azi ndomu e ka lɛ la nga ma e awa nvɛnɛ, kanda e ndopa bɛta tɛnɛ.

2 Kɔrinto 8:18

E na tongɔ lo ana mbanga nyita e wa Kristo kɔi. Azi ti Eklezia zu ndogonda nyita e wa Kristo ni ko sĩ, na lo mɛ ya, lo ndopa Nzɔ̃ Pa nzɔ̃ni sĩ.

2 Kɔrinto 8:21

Ta e separa ya, e li nzɔ̃ ye bo na le Nzapa kɔi ma, kanda e separa nga ya, e li ni na lɛ azi.

Galatia 5:22

Kanda tɛ Tɔrɔ Santo ko, lo ndoli ya, azi ayengbi, adu na dengɔ bɛ, adu na bɛ pii, adu na yɔngɔrɔ bɛ, ali nzɔ̃ ye na tɛrɛ afɔ̃ la, adu nga na nzɔ̃ bɛ, ali ye na seni,

Efɛzɛ 4:25

Na lo ni ko, ĩ zia pangɔ nvɛnɛ! Ale zo kɔi kɔi atɛnɛ bɛta tɛnɛ hɛ̃ fɔ̃ lo, ta sanga ma, e kwɛ zu e du apɛnzɛ ngbonga tɛrɛ kɔi.

Efɛzɛ 5:9

Ta sanga ma, vuru ndo ndohɛ̃ zo anzɔ̃ ye ndɛ̃ ndɛ̃ ndɛ̃, na abɛta ye ndɛ̃ ndɛ̃ ndɛ̃, nga na abɛrɛ ye ndɛ̃ ndɛ̃ ndɛ̃.

Efɛzɛ 6:14

Wa í lɛkɛ tɛrɛ ĩ: ĩ tɛnɛ bɛta tɛnɛ, ta sanga ma, bɛta tɛnɛ adu nga ma gba mɛ zo agbe na gu ya lo so lɛkɛngɔ tɛrɛ lo ya, ni li kwa. Ale ĩ li ye na seni, ta sanga ma, lingɔ ye na seni adu nga ma bɔngɔ ti nwa mɛ ĩ yu na tɛrɛ ĩ, so gbanzingɔ ya, ta ye ti to akpɔ ĩ ma.

Filipɛ 3:1

Aya bua, na olo ko, ĩ saba, na lo mɛ ya, ĩ azi tɛ Gbia Yezo. Ta mbi ndonzɛ̃ na sungɔ tɛnɛ mɛ ndo mbi su hɛ̃ ĩ uzu ma, ko adu nzɔ̃ni na lo tɛ ĩ.

Kɔlɔsɛ 4:5

Ale ĩ du na ndara na popo tɛ apaganɔ, ĩ li nzɔ̃ ye ngoi zu mɛ se ĩ lua lege ti lingɔ ni.

1 Tɛsalɔnikɛ 4:12

Se ĩ li nga so ko, azi mɛ ta awa Kristo ma na tɔndɔngɔ ĩ, ko ta ĩ na yɔngɔ ye ka ti azi ma.

1 Timɔte 2:2

Ale ĩ sambela Nzapa na lo tɛ agbia, nga na lo tɛ akota azi zu, wadila kɔdɔrɔ tɛ e adu pii, ko e du nga na mangbingɔ. Na lo ni ko, du tɛ e alengbi ti dengɔ bɛ Nzapa, ko sé du tɛ e adu nga nzɔ̃ni ka gbɛlɛ lo.

1 Timɔte 3:11

Ale awe la adu nga awe ti ndima, awe mɛ ta ndodi zo ma, awe mɛ ndoli ye na nyɔ kpɔ̃ ni, awe mɛ ta ndoweza kwa kɔi mɛ ala na ni ma.

1 Timɔte 3:4

Ale lo du zo mɛ lo lengbi ti batangɔ nda se wa tɛ lo nvɛni nzɔ̃ni, ale lo li ya, aya lo ama nyɔ lo, atɔndɔ nga lo na seni.

1 Timɔte 4:12

Ta mɔ ye ya, zo asamana na mɔ, na lo mɛ ya, mɔ dɛ nyi kɔli ma. Kanda ale mɔ du wa fangɔ nzɔ̃ le lo na awa Kristo. Ale mɔ fa la na ni na se tɛnɛ tɛ mɔ, na se du tɛ mɔ, na se mɛ mɔ ndoye na lo tɛ Nzapa, nga na se mɛ mɔ ndodu na vuru bɛ.

1 Timɔte 5:10

Ale azi ahĩnga nga ya, lo ndoli ndo nzɔ̃ kwa, lo ndokã ndo aya lo nzɔ̃ni, lo ndoyamba ndo azi mɛ ndosi ka tɛ lo nzɔ̃ni. Ale lo du zo mɛ ndo ndokpo gɛrɛ azi tɛ Nzapa, zo mɛ ndo ndoza awa pɛnɔ, zo mɛ ndo ndoli nga anzɔ̃ ye ndɛ̃ ndɛ̃ ndɛ̃.

1 Timɔte 5:2

Mu atara bange nga ma atara mɔ, mu nga aya awe nga ma ayata mɔ, du na vuru bɛ na gbɛlɛ la.

Tito 1:8

Ale lo ndoyamba azi zu mɛ ndosi ka tɛ lo nzɔ̃ni, ale lo ye lingɔ nzɔ̃ ye, lo du na nzɔ̃ kɔdɛ, lo du bɛta zo, lo du zo mɛ ndotɔndɔ Nzapa sĩ, lo du zo mɛ lo ndofɔ̃ nga bɛ lo.

Tito 2:14

Lo nvɛni lo ka ndo tɛrɛ lo na lo tɛ e, so tɔ̃ngɔ e na ya siɔ ye zu. Lo li ndo so ya, e du na vuru bɛ, e ti azi tɛ ni, wa e li anzɔ̃ kwa na gonvɛnɛ.

Tito 2:2

Pa hɛ̃ abange ya, ala li ye na nyɔ kpɔ̃ ni, ala du azi ti ndima, ala du na nzɔ̃ kɔdɛ. Ale ala kpengba na ya lo yengɔ lo tɛ Nzapa, ala ye afɔ̃ la, ala gbe bɛ la.

Tito 2:7

Na ya lo zu ko, ale mɔ nvɛni mɔ fa nzɔ̃ lɛ lo ti lingɔ nzɔ̃ ye. Na ngoi ko la mɔ ndoha azi na lo tɛ Nzapa ko, ta nyɔ mɔ adu sɛ sɛ ma, ko mɔ ha nga ni na se mɛ alengbi.

Tito 3:14

Ale awa Kristo ti tɛ e ahĩnga hɛ̃ngɔ tɛrɛ la na lingɔ anzɔ̃ kwa, wadila ala za azi mɛ ta na ye ti la ma. Se ala li so ko, ta du tɛ la na dungɔ gɛgɛrɛ ma.

Aebreo 11:2

Azi ti uzu aye ndo lo tɛ Nzapa, ko na lo ni ndo la bɛ Nzapa ade na lo tɛ la.

Aebreo 13:18

Ĩ ngbã bo na sambelangɔ Nzapa hɛ̃ e. E hĩnga nzɔ̃ni ya, bɛ e vuruni. Ta sanga ma, e ndosepara ya, e li nzɔ̃ ye ngoi zu.

Zaki 1:27

Ĩ ba se vɔrɔngɔ To e Nzapa mɛ lo ndoye ya, adu bɛtani lo mɛ: zangɔ aya ndũ, na awe muã na ya pɛnɔ mɛ ala ndohũ, batangɔ tɛrɛ na ya asiɔ lo ti lɛ sese zu mɛ ndohanda zo ya, lo li siɔ ye.

Zaki 3:17

Ndara mɛ ndolo ka tɛ Nzapa ko, ta ndodu na siɔ ye kɔi ma. Zo ko la na gi tɛrɛ ndara ni ko, lo dede zo, lo nga na nzɔ̃ bɛ. Lo ndoma vundu tɛ azi sĩ, lo ndoli nga anzɔ̃ ye. Ta lo ndoye zo kɔi, ko lo dɔ atanga ni lo zia ma. Ta nyɔ lo sɛ sɛ ma.

1 Petro 1:22

Ĩ ndotɔndɔ bɛta lo tɛ Nzapa, la bɛ ĩ ati vuruni ya, ĩ ye ayata ĩ awa Kristo na bɛ ĩ kɔi. Wa ale ĩ yengbi sĩ nvɛni na bɛ ĩ kɔi.

1 Petro 2:12

Ale sé du tɛ ĩ adu nzɔ̃ni na popo tɛ apaganɔ. Se ĩ li so, bɛ se ala vɔ̃ to tɛrɛ ĩ ya, ĩ asiɔ azi ko, ala na hũngɔ ya, ĩ ndoli anzɔ̃ ye, ko gbanda ko, ala gonda Nzapa na lá ti gangɔ tɛ lo.

1 Petro 4:8

Ye mɛ aɔ aye zu la, ale ĩ yengbi sĩ nvɛni, ta sanga ma, se ĩ yengbi, wadila ĩ ka lɛ ĩ ndo asiɔ ye ma wo ma mɛ afɔ̃ ĩ ndoli tɛrɛ ĩ.

2 Petro 3:1

Aya bua, ĩ́ ba mbɛti ti sɛ mɛ mbi su, mbi to hɛ̃ ĩ lo mɛ. Na ya mbɛti ko ndo ti uzu, nga na ya omɛ ti sɛ ko, mbi diri na ndo aye mɛ ĩ hĩnga we. Mbi li so ya, ĩ da bɛ ĩ na ni, wadila ĩ li ni na seni.

1 Yoanɛ 3:18

Aya mbi, ale ta e ndoye ayata e awa Kristo bo na pɔrɔ nyɔ e kɔi ma. Ale e ndoye nga la na bɛ e kɔi, ko e li ye mɛ afa ya, e ndoye la.

1 Yoanɛ 3:3

Zo ko ndolɛndɛrɛ Kristo nga so ko, lo ndobata tɛrɛ lo ya, ni du bɛta zo, nga ma se ko Yezo nga bɛta zo.

1 Yoanɛ 4:1

Aya bua, awa nvɛnɛ mɛ ndonɛ ya, ani awa pangɔ nyɔ Nzapa, asu kpaya kpaya ge lɛ sese. Na lo ni ko, ta ĩ ye lo tɛ azi ko ndomu tɛrɛ la ya, ani na Tɔrɔ mɛ alo ka tɛ Nzapa ma. Ĩ tara bɛ la uzu, so hĩngangɔ biani ya, ala na Tɔrɔ mɛ alo ka tɛ Nzapa.