Filipɛ 3:9 - Fana Ngbangɔ 1987

⁹ ko du tɛ mbi na tɛ lo ati nga bo kɔi. Ta mbi ti dɛ mbi mu tɛrɛ mbi ya, mbi bɛta zo ka lɛ Nzapa, na lo mɛ ya, mbi ndotɔndɔ ndia tɛ e Ayuda ma. Kanda adu na lo mɛ ya, mbi ye lo tɛ Yezo Kristo, la mbi ti bɛta zo ka lɛ Nzapa. Nzapa la amu mbi ya, mbi bɛta zo, na lo mɛ ya, mbi ye lo tɛ Yezo.

Filipɛ 3:9 Iomraidhean Croise

Matie 9:13

Wa ĩ nɔ t gi nda tɛnɛ ko la Buku tɛ Nzapa asu hĩ! Tɛnɛ ni lo mɛ: ‘Mbi Nzapa, mbi ye ya zo ama vundu tɛ afɔ̃ lo. Ta mbi ye ya, zo alu mbi na sa ma.’ ” Yezo apa ya: “Ta mbi ga ge so ilingɔ anzɔ̃ azi ma, kanda mbi ga so ilingɔ awa lingɔ siɔ ye.”

Roma 1:17

Ta sanga ma, Nzɔ̃ Pa ndofa se mɛ Nzapa ndomu na azi ka lɛ lo ya, ala abɛta azi. Ĩ ba seni lo mɛ: ale azi aye bo lo tɛ Yezo Kristo, nga ma se mɛ Buku tɛ Nzapa apa na ni ya: “Zo ko la Nzapa amu lo ka lɛ lo ya, lo beta zo, na lo mɛ ya, lo ye lo tɛ Nzapa ko, zo mɛ gbanda alua beta du la.”

Roma 10:10

Ta sanga ma, zo ko la aye lo tɛ Yezo ka ya bɛ lo ko, Nzapa amu lo ka lɛ lo ya, lo bɛta zo. Zo ko nga la apa lo tɛ Yezo na nyɔ lo na gbɛlɛ azi zu ko, Nzapa aso lo.

Roma 16:7

Ĩ bala hɛ̃ mbi Andronikusí na Yuniasi mɛ asongo mbi, mbi na la ndo ka ya bɔlɔkɔ. Na popo tɛ awa pangɔ kwa tɛ Yezo ko, andogonda la sĩ, ala ti ndo nga awa Kristo uzu tɛ mbi.

Roma 5:21

Na lo ni ko, nga ma se mɛ ndo siɔ ye na nguru ti kpɔngɔ azi ko, se mɛ nga nzɔ̃ bɛ mɛ Nzapa ali hɛ̃ e na nguru ti lingɔ ya, Nzapa amu e ya, e abɛta azi la. Adu nga so ya e lua du ti kaka na lo ye ko la Gbia tɛ e Yezo Kristo ali tɛrɛ e.

Roma 8:1

Ko na olo ko, ta Nzapa ti ndofa ngbanga abi li azi mɛ ala na Yezo Kristo ati bo kɔi ma.

Roma 8:3

Ta ndia tɛ Mɔizɛ alengbi ndo ti hãngɔ e azi na ya siɔ ye zingɔ ma, na lo mɛ ya, bɛ e adu woni. Kanda Nzapa ahã e na ya ni azi na ngoi mɛ ndo lo to Nyi lo nvɛni. Nyi lo amu ndo tɛrɛ zo nga ma se tɛ e mɛ awa lingɔ siɔ ye, ya ni hã siɔ ye tɛ e ni zi. Nzapa aminya ndo siɔ ye tɛ e azi na li Yezo, lo fa ndo nga ngbanga lo bi li lo.

1 Kɔrinto 1:30

Nzapa abombi e na Yezo Kristo ndoni kɔi, ko na lo ni ko, Yezo Kristo adu ndara tɛ e, Nzapa amu e ka lɛ lo ya, e abɛta azi, lo tɔ e na ya siɔ ye, ko lo li ya, e du azi tɛ ni.

2 Kɔrinto 5:17

Zo ko la ana Yezo Kristo ati bo kɔi ko, zo ni ko ati fana zo. Ngbina sé du tɛ lo awe, lo lua fana sé du.

2 Kɔrinto 5:21

Ta Kristo ali ndo siɔ ye bɛ kɔi ma, ko Nzapa aminya ndo siɔ ye tɛ e na li lo. Nzapa ali ndo so ya, nga ma la e na Kristo e ti bo kɔi ko, ni mu e ka lɛ ni ya, e abɛta azi.

Galatia 2:16

E hĩnga ya, Nzapa ndomu zo ka lɛ lo ya, lo bɛta zo, na lo mɛ ya, zo ni ko aye lo tɛ Yezo Kristo. Kanda ta lo ndomu zo ka lɛ lo ya, lo bɛta zo, na lo mɛ ya, zo ni ko atɔndɔ ndia tɛ Mɔizɛ ma. E ye nga lo tɛ Yezo Kristo, ya Nzapa amu e ka lɛ lo ya, e abɛta azi. Wa ta adu na lo mɛ ya, e tɔndɔ ndia ma. Ta sanga ma, ta Nzapa ndomu zo ka lɛ lo ya, lo bɛta zo, na lo mɛ ya, zo ni ko atɔndɔ ndia ma.

Filipɛ 3:6

Mbi ndotɔndɔ ndo se li ye tɛ e na seni, ko na lo ni ndo la mbi ndohɛ̃ pɛnɔ hɛ̃ awa Kristo. Se adu ya, Nzapa ndomu zo ka lɛ lo ya, lo bɛta zo na lo ti tɔndɔngɔ ndia na seni ko, ta zo alengbi ndo ti belangɔ mbi ma, na lo mɛ ya, mbi ndotɔndɔ ndia na seni.

2 Timɔte 1:9

Lo la lo so e, lo nga la lo ili e ya, e du azi tɛ ni. Ko ta lo so e, lo ili nga e na lo ti anzɔ̃ kwa mɛ e li ma, kanda lo li ndo so na se bɛ lo nvɛni, nga na nzɔ̃ bɛ tɛ lo. Uzu ti lo lingɔ sese ko, lo hɛ̃ ndo nyɔ lo ya, ni na lingɔ nzɔ̃ bɛ hɛ̃ e ti ndo Yezo Kristo.

Tito 3:5

lo so ndo e. Ko ta lo so ndo e, na lo mɛ ya, e li nzɔ̃ kwa ma, kanda lo so ndo e, na lo mɛ ya, lo ma vundu tɛ e. Lo kpo siɔ ye tɛ e na nguru tɛ Tɔrɔ Santo ya, Tɔrɔ Santo ati adú e fani mɛ ndɛ̃, ko e lua fana du.

Aebreo 6:18

Na lo ti ngɛ mɛ ndo Nzapa anyɔ, nga na lo ti kapa mɛ ndo lo ko ko, ta lo lengbi ti diringɔ na nyɔ lo ma, ta lo lengbi nga ti pangɔ nvɛnɛ ma. Na lo ni la e mɛ e kpɛ, e nɔ ka tɛ Nzapa ya, lo bata e ko, lo sa nguru ma wo ma na bɛ e ya, e kpã bɛ e kpengbani na ndo ye mɛ lo ko kapa ni hɛ̃ e.

Zaki 3:2

E zu e ndoyu ndo na lege ndɛ̃ ndɛ̃ ndɛ̃. Se ta zo ayu ndo na ya tɛnɛ mɛ lo ndotɛnɛ bɛ kɔi ma ko, lo bɛta nzɔ̃ zo, ko lo lengbi nga ti kɛ̃ngɔ lo hɛ̃ tɛrɛ lo zu.

2 Petro 1:1

Mbi Simɔ Petro mɛ wa kwa tɛ Yezo Kristo, mbi mɛ nga wa pangɔ kwa tɛ lo la mbi su mbɛti olo mɛ hɛ̃ ĩ azi mɛ ĩ ye lo tɛ Yezo Kristo nga ma se mɛ e ye na ni. Mbi bala ĩ. Lo tɛ lo mɛ e na ĩ e ye ko, adu ngbondoni. E lua ngbondo lo ni ko, na lo mɛ ya, Yezo Kristo lo bɛta zo, lo Nzapa tɛ e, lo nga Wa songɔ e.

1 Yoanɛ 3:4

Zo ko ndoli siɔ ye ko, zo mɛ akɛ̃ nga tɔndɔngɔ ndia tɛ Nzapa la. Ta sanga ma, lingɔ siɔ ye adu kɛ̃ngɔ tɔndɔngɔ ndia tɛ Nzapa.