Filipɛ 3:6 - Fana Ngbangɔ 1987

⁶ Mbi ndotɔndɔ ndo se li ye tɛ e na seni, ko na lo ni ndo la mbi ndohɛ̃ pɛnɔ hɛ̃ awa Kristo. Se adu ya, Nzapa ndomu zo ka lɛ lo ya, lo bɛta zo na lo ti tɔndɔngɔ ndia na seni ko, ta zo alengbi ndo ti belangɔ mbi ma, na lo mɛ ya, mbi ndotɔndɔ ndia na seni.

Filipɛ 3:6 Iomraidhean Croise

Matie 23:25

“Siɔ lo ati na ĩ awa hangɔ ndia, ati nga na ĩ Afarizeo! Ĩ du awa poroso! Ĩ ndokpo koko kangu nga na koko sɛmbɛ tɛ ĩ, kanda ka ya bɛ ĩ ko, ĩ na gwɛ̃ ti nzĩngɔ ye sĩ, ĩ na zugbu sĩ.

Matie 5:20

Mbi pa hɛ̃ ĩ ya, se ĩ li ye na seni, nga ma se mɛ Nzapa aye, aɔ ye mɛ awa hangɔ ndia, na Afarizeo ndoli ko, gbanda ko, ĩ si ka Kɔdɔrɔ Gbia tɛ Nzapa. Ta so ma ko, ta ĩ lengbi ti singɔ kai ma.”

Luka 1:6

Zakaria na Elisabɛti ndo abɛta azi ka lɛ Gbia Nzapa, ko ala ndotɔndɔ ndo ndia tɛ lo, ndoma ndo nga nyɔ lo zu.

Awa Pangɔ Kwa 21:20

Ala ĩ ma tɛnɛ tɛ lo wɛ ko, ala gonda Nzapa. So pɛni, ala pa hɛ̃ Polo ya: “Nyi bua, mɔ hũ nga! Ayuda ma wo ma la aye ndo lo tɛ Yezo. Ala zu ahɛ̃ tɛrɛ la bo so tɔndɔngɔ ndia mɛ ndo Mɔizɛ asu.

Awa Pangɔ Kwa 22:5

Kota gbia tɛ awa lungɔ Nzapa na ye, nga na azi ti li nɔ tɛ akangba ti kɔdɔrɔ alengbi ti yengɔ ya, tɛnɛ mɛ nyɔ mbi ko, adu bɛta tɛnɛ. Ala su ndo mbɛti hɛ̃ mbi, mbi nɔ na ni hɛ̃ ayata e Ayuda mɛ ka Damasi. La mbi nɔ ndo so gbɔ̃nɔngɔ awa Kristo mɛ kai ya, mbi ga na la ge Yeruzalɛme, wa ahɛ̃ la pɛnɔ.”

Awa Pangɔ Kwa 26:5

Ala hĩnga ndo mbi gã nvɛni, ko se ala ye ko, ala lengbi ti pangɔ hɛ̃ mɔ ya, mbi ndo zo ti li nɔ tɛ Afarizeo. Afarizeo adu azi mɛ ndotɔndɔ lo tɛ Nzapa na seni nvɛni.

Awa Pangɔ Kwa 8:3

Tɛ Saulo ko, lo ndogia ndo azi ti Eklezia sĩ. Lo ndoli ndo na ya da kɔi kɔi, lo gbɔ̃nɔ akɔli na awe mɛ awa yengɔ lo tɛ Yezo, lo sa la bɔlɔkɔ.

Roma 7:9

Ndo gã ko, ta mbi hĩnga ndo ndia ma, ko mbi ndodu ndo nzɔ̃ du. Ko ngoi mɛ mbi hĩnga ndia ko, gwɛ̃ siɔ ye agbɔ̃ mbi,

1 Kɔrinto 10:32

Ta ĩ́ li ya, Ayuda bere azi mɛ ta Ayuda ma, bere azi ti Eklezia ali siɔ ye na lo ti sé du tɛ ĩ ma.

1 Kɔrinto 15:9

Mbi ndo ndangba tɛ awa pangɔ kwa tɛ Yezo zu. Ti biani ko, ta alengbi be ti ilingɔ mbi ya, mbi wa pangɔ kwa tɛ Yezo ma. Ta sanga ma, mbi hɛ̃ ndo pɛnɔ hɛ̃ azi ti Eklezia tɛ Nzapa.

Filipɛ 2:15

Se ĩ li nga so, wadila na popo tɛ awa nvɛnɛ na asiɔ azi ti le sese olo ko, bɛ ĩ adu vuruni pa pa pa, ĩ ti nga abɛta aya Nzapa, ko ta Nzapa abela ĩ na lo ye kɔi ma. Ale ĩ ndodu na popo tɛ la nga ma atongolo mɛ ndosũ ka le ndozu.

Filipɛ 3:9

ko du tɛ mbi na tɛ lo ati nga bo kɔi. Ta mbi ti dɛ mbi mu tɛrɛ mbi ya, mbi bɛta zo ka lɛ Nzapa, na lo mɛ ya, mbi ndotɔndɔ ndia tɛ e Ayuda ma. Kanda adu na lo mɛ ya, mbi ye lo tɛ Yezo Kristo, la mbi ti bɛta zo ka lɛ Nzapa. Nzapa la amu mbi ya, mbi bɛta zo, na lo mɛ ya, mbi ye lo tɛ Yezo.

1 Timɔte 1:13

Ndo gã ko, mbi ndoguru ndo lo, mbi ndohɛ̃ ndo pɛnɔ hɛ̃ azi tɛ lo, mbi ndotɛnɛ ndo siɔ tɛnɛ na ili lo. Ko abɛ nga so ko, Gbia Nzapa ama vundu hɛ̃ mbi, na lo mɛ ya, ta mbi hĩnga ndo ye mɛ mbi ndoli ma, ta mbi ndoye ndo nga lo tɛ Yezo ma.