Filipɛ 4:1 - Fana Ngbangɔ 1987

¹ Aya bua ti kpɔ̃ bɛ mbi, wa ĩ ba se mɛ ale ĩ ndongbã bo na yengɔ lo tɛ Gbia la. Akwa mbi, mbi ndosepara ma ya ma ya, mbi diri mbi ga mbi ba ĩ. Ĩ ndohɛ̃ mbi dengɔ bɛ ma ya ma, ko na lo tɛ ĩ la mbi ndolɛndɛrɛ mbana gɛrɛ mɛ Nzapa na hɛ̃ngɔ mbi.

Filipɛ 4:1 Iomraidhean Croise

Matie 10:22

Azi zu na kɛ̃ngɔ ĩ na lo tɛ mbi. Kanda zo ko la agbe bɛ lo na ya apɛnɔ mɛ azi na hɛ̃ngɔ lo, ngbĩi asi ka nda ni gbɔ ko, tɔ̃rɔ tɛrɛ lo na songɔ.

Yoanɛ 8:31

So pɛni, Yezo apa hɛ̃ Ayuda mɛ ndo aye lo tɛ lo ya: “Atɛnɛ mɛ mbi ndoha na ĩ, se ĩ tɔndɔ ni na seni ko, ĩ ti ava mbi biani,

Awa Pangɔ Kwa 11:23

Ngoi mɛ lo ĩ si kai, lo ĩ hũ se mɛ ndo Nzapa ali na nzɔ̃ bɛ hɛ̃ awa yengɔ lo tɛ Gbia Yezo ko, lo saba, lo sa nga nguru bɛ la zu ya, ala ngbã na kpãngɔ be la kpa na ndo Gbia.

Awa Pangɔ Kwa 14:22

Ala sa ndo nguru bɛ awa Kristo, awa la ya, ala kpã bɛ la ngoi zu ndo Yezo. Polo na Barnabasi apa ndo hɛ̃ la ya: “Ale e hũ pɛnɔ sĩ, wa e si ka Kɔdɔrɔ Gbia tɛ Nzapa.”

Awa Pangɔ Kwa 2:42

Ala kpã ma la na ndo ló mɛ awa pangɔ kwa tɛ Yezo ndoha na la. Ala na awa yengɔ lo tɛ Yezo ndobombi tɛrɛ la ndoni kɔi, ala ndotɛ Tɛ tɛ Gbia Yezo ndoni kɔi, ala ndosambela nga Nzapa ndoni kɔi.

Roma 2:7

Azi ko la ndohɛ̃ tɛrɛ la so lingɔ nzɔ̃ ye, ndogi nga ya, Nzapa ahɛ̃ ani ndima, agonda ani, ahɛ̃ nga ani du mɛ ta ndowɛ ma ko, Nzapa ahɛ̃ gbanda la du ti kaka.

1 Kɔrinto 15:58

Aya bua ti kpɔ̃ bɛ mbi, na lo ni ko, ĩ du na nguru, ko ta ĩ diri gesi ma. Ĩ li kwa tɛ Gbia na gonvɛnɛ aɔ ti uzu, ta sanga ma, ĩ hĩnga ya, kwa mɛ ĩ ndoli hɛ̃ Gbia Yezo Kristo ko, ta kwa ni ati gbanda gɛgɛrɛ ma.

1 Kɔrinto 16:13

Ale ĩ du na kpengba lɛ, ĩ ngbã na yengɔ lo tɛ Yezo, ĩ du na mimi bɛ, ĩ du kpengbani.

Galatia 5:1

Yezo Kristo abi bɔrɔ tɛrɛ e ya, e ti abɔrɔ biani. Wa ĩ ngba bo abɔrɔ, ko ĩ bata li ĩ ya, ta ĩ diri ĩ ti ambɛ ti tɔndɔngɔ ndia tɛ Mɔizɛ ma.

Filipɛ 1:27

Ye kɔi mɛ bo ngbondoni lo mɛ: ale sé du tɛ ĩ adu bo nga ma se mɛ Nzɔ̃ Pa tɛ Yezo Kristo apa na ni. Na lo ni ko, bɛ se mbi ga so bangɔ ĩ bere se ta mbi ga ma ko, mbi ye bo mangɔ ya, ĩ ngbã bo na yengɔ lo tɛ Yezo Kristo, ko bɛ ĩ adu kɔi, ko ĩ bombi nga tɛrɛ ĩ so lingɔ kwa, wadila Nzɔ̃ Pa tɛ lo agwe ngoi zu uzu uzu.

Filipɛ 1:8

Se mbi pa ya, mbi ye ĩ zu ko, Nzapa ahĩnga ya, adu bɛta tɛnɛ. Ko mbi ndoye ĩ nga ma se mɛ Yezo Kristo ndoye na ĩ.

Filipɛ 2:16

Ko ale du tɛ ĩ adu nga so, wa ĩ pa hɛ̃ la tɛnɛ mɛ ndohɛ̃ azi bɛta du. Se ĩ li nga so, wa ada gbanda na la ko Yezo Kristo adiri aga ko, mbi saba gbɛlɛ lo kela kela na lo tɛ ĩ. Ta sanga ma, ye ko ĩ li ko, afa ya, ta kpengba kwa mɛ ndo mbi li adu gɛgɛrɛ ma.

Filipɛ 2:26

Lo ndosepara ma ya ma ya, ni ga ni ba ĩ zu. Ngoi mɛ ndo lo ma ya, ĩ ma pa ti nga tɛ ni ko, vundu agbɔ̃ ndo lo sĩ.

Kɔlɔsɛ 4:12

Epafrasi mɛ mbanga wa tɛ ĩ abala ĩ. Lo wa kwa tɛ Yezo Kristo, ta lo ndonzɛ̃ na sambelangɔ Nzapa kpengbani na lo tɛ ĩ ma. Lo ndosambela na lo tɛ ĩ ya, lɛ ĩ azi na lege tɛ Nzapa, ĩ ngbã na yengɔ lo tɛ Nzapa kpengbani, ko ĩ hĩnga nga lingɔ ye zu mɛ Nzapa ndoye.

1 Tɛsalɔnikɛ 3:13

Lo na lingɔ so ya, ni kpengba na lo yengɔ tɛ ĩ, wa na ngoi mɛ gbanda Gbia tɛ e Yezo na azi tɛ lo zu adiri aga ko, bɛ ĩ ati vuruni, ko ta Nzapa abela nga ĩ na lo ye kɔi ma.

2 Tɛsalɔnikɛ 2:15

Aya bua, na lo ni ko, ale ĩ ngbã bo na yengɔ lo tɛ Yezo Kristo kpɔ. Atɛnɛ mɛ ndo e pa hɛ̃ ĩ na nyɔ e, bere omɛ e su ni hɛ̃ ĩ na ya mbɛti ko, ĩ bata ni ka bɛ ĩ.

2 Timɔte 2:1

Wa mɔ nyi mbi, kpengba na lege ti nzɔ̃ bɛ mɛ Yezo Kristo ndoli hɛ̃ mɔ.

Aebreo 10:23

Nzapa ako kapa hɛ̃ e, ko ta lo na wezangɔ kapa ni ma. Na lo ni ko, ale e ngbã bo na lɛndɛrɛngɔ kapa mɛ e ndopa lo ni, ta e dɛ kitɛ ni ma.

Aebreo 3:14

E ndokpã ndo bɛ e uzu na ndo Yezo, wa se e ngbã bo na kpãngɔ bɛ e na ndo lo nga ma se ti uzu, ngbĩi e si ka nda ni gbɔ, wadila e ti azi mɛ e na Yezo Kristo e ndoli kwa ndoni kɔi.

Aebreo 4:14

E na kota gbia tɛ awa lungɔ Nzapa na ye, lo ma ndo ngbĩi lo si ka gbɛlɛ Nzapa nvɛni, lo Nyi Nzapa, ili lo la Yezo. Na lo ni ko, lo tɛ lo mɛ e ye, la e ndopa hɛ̃ azi ko, ale e ngbã bo na yengɔ lo ni kpengbani.

2 Petro 3:17

Aya bua, na olo ko, mbi tisa ĩ wɛ. Wa ĩ du na kpengba lɛ ya, ta asiɔ azi ahanda ĩ ma, so ĩ mu lege tɛ la ti lingɔ siɔ ye, ko ĩ dɔ nga lege tɛ Nzapa mɛ ndo ĩ kpengba da í zia.