Filipɛ 4:6 - Fana Ngbangɔ 1987

⁶ Ta be ĩ angbã ngbũ na lo ye kɔi ma, kanda na ya alo zu mɛ asi na ĩ ko, ĩ hũnda Nzapa ya, lo hɛ̃ ĩ ye mɛ ĩ na gwɛ̃ ni, ko ĩ hũnda lo na ya sambela tɛ ĩ, ĩ hũnda nga lo na hɛ̃ngɔ lo sia kɔli.

Filipɛ 4:6 Iomraidhean Croise

Matie 10:19

Ngoi mɛ gbanda azi agbɔ̃nɔ ĩ, anɔ na ĩ ka gbɛlɛ awa fangɔ ngbanga ko, ta bɛ ĩ angbã ngbũ na lo ti se kɔdɛ mɛ ĩ na bɛrɛngɔ na nyɔ ĩ, bere na se mɛ ĩ na tɛnɛngɔ na tɛnɛ ma. Kanda na ngoi ni ko, í tɛnɛ bo tɛnɛ mɛ Nzapa na tongɔ ka bɛ ĩ.

Matie 13:22

Ambanga azi mɛ ndɛ̃ adu nga ma ale tɛ mɛ asa na popo asa ti kĩ. Ala ndoma tɛnɛ tɛ Nzapa, wa se sɔngɔ bɛ ti alo ti sese olo, na dengɔ bɛ na lo ti nwa ti sese mɛ alengbi ti handangɔ zo, avĩ tɛnɛ tɛ Nzapa kpu ko, ta kɔdɛ mɛ ya, tɛnɛ ni ahɛ̃ le da ma.

Matie 6:34

Ta bɛ ĩ asɔ na lo ti lá ti ndã ma, na lo mɛ ya, lá ti ndã na gangɔ nga na pɛnɔ tɛ lo nvɛni. Bi kɔi kɔi na pɛnɔ tɛ lo.”

Matie 6:8

Ta ĩ manda la ma, uzu ti yɔngɔ ye ka ti To ĩ ko, lo pia lo hĩnga ye mɛ ĩ na gwɛ̃ ni wɛ.

Luka 10:41

La Gbia Yezo agbinya hɛ̃ lo ya: “Marta, Marta, bɛ mɔ angbã ngbũ, ko mɔ ndogia tɛrɛ mɔ na lo ti aye ma wo ma,

Luka 12:22

So pɛni, Yezo apa hɛ̃ ava lo ya: “Na lo ni ko, mbi pa hɛ̃ ĩ ya, na lo ti du tɛ ĩ ko, ta bɛ ĩ asɔ na lo ti tɛ mɛ ĩ na gwɛ̃ ti tɛngɔ ma. Na lo ti tɛrɛ ĩ ko, ta bɛ ĩ asɔ na lo ti bɔngɔ mɛ ĩ na gwɛ̃ ti yungɔ ma.

Luka 12:29

Wa ngoi zu ko, ta bɛ ĩ asɔ so gingɔ tɛ ti tɛngɔ, bere ye ti nyɔngɔ ma.

Luka 18:1

So pɛni, Yezo ato matɔ so fangɔ na la ya, ale ala ndosambela ngoi zu, ale ta ala ndonzɛ̃ nga bɛ gbɔ ma.

Luka 18:7

Azi mɛ Nzapa asara la akpa azi tɛ lo, ko bi na la, ala ndodɛrɛ kɔngɔ hɛ̃ lo ko, lo fa gbanda ngbanga tɛ la. Ta lo ndanga nga gbanda tɛrɛ lo na zangɔ la ma.

1 Kɔrinto 7:21

Se adu ya, mɔ ndo mbɛ, la Nzapa aili mɔ ko, ta bɛ mɔ asɔ na lo ni ma. Kanda se mɔ lua lege ti tingɔ bɔrɔ ko, ta mɔ zia ma.

1 Kɔrinto 7:32

Mbi separa ya, ta ĩ kpã bɛ ĩ ngbũ ma. Kɔli ko la mɔdo ko, lo ndokpã be lo na ndo alo tɛ Gbia Yezo, lo ndogi kɔdɛ ya, ni li ye so dengɔ na bɛ Gbia Yezo.

2 Kɔrinto 1:11

Ta sanga ma, ĩ nvɛni nga na zangɔ e na sambela mɛ ĩ na sambelangɔ na lo tɛ e. Na lo ni ko, Nzapa na mangɔ sambela mɛ azi gba na sambelangɔ na lo tɛ e, lo nga na lingɔ nzɔ̃ lo ni ko hɛ̃ e, ko azi gba na hɛ̃ngɔ lo sia kɔli na lo nzɔ̃ lo mɛ lo li hɛ̃ e.

Efɛzɛ 5:20

Ngoi zu ko, ale ĩ ndohɛ̃ sia kɔli hɛ̃ To e Nzapa, na ili Gbia tɛ e Yezo Kristo na lo ye zu.

Efɛzɛ 6:18

Ĩ li aye olo zu na sambelangɔ Nzapa, ko ĩ hũnda lo ya, lo za ĩ. Ale ĩ sambela Nzapa ngoi zu, nga ma se mɛ Tɔrɔ Santo afa na ĩ. Na lo ni ko, ĩ du na kpengba lɛ, ta ĩ nzɛ̃ nga bɛ fani kɔi ma. Ale ĩ sambela hɛ̃ azi tɛ Nzapa zu.

Kɔlɔsɛ 3:15

Mangbingɔ mɛ Yezo Kristo ndoli ya, adu na popo tɛ ĩ ko, abata bɛ ĩ ma ke! Ta sanga ma, Nzapa aili ĩ ya, ĩ du nga ma apɛnzɛ ngbonga tɛrɛ zo kɔi, ko ĩ du nga na mangbingɔ. Ale ĩ ndohɛ̃ nga lo sia kɔli.

Kɔlɔsɛ 3:17

Aye zu mɛ ĩ ndoli, na atɛnɛ zu mɛ ĩ ndotɛnɛ ko, ale ĩ li ni na ili Gbia Yezo. Ale ĩ li nga ni ndoni kɔi na hɛ̃ngɔ sia kɔli hɛ̃ To e Nzapa ti ndo lo.

Kɔlɔsɛ 4:2

Ta ĩ nzɛ̃ na sambelangɔ Nzapa ma, ta ĩ wo na lɛ ĩ na ya sambela mɛ ĩ ndosambela na lo ma. Ale ĩ ndohɛ̃ lo sia kɔli.

1 Timɔte 2:1

Tɛnɛ ti uzu mɛ mbi na wangɔ na ĩ awa Kristo lo mɛ: ĩ sambela Nzapa na lo tɛ azi zu, ĩ vɔrɔ tɛrɛ ĩ hɛ̃ lo na lo tɛ la ya, lo za la, ĩ́ hɛ̃ nga lo sia kɔli na lo tɛ la.

1 Timɔte 5:5

Wali mɛ we muã nvɛni, ko ta zo ti zangɔ lo da ma ko, lo ndolɛndɛrɛ Nzapa, ta lo ndonzɛ̃ na vɔrɔngɔ Nzapa, nga na hũndangɔ lo bi na lá ya, lo za ni ma.

1 Petro 4:7

Angbã yakere, nda aye zu akɔ. Na lo ni ko, í du na kɔdɛ, ĩ́ du na kpengba lɛ, wadila ĩ sambela Nzapa na seni.

1 Petro 5:7

Alo zu mɛ bɛ ĩ ndosɔ na lo ni ko, ĩ́ zia ni ka ti lo, ta sanga ma, lo ndobata ĩ.