Filipɛ 3:3 - Fana Ngbangɔ 1987

³ E la afa e na bɛta ganza, kanda ta ala ma. Ta sanga ma, e ndovɔrɔ Nzapa na lo nguru tɛ Tɔrɔ Santo tɛ lo, e ndosaba nga na lo tɛ Yezo Kristo, ko ta e ndokpã bɛ e na ndo se li ye tɛ azi ma.

Filipɛ 3:3 Iomraidhean Croise

Roma 1:9

Ko Nzapa ahĩnga ya, tɛnɛ mɛ mbi ndotɛnɛ ko, adu biani. Lo hĩnga ya, na ngoi zu mɛ mbi ndosambela ni ko, mbi ndoda bɛ mbi na ĩ. Mbi ndohũnda lo ya, se bɛ lo aye ko, lo hɛ̃ mbi lege ho lo mɛ, mbi m ka tɛ ĩ. Lo la Nzapa mɛ mbi ndoli kwa ti pangɔ Nzɔ̃ Pa tɛ Nyi lo na bɛ mbi kɔi.

Roma 15:17

Nga ma la e na Yezo Kristo e ti bo kɔi ko, mbi lengbi ti gondangɔ tɛrɛ mbi na lo ti kwa mɛ mbi ndoli hɛ̃ Nzapa.

Roma 7:6

E ndo ambɛ ti tɔndɔngɔ ndia tɛ Mɔizɛ, kanda na olo ko, adu nga ma e kpili wɛ, ko ta e ti de ambɛ ti ndia ma. Na lo ni ko, ta e lengbi ti lingɔ kwa hɛ̃ Nzapa nga ma se ti ngbinani mɛ asu ka ya ndia ma, kanda ale e li kwa hɛ̃ lo nga ma se ti fanani mɛ Tɔrɔ Santo aha na e.

Roma 8:15

Ta sanga ma, Tɔrɔ Santo mɛ ĩ lua ko, ta lo ndobi ĩ ambɛ ma, ta lo ndoli ya mbɛtɔ ati gbɔ̃ ĩ ma. Kanda lo kpa ĩ ya, ĩ ti aya Nzapa, lo nga la lo ndozi hɛ̃ e lege ya e ili Nzapa ya: “To e!”

Roma 8:39

bere aye mɛ ka lɛ ndozu, bere aye mɛ ka gbe sese, bere ambanga ye mɛ ndɛ̃ mɛ Nzapa ali ma. Ta ye kɔi agbanzi gbanda Nzapa ya, lo zia yengɔ e bɛ gbɔ ma. Yengɔ mɛ lo ye na e ko, lo fa ni ti ndo Gbia tɛ e Yezo Kristo.

Roma 9:6

Ta mbi ye pangɔ ya, Nzapa aweza kapa mɛ ndo lo ko ma. Ti biani, ta atara Yakobo zu adu abɛta azi tɛ Nzapa ma.

2 Kɔrinto 11:18

Wa nga ma la azi mɛ ndɛ̃ ma ya ma ndogonda tɛrɛ la na lo ti aye ti lɛ sese ko, mbi nga na gondangɔ tɛrɛ mbi.

Galatia 5:25

Tɔrɔ Santo ahɛ̃ e bɛta du, na lo ni ko, nzɔ̃ni ale e zia lo, lo fa e na lege ti lingɔ ye!

Galatia 6:16

Azi zu ko la amu lege ti dungɔ fana du, nga na azi tɛ Nzapa zu, mbi pa ya, Nzapa ama bɛ vundu tɛ la, ali bɛ nga ya, bɛ la adu pii ma ke!

Efɛzɛ 6:18

Ĩ li aye olo zu na sambelangɔ Nzapa, ko ĩ hũnda lo ya, lo za ĩ. Ale ĩ sambela Nzapa ngoi zu, nga ma se mɛ Tɔrɔ Santo afa na ĩ. Na lo ni ko, ĩ du na kpengba lɛ, ta ĩ nzɛ̃ nga bɛ fani kɔi ma. Ale ĩ sambela hɛ̃ azi tɛ Nzapa zu.

Filipɛ 1:1

Mbi Polo na Timɔte mɛ e awa kwa tɛ Yezo Kristo la e to mbɛti olo hɛ̃ ĩ azi tɛ Nzapa zu mɛ ĩ ye lo tɛ Yezo Kristo, ĩ mɛ ĩ ndodu ka kɔdɔrɔ ti Eilipɛ. E to nga mbɛti ni hɛ̃ ĩ awa batangɔ Eklezia, na ĩ adiakrɛ. E bala ĩ.

Filipɛ 3:12

Ta mbi ndomu tɛrɛ mbi ya, mbana gɛrɛ mɛ mbi ndolɛndɛrɛ ko, mbi pia mbi lua ni wɛ ma, bere mbi ti nga bɛta nzɔ̃ zo wɛ ma. Kanda mbi ndoli kpengbani ya, mbi gwe uzu uzu, wadila mbi lua mbana gɛrɛ ni ko, ta sanga ma, Yezo Kristo aili ndo mbi ya, mbi ti zo tɛ ni.

Filipɛ 3:14

La mbi ndokpe paka piko ya, mbi si ka nda ni, mbi lua mbana gɛrɛ mɛ Nzapa ndoili e ya, e ga e lua ka yayu. Lo ndoili e ti ndo Yezo Kristo.

Kɔlɔsɛ 2:11

Nga ma la ĩ na lo ĩ ti bo kɔi ko, afa ndo ĩ ganza, ko ta adu ganza mɛ azi ndofa ma, kanda adu ganza mɛ alo ka tɛ Yezo Kristo, ganza mɛ ndohã gwɛ̃ ti tɛrɛ zo azi.

Yudɛ 1:20

Aya bua, tɛ ĩ ko, ale ĩ ngbã bo na maingɔ na ya lo yengɔ tɛ ĩ mɛ alo ka tɛ Nzapa. Ale ĩ sambela Nzapa na nguru tɛ Tɔrɔ Santo.