Filipɛ 3:5 - Fana Ngbangɔ 1987

⁵ Ĩ ba ambanga ye mɛ afa ya, mbi bɛta zo lo mɛ: awa dúngɔ mbi adu Ayuda, alengbi ya, mbi wa Izrayɛlɛ, mbi ale tɛ Benzami, akotara mbi ndo abɛta awa Izrayɛlɛ. Adu ndo mbi, ĩ la so pɛni pɔsɔ kɔi ko, afa mbi ganza. Adu lo ti ndia tɛ e Ayuda ko, mbi ndo na li nɔ tɛ Afarizeo.

Filipɛ 3:5 Iomraidhean Croise

Luka 1:59

Nyi ngambi ĩ ti na pɔsɔ kɔi ko, ala nɔ na lo ya, afa lo ganza. Ala ye ndo ya, ani di ili lo na ili to lo Zakaria.

Luka 2:21

Ngoi mɛ adú Yezo wɛ, ĩ la so pɛni bi miambe ko, bi ti fangɔ lo ganza alengbi. Adi ili lo ya: Yezo. Ili mɛ ndo angelo apia adi, uzu ti Maria mɛngɔ ngɔ la.

Luka 5:38

Kanda ale asa fana kana na ya fana mbenda.

Awa Pangɔ Kwa 22:3

“Mbi wa Yuda, adú mbi ka Tarsi, ka sese ti Silisia, kanda akã ndo mbi ge Yeruzalɛme. Wa hangɔ mbi na ye ndo la Gamaliɛlɛ. Mbi manda tɔndɔngɔ andia tɛ akotara e na seni na gbe ti lo. Mbi ndoli ndo kwa hɛ̃ Nzapa na gonvɛnɛ, nga ma se mɛ ĩ zu ĩ ndoli na olo mɛ.

Awa Pangɔ Kwa 23:6

Polo ahĩnga ndo ya, na popo tɛ awa fangɔ ngbanga mɛ ndo adunga so ndo ko ko, ambanga ndo Asaduseo, ambanga mɛ ndɛ̃ Afarizeo. (Asaduseo adu azi mɛ ndonɛ ya, azi ko ndo la akpili wɛ ko, ta ala ti so gbanda na pɛ kwa ma. Ala ndonɛ nga ya, ta aangelo da ma, ta atɔrɔ nga da ma. Kanda Afarizeo aye tɛ la lo ni zu.) Na lo ni ndo la Polo ade kɔngɔ na gbɛlɛ la ya: “Aya bua, baba tɛ mbi lo Farizeo, mbi nga Farizeo. Mbi ndolɛndɛrɛ ya, azi mɛ akpili aso gbanda. Ko na lo ni la andotɛnɛ ngbanga tɛ mbi.” Lo ĩ tɛnɛ so wɛ ko, Afarizeo alonga mbage, Asaduseo alonga nga mbage, ala to nda pangɔ pa.

Awa Pangɔ Kwa 6:1

Na ngoi ko ndo ko, awa yengɔ lo tɛ Yezo ndobu gi bungɔ, la Ayuda mɛ ndotɛnɛ yanga tɛ azi ti Grɛsɛ, adema tɛrɛ la hɛ̃ Ayuda mɛ anvɛ̃ kɔdɔrɔ. Ala pa ya, lá kwɛ lá kwɛ, na ngoi ti kangbingɔ tɛ ko, ta andohɛ̃ tɛ hɛ̃ awe muã tɛ ani na seni ma.

Roma 11:1

Wa mbi hũnda ya, Nzapa akɛ̃ azi tɛ lo awa Izrayɛlɛ? Ipɔ, ta seni la ma! Ta sanga ma, mbi nvɛni nga wa Izrayɛlɛ, mbi tara Abrahama, mbi nga ale tɛ Benzami.

2 Kɔrinto 11:22

Ala ndopa ya, ani awa Ebreo, ko mbi nga wa Ebreo! Ala ndopa ya, ani awa Izrayɛlɛ, ko mbi nga wa Izrayɛlɛ. Ala ndopa ya, ani atara Abrahama, ko mbi nga tara Abrahama.