Filipɛ 4:2 - Fana Ngbangɔ 1987

² Mɔ Evodia nga na mɔ Sɛntise, mbi gbɔ̃ gɛrɛ ĩ ya, ĩ du na mangbingɔ na popo tɛ ĩ, nga ma se tɛ awe mɛ ayata, ta sanga ma, ĩ du azi tɛ Gbia.

Filipɛ 4:2 Iomraidhean Croise

Marko 9:50

“Hĩngɔ adu nzɔ̃ ye, kanda se sɔngɔ ni awe ko, ta kɔdɛ mɛ ya, mɔ ti li wa hĩngɔ ni ati asɔ da ma. Ale ĩ du nga ma se ti hĩngɔ na popo tɛ ĩ, ko ĩ du nga na mangbingɔ.”

1 Kɔrinto 1:10

Aya bua, mbi gbɔ̃ gɛrɛ ĩ na ili Gbia tɛ e Yezo Kristo ya, ĩ tɛnɛ tɛnɛ nyɔ ĩ kɔi, ta ĩ kangbi popo tɛ ĩ ma, ĩ du na mangbingɔ, ale dangɔ bɛ tɛ ĩ na kɔdɛ ti lingɔ ye tɛ ĩ adu kɔi.

Filipɛ 3:16

Abɛ nga sia ko, lege tɛ Nzapa mɛ ndo e ndoɔ ti da, ngbĩi e si na ni na olo ko, é ngbã bo na ɔngɔ ti da.

1 Tɛsalɔnikɛ 5:13

Ĩ ye la na bɛ ĩ kɔi na lo kwa tɛ Nzapa mɛ ala ndoli. Ĩ du na mangbingɔ na popo tɛ ĩ.

Aebreo 12:14

Ale ĩ li kpengbani, ĩ na azi zu, í du na mangbingɔ. Ale ĩ li nga kpengbani ya, du tɛ ĩ adu mbiri mbiri ka lɛ Gbia Nzapa. Ta sanga ma, se ta du tɛ zo adu mbiri mbiri ma ko, ta zo ni ahũ gbanda le Nzapa ma.