Filipɛ 3:8 - Fana Ngbangɔ 1987

⁸ Ko ta adu bo aye ni ko la mbi ndomu ni nga ma ye mɛ gɛgɛrɛ ma, kanda aye zu mɛ mbi na ni la mbi ndomu ni nga ma ye mɛ gɛgɛrɛ. Ta sanga ma, se mbi hĩnga Gbia tɛ mbi Yezo Kristo ko, oko aɔ aye mɛ ndɛ̃ zu. Na lo tɛ lo ko, mbi kɛ̃ aye mɛ ndɛ̃ zu. Mbi ndomu aye ni ko nga ma ambumbusɛ ye ya, mbi hĩnga Yezo Kristo nzɔ̃ni,

Filipɛ 3:8 Iomraidhean Croise

Luka 1:43

Mbi mɛ mbumbusɛ zo, mɔ ta Gbia tɛ mbi, ko ali sia la mɔ ga ge tɛ mbi sia?

Luka 11:20

Ti bɛta tɛnɛ ko, mbi ndotoma asiɔ tɔrɔ na nguru tɛ Nzapa, ko oko afa ya, Nzapa ndole gbia ndo ĩ.

Yoanɛ 14:20

Ngoi ko lá ni na lengbingɔ ko, ĩ na hĩngangɔ ya, mbi e na To mbi bo kɔi. Ĩ na hĩngangɔ nga ya, mbi e na ĩ bo kɔi.

Yoanɛ 14:7

Se ĩ hĩnga mbi ko, ĩ hĩnga nga To mbi. Wa ato bo na olo ko, ĩ hĩnga lo wɛ, ĩ hũ nga lo wɛ.”

Yoanɛ 16:3

Ala li gbanda aye nga so na tɛrɛ ĩ, na lo mɛ ya, ta ala hĩnga To mbi, ahĩnga nga mbi ma.

Yoanɛ 17:3

Du ti kaka mɛ ala lua afa ya, ala hĩnga mɔ mɛ bo mɔ kɔi la bɛta Nzapa, ala hĩnga nga mbi Yezo Kristo mɛ mɔ to mbi ge lɛ sese.

Yoanɛ 17:8

ta sanga ma, atɛnɛ mɛ ndo mɔ tɛnɛ hɛ̃ mbi ko, mbi tɛnɛ nga hɛ̃ la, ala ye lo ni. Ala hĩnga ya, mbi lo ka tɛ mɔ biani la mbi ga, ala ye nga ya, mɔ la mɔ to mbi.

Yoanɛ 20:13

Aangelo ko ahũnda Maria ya: “Zo wali, mɔ ndoto ya nɛ?” Maria agbinya hɛ̃ la ya: “Ahã kinda tɛ Gbia tɛ mbi aɔ na ni, ko ta mbi hĩnga ndo mɛ akpã na ni ma.”

Yoanɛ 20:28

Toma agbinya hɛ̃ lo ya: “Mɔ Gbia tɛ mbi, mɔ nga Nzapa tɛ mbi!”

Awa Pangɔ Kwa 20:24

Ko mbi ndohũ tɛ mbi du tɛ mbi ge lɛ mbi gɛgɛre. Kɔtɛ lo mɛ ndosɔ bɛ mbi la, ale mbi nɔ na kwa tɛ mbi ngbĩi mbi kɔ nda ni, ko mbi onzi nga kwa mɛ ndo Gbia ahɛ̃ mbi. Kwa ni la, pangɔ Nzɔ̃ Pa ti nzɔ̃ bɛ tɛ Nzapa.

Roma 8:18

Mbi hũ ya, ndima mɛ gbanda Nzapa afa na azi ti ndo e ko, adu gbanda kotani aɔ pɛnɔ mɛ e ndohũ na olo mɛ.

Roma 8:39

bere aye mɛ ka lɛ ndozu, bere aye mɛ ka gbe sese, bere ambanga ye mɛ ndɛ̃ mɛ Nzapa ali ma. Ta ye kɔi agbanzi gbanda Nzapa ya, lo zia yengɔ e bɛ gbɔ ma. Yengɔ mɛ lo ye na e ko, lo fa ni ti ndo Gbia tɛ e Yezo Kristo.

1 Kɔrinto 2:2

Ta sanga ma, uzu ti mbi gwengɔ ka tɛ ĩ ko, mbi pia ndo mbi hɛ̃ nyɔ mbi ya, se mbi si kai ko, ta mbi na pangɔ hɛ̃ ĩ tɛnɛ mɛ ndɛ̃ ma, kanda bo tɛnɛ tɛ Yezo Kristo mɛ ndo akpi ka ndo krusi la mbi na pangɔ hɛ̃ ĩ.

1 Kɔrinto 9:10

Kanda lo tɛnɛ ndo nga tɛnɛ ni ko na lo tɛ e. Biani, lo su ndo tɛnɛ ni ko na lo tɛ e. Ale wa sɛ̃ngɔ yaka alɛndɛrɛ ya, ni na tɛngɔ ye ti yaka tɛ ni. Ale wa gungɔ le tɛ alɛndɛrɛ ya, ni nga na tɛngɔ le tɛ ni.

2 Kɔrinto 4:4

Ta ala ndoye lo ti Nzɔ̃ Pa ni ma, na lo mɛ ya, Satana mɛ gbia tɛ azi ti lɛ sese agbɛ̃ kɔdɛ tɛ la. Lo vĩ nga lɛ la ya, ta ala hũ ndo mɛ avuru ma. Nzɔ̃ Pa ni avuru na ndo, ko adu Nzɔ̃ Pa ni la afa ndima tɛ Yezo Kristo mɛ lo limɔ tɛ Nzapa.

2 Kɔrinto 4:6

Nzapa mɛ apa ya: “Ale ndo avuru na ya mbingo” ko, nga bo lo la lo li ya, ndo avuru ge ya bɛ e. Lo li so ya, ni fa e na ndima tɛ ni mɛ ndosũ ka yangba lɛ Yezo.

Galatia 1:16

Kanda ĩ ti na ngoi mɛ bɛ lo aye ko, lo fa mbi na Nyi lo ya, mbi pa Nzɔ̃ Pa tɛ lo hɛ̃ azi mɛ ta Ayuda ma. Ko ta mbi nɔ ka tɛ zo ya, mbi hũnda zo na ndo na ló ni ma.

Efɛzɛ 4:13

Wa e zu e ti gbanda bo kɔi biani, na lo mɛ ya, e ye lo tɛ Yezo Kristo Nyi Nzapa na bɛ e kɔi, e zu e hĩnga nga lo. Ko lɛ e azi gbanda na lege tɛ Nzapa, e ti nga gbanda kwɛ kɔi nga ma lo.

Filipɛ 1:1

Mbi Polo na Timɔte mɛ e awa kwa tɛ Yezo Kristo la e to mbɛti olo hɛ̃ ĩ azi tɛ Nzapa zu mɛ ĩ ye lo tɛ Yezo Kristo, ĩ mɛ ĩ ndodu ka kɔdɔrɔ ti Eilipɛ. E to nga mbɛti ni hɛ̃ ĩ awa batangɔ Eklezia, na ĩ adiakrɛ. E bala ĩ.

Filipɛ 3:10

Ye mɛ mbi ye bo la, ale mbi hĩnga Yezo Kristo, mbi hĩnga nga nguru mɛ ndo lo so na ni na pɛ kwa, ale mbi hũ pɛnɔ nga ma se tɛ lo, mbi kpi nga kwa nga ma se tɛ lo.

Filipɛ 3:12

Ta mbi ndomu tɛrɛ mbi ya, mbana gɛrɛ mɛ mbi ndolɛndɛrɛ ko, mbi pia mbi lua ni wɛ ma, bere mbi ti nga bɛta nzɔ̃ zo wɛ ma. Kanda mbi ndoli kpengbani ya, mbi gwe uzu uzu, wadila mbi lua mbana gɛrɛ ni ko, ta sanga ma, Yezo Kristo aili ndo mbi ya, mbi ti zo tɛ ni.

Filipɛ 3:7

Mbi ndomu ndo aye ni ko ge lɛ mbi ngbondoni, kanda na olo ko, mbi ndomu ni gɛgɛrɛ na lo tɛ Yezo Kristo.

2 Timɔte 4:6

Wa tɛ mbi ko, ngoi ti lungɔ tɛrɛ mbi na Nzapa alengbi we, ngoi ti kwá tɛ mbi alengbi nga we.

Aebreo 3:14

E ndokpã ndo bɛ e uzu na ndo Yezo, wa se e ngbã bo na kpãngɔ bɛ e na ndo lo nga ma se ti uzu, ngbĩi e si ka nda ni gbɔ, wadila e ti azi mɛ e na Yezo Kristo e ndoli kwa ndoni kɔi.

1 Petro 2:7

Ĩ azi mɛ ĩ ye lo tɛ tɛ́nɛ ni ko, ĩ ndohũ ni ka le ĩ ngbondoni. Wa azi ko la akɛ̃ yengɔ lo tɛ tɛ́nɛ ni ko, ala ndohũ ni ka lɛ la gɛgɛrɛ, nga ma se mɛ asu ka ya Buku tɛ Nzapa ya: “Tɛ́nɛ mɛ ndo awa wangɔ da akɛ̃ abi ko, Ni la ati tɛ́nɛ ti nda ngɔrɔ da.”

2 Petro 1:2

Oko ĩ hĩnga Nzapa, ĩ hĩnga nga Yezo mɛ Gbia tɛ e ko, Nzapa ali bɛ kota nzɔ̃ bɛ hɛ̃ ĩ, lo li bɛ nga ya, bɛ ĩ adu pii sĩ nvɛni ma ke!

2 Petro 1:3

Yezo na nguru tɛ Nzapa, ko lo hɛ̃ e aye zu mɛ alengbi ti zangɔ e na ya du tɛ e ya, e li ye mɛ ndode bɛ Nzapa. Na lo ti nguru ni ko la e hĩnga Nzapa mɛ aili e ya, e du azi tɛ ni na lege ti aye ti ndima mɛ lo li, nga na lege ti nguru tɛ lo.

2 Petro 1:8

Wa ĩ ba anzɔ̃ se li ye mɛ ĩ lengbi ti dungɔ na ni la. Ko se ĩ du na anzɔ̃ se li ye ni ko ma wo ma ko, hĩngangɔ mɛ ĩ hĩnga na Gbia tɛ e Yezo Kristo agbinya ĩ, ko ĩ ti akpengba awa lingɔ anzɔ̃ kwa.

2 Petro 3:18

Kanda ale ĩ ngbã bo na maingɔ na ya lo yengɔ tɛ ĩ, wadila Gbia tɛ e Yezo Kristo mɛ Wa songɔ e andoli nzɔ̃ bɛ hɛ̃ ĩ, ko ĩ hĩnga nga lo nzɔ̃ni. É gonda Gbia tɛ e na olo, é gonda nga lo buru na buru zu! Seni la.

1 Yoanɛ 1:3

Ye mɛ ndo e hũ na lɛ e, e ma nga na ma e, la e ndopa nga lo ni hɛ̃ ĩ ya, ĩ ma. E pa ni hɛ̃ ĩ ya ĩ ma, wa dangɔ bɛ tɛ ĩ na tɛ e ati bo kɔi, nga ma se mɛ dangɔ bɛ tɛ e na tɛ To e Nzapa, nga na tɛ Nyi lo Yezo Kristo ati bo kɔi.

1 Yoanɛ 2:19

Ndo uzu ko, e na la e ndodu ndoni kɔi, kanda ta ala ndo azi tɛ e nvɛni ma. Nda mɛ ala lo ge popo tɛ e asi la. Se adu ya, ala ndo azi tɛ e nvɛni ko, ale ta ala lo ndo ge popo tɛ e asi ma. Ala lo ge popo tɛ e asi, so fangɔ ya, ta ala zu adu ndo azi tɛ e nvɛni ma.

1 Yoanɛ 5:20

E hĩnga ya, Yezo Nyi Nzapa aga ndo ge lɛ sese, aha e na ndara ya, e hĩnga bɛta Nzapa. Na lo tɛ Yezo Kristo la, e ndodu ndoni kɔi na bɛta Nzapa. Lo la bɛta Nzapa mɛ ahɛ̃ e du ti kaka.