Filipɛ 4:4 - Fana Ngbangɔ 1987

⁴ Ĩ saba ngoi zu, na lo mɛ ya, ĩ azi tɛ Gbia. Mbi ti mbi pa hɛ̃ ĩ fani mɛ ndɛ̃ ya, í saba!

Filipɛ 4:4 Iomraidhean Croise

Matie 5:12

Ale ĩ saba, ĩ du na dengɔ bɛ, ta sanga ma, kota mbana gɛrɛ ĩ ndoku ĩ ka yayu. Se mɛ ndo nga ahɛ̃ na pɛnɔ hɛ̃ awa pangɔ nyɔ Nzapa mɛ ndo uzu tɛ ĩ la.”

Awa Pangɔ Kwa 16:25

Ĩ da na nɔ tɛ bɛ bi ko, Polo na Silasi asambela, aye bia so gondangɔ na Nzapa. Ko awa bɔlɔkɔ mɛ ndɛ̃ so ndoma la.

Awa Pangɔ Kwa 5:41

Awa pangɔ kwa tɛ Yezo azia awa fangɔ ngbanga agwe na dengɔ bɛ, ta sanga ma, Nzapa aye ndo ya, ale ali la siɔni na lo tɛ Yezo.

Roma 12:12

Ale ĩ du na dengɔ bɛ, na lo mɛ ya, ĩ ndolɛndɛrɛ Nzapa. Ale ĩ gbe bɛ ĩ na ya apɛnɔ mɛ ĩ ndohũ, ĩ sambela Nzapa ngoi zu.

2 Kɔrinto 6:10

Andohɛ̃ e vundu, kanda e bo ngoi zu na dengɔ bɛ. Andohũ e nga ma e awa yɛlɛ, kanda e li azi ma ya ma ati awa nwa ka lɛ Nzapa. Andohũ e nga ma ta e na ye ma, kanda ti biani ko, e na ye kwɛ zu.

Galatia 1:8

Wa se zo apa hɛ̃ ĩ Nzɔ̃ Pa mɛ aɔngbi na Nzɔ̃ Pa mɛ ndo e pa hɛ̃ ĩ, ko bɛ se adu e, bere, angelo mɛ alo ka yayu ko, Nzapa azonga bɛ lo ma ke!

Filipɛ 2:18

Se mɛ nga ale bɛ ĩ ndode, ko ĩ kpa nga mbi na ya dengɔ bɛ tɛ ĩ la.

Filipɛ 3:1

Aya bua, na olo ko, ĩ saba, na lo mɛ ya, ĩ azi tɛ Gbia Yezo. Ta mbi ndonzɛ̃ na sungɔ tɛnɛ mɛ ndo mbi su hɛ̃ ĩ uzu ma, ko adu nzɔ̃ni na lo tɛ ĩ.

1 Petro 4:13

Kanda ale ĩ saba, ta sanga ma, ĩ ndohũ pɛnɔ nga ma se mɛ ndo Yezo Kristo ahũ na pɛnɔ, ya na lá ko gbanda Nzapa afa lo na ya ndima, ĩ hũ lo ko, bɛ ĩ adɛ zɔgɔrɔ.