Filipɛ 4:3 - Fana Ngbangɔ 1987

³ Mbɛni nga la mɔ mɛ bɛta kwa mbi, mɔ mɛ ndo e na mɔ e ndoli kwa ndoni kɔi, mbi hũnda mɔ ya, mɔ za Evodia na Sɛntisɛ. Ta sanga ma, mbi na la, na Klema, nga na afɔ̃ mbi mɛ ndɛ̃ zu mɛ ndo e na la e ndoli kwa tɛ Nzapa ndoni kɔi, e ndoli ndo kpengbani, la e ndopa Nzɔ̃ Pa tɛ Yezo Kristo hɛ̃ azi. Ko Nzapa asuru ndo ili azi mɛ e na la e ndoli kwa tɛ lo, ka ya buku mɛ andosuru na ili azi mɛ alua du ti kaka.

Filipɛ 4:3 Iomraidhean Croise

Luka 10:20

Kanda ta ĩ saba na lo ko la asiɔ tɔrɔ ama nyɔ ĩ ma, kanda ale ĩ saba na lo ko la Nzapa asu ili ĩ ka ya buku tɛ lo ka yayu.”

Roma 12:1

Aya bua, nga ma la Nzapa ama vundu tɛ e sĩ ko, mbi gbɔ̃ gɛrɛ ĩ ya, ĩ du bo azi tɛ Nzapa, ĩ ka tɛrɛ ĩ zu hɛ̃ lo, nga ma sa mɛ ahɛ̃ ya, aho alu na lo, kanda tɛ ĩ ko, ĩ ngbã le ĩ ngɛ̃. Se ĩ ka tɛrɛ ĩ hɛ̃ lo nga so, wa bɛ lo ade na lo ni. Ĩ ba se beta vɔrɔngɔ Nzapa mɛ ale ĩ ndovɔrɔ na lo la.

Roma 16:12

Ĩ bala hɛ̃ mbi Trifɛnɛ na Trifozɛ mɛ ndoli kwa hɛ̃ Gbia, ĩ bala hɛ̃ mbi Pɛrzidɛ, kwa mbi ti wali mɛ mbi ndoye lo sĩ, lo ndoli ndo kwa hɛ̃ Gbia sĩ.

Roma 16:9

Ĩ bala hɛ̃ mbi Urbano mɛ e na lo e ndoli kwa tɛ Yezo Kristo. Ĩ bala nga hɛ̃ mbi Stakisi mɛ nga kwa mbi ti kpɔ̃ bɛ mbi.

Filipɛ 1:12

Mbi ye ya ĩ hĩnga ya, aye mɛ ali mbi ko, azi lege, la Nzɔ̃ Pa tɛ Yezo Kristo ndogwe bo ngoi zu uzu uzu.

Filipɛ 1:16

Ala ndopa tɛnɛ ni na nzɔ̃ bɛ, na lo mɛ ya, ala ye mbi. Ko ala hĩnga ya, Nzapa azia kwa ti kambisangɔ nda lo ti Nzɔ̃ Pa na yamba ti mbi.

Filipɛ 1:27

Ye kɔi mɛ bo ngbondoni lo mɛ: ale sé du tɛ ĩ adu bo nga ma se mɛ Nzɔ̃ Pa tɛ Yezo Kristo apa na ni. Na lo ni ko, bɛ se mbi ga so bangɔ ĩ bere se ta mbi ga ma ko, mbi ye bo mangɔ ya, ĩ ngbã bo na yengɔ lo tɛ Yezo Kristo, ko bɛ ĩ adu kɔi, ko ĩ bombi nga tɛrɛ ĩ so lingɔ kwa, wadila Nzɔ̃ Pa tɛ lo agwe ngoi zu uzu uzu.

Filipɛ 1:5

Mbi ndohɛ̃ sia kɔli hɛ̃ Nzapa, na lo mɛ ya, ato na lá ko ndo ĩ ma na Nzɔ̃ Pa tɛ Yezo Kristo, ngbĩi asi na lá olo ko, ĩ za ndo mbi na pangɔ Nzɔ̃ Pa ni hɛ̃ azi.

Filipɛ 1:7

Adu na seni ya, mbi da bɛ mbi na ĩ zu nga so, na lo mɛ ya, mbi ndoye ĩ sĩ nvɛni. Ta sanga ma, Nzapa ali nga hɛ̃ ĩ zu nzɔ̃ bɛ mɛ ndo lo li hɛ̃ mbi. Lo li ndo ni na ngoi mɛ ndo mbi tɔndɔ na nda lo ti Nzɔ̃ Pa ka gbɛlɛ awa fangɔ ngbanga. Na ngoi ni ndo ko, mbi wa ndo nga la ya, ala ye lo ti Nzɔ̃ Pa ni na bɛ la kɔi. Ko lo li nga nzɔ̃ bɛ ni na ngoi olo mɛ mbi ge ya bɔlɔkɔ.

Filipɛ 4:2

Mɔ Evodia nga na mɔ Sɛntise, mbi gbɔ̃ gɛrɛ ĩ ya, ĩ du na mangbingɔ na popo tɛ ĩ, nga ma se tɛ awe mɛ ayata, ta sanga ma, ĩ du azi tɛ Gbia.

Kɔlɔsɛ 1:7

Epafrasi ndo la aha ĩ na Nzɔ̃ Pa ni lo fɔ̃ e ti kpɔ̃ bɛ e, lo nga la e na lo e ndoli kwa tɛ Gbia. Lo ndoli kwa tɛ Yezo Kristo ka tɛ ĩ na se lɛ e na bɛ lo kɔi.

Suma 13:8

Azi ti le sese zu na vɔrɔngɔ lo, wenge bo azi mɛ asuru ili la ka ya buku mɛ asuru na ili azi ko la alua du ti kaka. Asuru ndo ili azi ni ka ya buku uzu ti Nzapa lingɔ sese. Buku ni adu tɛ Nyi Ngasã Ngbaga mɛ ndo aho lo.

Suma 17:8

Wa ma nda ni lo mɛ: sa ko mɔ hũ ko, ndo gã ko, lo ndo lɛ lo ngɛ̃, kanda na olo mɛ ko, ta lo ti dɛ lɛ lo ngɛ̃ ma. Wa angbã yakere ko, lo lo ka ya du mɛ lipi lipi, lo si. Ngoi mɛ lo na singɔ ko, Nzapa na bingɔ lo ka lifɛlo. Azi ti lɛ sese mɛ ndo ta asu ili la ka ya Buku mɛ asuru na ili azi mɛ alua du ti kaka, na ngoi mɛ ndo Nzapa ato nda lingɔ sese ma ko, ala na hũngɔ lo. Ala nga na bemangɔ, na lo mɛ ya, sa ni ko ndo uzu lɛ lo ngɛ̃, kanda na olo mɛ ko, ta lo ti dɛ lɛ lo ngɛ̃ ma, lo na singɔ fani mɛ ndɛ̃.

Suma 20:12

Mbi hũ akota azi na ambumbusɛ azi mɛ ndo akpili, ala longa so gbɛlɛ ngɛndɛ gbia ni. Mbi hũ azizi ya abuku, azi nga ya buku mɛ ndɛ̃ mɛ asuru na ili azi mɛ alua du ti kaka. Nzapa afa ngbanga tɛ awa kwáni na se ye mɛ ndo ala li, nga ma se mɛ asu na ni ka ya abuku ni ko,

Suma 20:15

Zo ko ndo la ta asu ili lo ka ya buku mɛ asuru na ili azi mɛ alua du ti kaka ma ko, abi lo gbanda ka ya wá ni ko.

Suma 21:27

Ta ye kɔi ti bi, bere zo kɔi mɛ ahɛ̃ tɛrɛ lo na lingɔ siɔ ye, bere ahɛ̃ nga tɛrɛ lo so pangɔ nvɛnɛ ali gbanda kai ma, wenge bo azi mɛ asu ili la na ya buku mɛ asuru na ili azi mɛ alua du ti kaka. Buku ni adu tɛ Nyi Ngasã Ngbaga.

Suma 3:5

Azi ko la agbe bɛ la na ya apɛnɔ, anwɔ ni ko, ala yu gbanda mbufu bɔngɔ. Ko ili la mɛ asu ka ya buku mɛ asuru na ili azi mɛ alua du ti kaka ko, ta ni fa gbanda ni, ni zi ma. Ni na pangɔ na gbɛlɛ To ni nga na gbɛlɛ aangelo tɛ lo ya, azi ni ko adu azi tɛ ni.