Filipɛ 4:5 - Fana Ngbangɔ 1987

⁵ Ĩ fa hɛ̃ azi zu ya, ĩ du adede azi. Angbã yakere Gbia aga.

Filipɛ 4:5 Iomraidhean Croise

Matie 6:25

Yezo apa ya: “Na lo ni la mbi pa hɛ̃ ĩ ya, na lo ti du tɛ ĩ ko, ta bɛ ĩ asɔ na lo ti tɛ, nga na lo ti ye ti nyɔngɔ mɛ ĩ na gwɛ̃ ni ma. Na lo ti tɛrɛ ĩ ko, ta bɛ ĩ asɔ na lo ti bɔngɔ mɛ ĩ na gwɛ̃ ti yungɔ ma. Ta sanga ma, du tɛ zo adu ngbondoni aɔ tɛ, tɛrɛ zo adu nga ngbondoni aɔ bɔngɔ. Ta seni la ma?

Matie 6:34

Ta bɛ ĩ asɔ na lo ti lá ti ndã ma, na lo mɛ ya, lá ti ndã na gangɔ nga na pɛnɔ tɛ lo nvɛni. Bi kɔi kɔi na pɛnɔ tɛ lo.”

Luka 21:34

“Ĩ du na kpengba lɛ ya, ta ĩ hɛ̃ tɛrɛ ĩ na tɛngɔ yenga ma, ta ĩ nyɔ nga kana agbɔ̃ ĩ ma. Ta ĩ du na sɔngɔ bɛ na lo ti du ti lɛ sese olo ma, so kɔdɛ tɛ ĩ ati yenge yenge, ko lá ti gangɔ tɛ mbi abuta ĩ.

1 Kɔrinto 16:22

Se ta zo aye Gbia Yezo ma ko, ale Nzapa azonga zo ni ko! Marana ta! Alengbi ya, Gbia tɛ e, ga hĩ!

1 Kɔrinto 6:7

Biani, nga ma la ĩ ndovɔ̃ to tɛrɛ ayata ĩ awa Kristo ko, oko apia afa ya, ĩ yu lege tɛ Nzapa we la. Se zo ali ĩ siɔni, bere lo nzĩ ye tɛ ĩ ko, nzɔ̃ni ale ĩ gbe bɛ ĩ.

1 Kɔrinto 8:13

Na lo ni, se mbi tɛ sa mɛ alu na angbilondo, ko na lo tɛ mbi, nyita mbi wa Kristo ali siɔ ye ko, ta mbi ti tɛ ni bɛ gbɔ ma, so lo li siɔ ye.

1 Kɔrinto 9:25

Uzu ya awa kpɛngɔ kpɛ zu akpɛ kpɛ ko, ala ndofɔ̃ bɛ la na ya mandangɔ kpɛngɔ kpɛ tɛ la. Ala ndoli so ya, ani zɔ li ni, wa ani lua mbana gɛrɛ ani. Ko ta mbana gɛrɛ la mɛ ala ndolua ndoninga ngbĩi ma. Kanda tɛ e ko, e ndoli ya, e lua mbana gɛrɛ e mɛ ndongbã kaka.

2 Kɔrinto 10:1

Mbi Polo, mbi gbɔ̃ gɛrɛ ĩ na lo ye kɔi. Azi ndopa tɛnɛ na ili mbi ya, ngoi mɛ mbi e na ĩ, e du ndoni kɔi ko, mbi tɛnɛ tɛnɛ mɛ woni, wa ngoi mɛ mbi du yɔngɔrɔni na ĩ ko, mbi ti wa tɛnɛngɔ kpengba tɛnɛ hɛ̃ ĩ. Yezo Kristo adu dede zo, lo nga wa nzɔ̃ bɛ. Na lo ni ko, lo mɛ mbi gbɔ̃ gɛrɛ ĩ na lo ni lo mɛ:

Tito 3:2

Pa hɛ̃ la ya, ta ala tɛnɛ tɛnɛ siɔni na ili zo ma. Ale ala du na mangbingɔ, ali afɔ̃ la nzɔ̃ni, ali ye ngoi zu na tɛrɛ azi zu na dede bɛ.

Aebreo 10:25

Ale ta e awa Kristo e dɔ nɔngɔ bombi tɛ e, e zia ma. Ambanga azi adɔ nɔngɔ bombi azia, ko ta e li nga ma se tɛ la ma. Kanda ale e ndosangbi nguru bɛ e, ko ale e ndosa nguru ni ndoni ndoni, na lo mɛ ya, ĩ hũ ka lɛ ĩ ya, lá ti diringɔ tɛ Gbia Yezo adoli.

Aebreo 10:37

Ti biani, asu ka ya Buku tɛ Nzapa ya: “Zo ko e ma lo tɛ lo ya, lo ga gbanda ko, Angbã bo yakere nvɛni lo ga. Lo na gangɔ bo lo mɛ.

1 Petro 1:11

Tɔrɔ tɛ Yezo Kristo mɛ ndo na ya tɛrɛ la apia ndo apa hɛ̃ la ya, Kristo ahũ gbanda pɛnɔ, so pɛni ko, lo lua ndima. Ala ndogi ndo ya, ani hĩnga ngoi mɛ aye ni ko na singɔ, nga na se mɛ aye ni ko na singɔ na ni.

1 Petro 4:7

Angbã yakere, nda aye zu akɔ. Na lo ni ko, í du na kɔdɛ, ĩ́ du na kpengba lɛ, wadila ĩ sambela Nzapa na seni.

Suma 22:20

Yezo mɛ apa ya, tɛnɛ olo adu bɛta tɛnɛ ko, lo pa nga ya: “Seni la, angbã yakere mbi ga!” Ae! Adu bɛ seni la ma ke! Gbia Yezo, ga!

Suma 22:7

La Yezo apa ya: “Ma hĩ, angbã yakere mbi ga! Dengɔ bɛ ati na azi ko la atɔndɔ tɛnɛ mɛ alo ka nyɔ Nzapa, la asu na ya buku olo mɛ.”