Filipɛ 4:7 - Fana Ngbangɔ 1987

⁷ Se ĩ li nga so, wa Nzapa ali ya, bɛ ĩ adu pii, ko bɛ pii ni aɔ kɔdɛ tɛ azi. Bɛ pii ni na batangɔ bɛ ĩ nga na dangɔ bɛ tɛ ĩ ya, ta ye kɔi ali ya, bɛ ĩ atitiri ma, na lo mɛ ya, ĩ azi tɛ Yezo Kristo.

Filipɛ 4:7 Iomraidhean Croise

Luka 1:79

Ndo ni na vurungɔ na ndo azi mɛ ndodu na ya mbingo, Azi mɛ mbɛtɔ ti kwá ndogbɔ̃ nga la.”

Luka 2:14

“E gonda Nzapa mɛ ka yayu! Lo li bɛ ya, azi ti lɛ sese mɛ lo ndoye la, adu na bɛ pii ma ke!”

Yoanɛ 14:27

“Mbi na ziangɔ ĩ, ko mbi na lingɔ ya, bɛ ĩ adu pii. Adu bɛ pii mɛ mbi na ni, la mbi na lingɔ ya, ĩ du nga na ni. Kanda ta azi ti lɛ sese alengbi ti lingɔ ya, ĩ du na bɛ pii, nga ma se mɛ mbi li ya, ĩ du na ni ma. Ta ĩ kpa bɛ ĩ ngbũ ma, ta mbɛtɔ agbɔ̃ nga ĩ ma.

Yoanɛ 16:33

Mbi pa tɛnɛ olo kwe zu hɛ̃ ĩ ya, ĩ ma, ko ĩ du nga ndoni kɔi na mbi, wadila bɛ ĩ adu pii. Ĩ na hũngɔ penɔ ge lɛ sese. Kanda ale ĩ gbe bɛ ĩ! Ĩ hĩnga ya, mbi nwɔ asiɔ ye ti lɛ sese wɛ.”

Roma 1:7

Mbi to mbɛti olo hɛ̃ ĩ awa Kristo ti Roma, ĩ zu mɛ Nzapa aye ĩ, ĩ mɛ Nzapa aili nga ĩ ya, ĩ du azi tɛ ni. Mbi bala ĩ. To e Nzapa na Gbia Yezo Kristo ali bɛ nzɔ̃ be hɛ̃ ĩ, ali bɛ nga ya, bɛ ĩ adu pii ma ke!

Roma 14:17

Ta sanga ma, ta lo Lɛngɔ Gbia tɛ Nzapa aba tɛngɔ ye, bere nyɔngɔ ye ma, kanda aba aye mɛ Tɔrɔ Santo ndohɛ̃ e. Aye ni lo mɛ: lingɔ ye na seni, dungɔ na mangbingɔ, nga na dungɔ na dengɔ bɛ.

Roma 15:13

Nzapa mɛ ndoli ya, e lɛndɛrɛ ni ko, lo li bɛ ya, bɛ ĩ ade zɔgɔrɔ ma ke! Lo li bɛ nga ya, ĩ lua bɛ pii aɔ ndoni, na lo mɛ ya, ĩ ye lo tɛ lo ma ke! Lo li bɛ so ya, na lo nguru tɛ Tɔrɔ Santo ko, ĩ lɛndɛrɛ lo kpengbani ma ke!

Roma 5:1

Na lo ni ko, Nzapa amu e ka lɛ lo ya, e abɛta azi, na lo mɛ ya, e ye lo tɛ lo. Ko na olo ko, e na lo e ndodu na mangbingɔ, na lo ye ko la Gbia tɛ e Yezo Kristo ali tɛrɛ e.

Roma 8:6

Se zo akpã bɛ lo bo na ndo ye mɛ gwɛ̃ ti tɛrɛ lo aye ko, ye ni abi lo ya kwá. Kanda se zo akpã bɛ lo bo na ndo ye mɛ Tɔrɔ Santo aye ko, ye ni ahɛ̃ lo bɛta du, ko ali nga ya, bɛ lo adu piini.

2 Kɔrinto 10:5

Ye zu ko la azi ndoli na yakɛ ya, agbanzi zo na hĩngangɔ lege tɛ Nzapa ko, e ndogbɛ̃ nga ni. E ndotɛnɛ tɛnɛ zu hɛ̃ azi so gbinyangɔ dangɔ bɛ tɛ la ya, ala ma nyɔ Kristo.

2 Kɔrinto 13:11

Aya bua, na olo ko, mbi zei ĩ! Ale ĩ li kpengbani ya, ĩ ti abɛta anzɔ̃ azi. Ale ĩ sa nguru bɛ afɔ̃ ĩ, ale nyɔ ĩ ase kɔi, ale ĩ du nga na mangbingɔ, wadila Nzapa adu ndoni kɔi na ĩ. Lo ndoye azi, lo ndoli ya, bɛ azi adu pii.

Galatia 5:22

Kanda tɛ Tɔrɔ Santo ko, lo ndoli ya, azi ayengbi, adu na dengɔ bɛ, adu na bɛ pii, adu na yɔngɔrɔ bɛ, ali nzɔ̃ ye na tɛrɛ afɔ̃ la, adu nga na nzɔ̃ bɛ, ali ye na seni,

Efɛzɛ 3:19

Mbi ndohũnda lo ya, ĩ hĩnga yengɔ mɛ Yezo Kristo ndoye na e. Wa ta zo alengbi ti hĩngangɔ ni zu na seni ma. Ko mbi ndohũnda nga lo ya, ye zu mɛ lo na ni ko, lo sa ni ka bɛ ĩ, ko asĩ ya bɛ ĩ.

Filipɛ 1:1

Mbi Polo na Timɔte mɛ e awa kwa tɛ Yezo Kristo la e to mbɛti olo hɛ̃ ĩ azi tɛ Nzapa zu mɛ ĩ ye lo tɛ Yezo Kristo, ĩ mɛ ĩ ndodu ka kɔdɔrɔ ti Eilipɛ. E to nga mbɛti ni hɛ̃ ĩ awa batangɔ Eklezia, na ĩ adiakrɛ. E bala ĩ.

Filipɛ 1:2

To e Nzapa, na Gbia Yezo Kristo ali bɛ nzɔ̃ bɛ hɛ̃ ĩ, ala li bɛ nga ya, bɛ ĩ adu pii ma ke!

Filipɛ 4:19

Nzapa tɛ e na nwa ma wo ma, lo na hɛ̃ngɔ ĩ ye zu mɛ ĩ na gwɛ̃ ni, lo na hɛ̃ngɔ ni ti ndo Yezo Kristo.

Filipɛ 4:21

Ĩ bala hɛ̃ e azi tɛ Nzapa zu na ili Yezo Kristo. Awa Kristo mɛ e na la ge abala nga ĩ.

Filipɛ 4:9

Aye mɛ ndo mbi ha na ĩ la ĩ ye lo ni ko, ĩ li ni. Atɛnɛ mɛ ndo ĩ ma na nyɔ mbi, na aye mɛ ndo ĩ hũ, mbi li ko, ĩ li nga ni, wadila Nzapa mɛ ndoli ya, bɛ e adu pii, adu ndoni kɔi na ĩ.

Kɔlɔsɛ 3:15

Mangbingɔ mɛ Yezo Kristo ndoli ya, adu na popo tɛ ĩ ko, abata bɛ ĩ ma ke! Ta sanga ma, Nzapa aili ĩ ya, ĩ du nga ma apɛnzɛ ngbonga tɛrɛ zo kɔi, ko ĩ du nga na mangbingɔ. Ale ĩ ndohɛ̃ nga lo sia kɔli.

2 Tɛsalɔnikɛ 3:16

Gbia Yezo nvɛni mɛ ndoli ya, bɛ azi adu pii ko, lo li bɛ ya, bɛ ĩ adu ngoi zu pii ma ke! Ko lo li bɛ nga ya, bɛ ĩ adu pii na se kɔdɛ zu ma ke! Gbia Yezo adu bɛ ndoni kɔi na ĩ zu ma ke!

Aebreo 13:20

Nzapa aso Gbia tɛ e Yezo Kristo na pɛ kwá. Yezo adu bɛta wa batangɔ angasã ngbaga, na lo mɛ ya, lo kpi ndo so e. Ko na lo ti mɛnɛ tɛrɛ lo mɛ asa, la Nzapa na azi agbe fana ngbanga mɛ ndongbã kaka.

Yudɛ 1:1

Mbi Yudɛ mɛ wa kwa tɛ Yezo Kristo, mbi mɛ nga nyita Zaki la mbi su mbɛti olo mɛ. Mbi to ni hɛ̃ ĩ azi mɛ To e Nzapa aye ĩ, aili nga ĩ ya, ĩ du azi tɛ ni, ĩ mɛ Yezo Kristo ndobata ĩ. Mbi bala ĩ.

Suma 1:4

Mbi Yoanɛ la mbi su mbɛti olo mbi to hɛ̃ awa Kristo ti Eklezia mbara mbara mɛ ka sese ti Azia. Mbi bala ĩ! Nzapa ndo da gã, lo da na olo, lo nga na gangɔ. Wa lo li bɛ hɛ̃ ĩ nzɔ̃ bɛ ma ke! Lo li bɛ nga ya, bɛ ĩ adu pii ma ke! Atɔrɔ tɛ lo mbara mbara mɛ ndolonga so gbɛlɛ ngɛndɛ gbia tɛ lo ali bɛ nzɔ̃ bɛ hɛ̃ ĩ ma ke! Ala li bɛ nga ya, bɛ ĩ adu pii ma ke!

Suma 2:17

“Zo ko la ma lo adu da ko, ale lo ma tɛnɛ mɛ Tɔrɔ Santo atɛnɛ hɛ̃ awa Eklezia! “Azi ko la agbe bɛ la na ya apenɔ, anwɔ ni ko, ni hɛ̃ nga la gbanda tɛ mɛ ahɔndɛ hɔndɛngɔ, ili tɛ ni la manɛ. Ni hɛ̃ nga gbanda hɛ̃ zo kɔi kɔi na popo tɛ la nyi tɛ́nɛ mɛ mbufuni, asu fana ili na terɛ tɛnɛ ni. Ta zo mɛ ndɛ̃ ahĩnga nda ili ni ma, wenge bo zo mɛ alua ni.”