Filipɛ 3:2 - Fana Ngbangɔ 1987

² Ĩ du na kpengba lɛ na lo tɛ azi mɛ ndoli siɔ ye, ala nga ma ambo nyingɔ, ala nga azi mɛ ndoda bɛ la bo na fangɔ afɔ̃ la na ganza!

Filipɛ 3:2 Iomraidhean Croise

Matie 24:10

Na ngoi ko gbanda ko, azi gba azia gbanda yengɔ lo tɛ Nzapa, aɔ na ló na ili afɔ̃ la, akɛ̃ngbi ka ka ka.

Matie 7:15

Yezo apa ya: “Ĩ du na kpengba lɛ na ndo awa pangɔ nyɔ Nzapa na nvɛnɛ. Ala ndoga ka tɛ ĩ nga ma angasã ngbaga, kanda ka ya bɛ la ko, ala nga ma azɛ̃.

Matie 7:6

“Ta ĩ hɛ̃ ye mɛ santo hɛ̃ ambo ma, so ala sana tɛrɛ la, atɛrɛkɛ ĩ. Ta ĩ sa nga lenge tɛ ĩ na gbɛlɛ akɔsɔ ma, so ala dɔdɔrɔ ni.”

Roma 2:28

Bɛta wa Yuda la na? Beta wa Yuda adu zo mɛ lo du wa Yuda ka ya bɛ lo. Ta beta wa Yuda la zo mɛ azi ndohũ lo ya, lo wa Yuda ma. Beta fangɔ ganza adu kwa mɛ Tɔrɔ Santo ndoli ka ya bɛ zo. Ta ndia mɛ asu sungɔ ndoli ye kɔi na lo ni ma. Ta fangɔ popo la adu beta ganza ma. Nzapa la ndogonda gi tɛrɛ beta wa Yuda ni ko, kanda ta adu azi ma.

2 Kɔrinto 11:13

Ta ala du abɛta awa pangɔ kwa tɛ Yezo Kristo ma. Ala ndopa nvɛnɛ na lo ti kwa mɛ ala ndoli. Ala ndohanda azi ya, ani awa pangɔ kwa tɛ Yezo Kristo, kanda ta seni la ma.

Galatia 5:13

Aya bua, wa tɛ ĩ ko, Nzapa aili ĩ ya, ĩ ti abɔrɔ. Wa ta ĩ nɛ ya, oko ĩ ti abɔrɔ wɛ ko, ĩ lengbi ti lingɔ ye na se gwɛ̃ ti terɛ ĩ ma. Kanda ale ĩ ndoyengbi, wadila ĩ du awa lingɔ kwa hɛ̃ afɔ̃ ĩ.

Galatia 5:15

Ko se ĩ li ye tɛrɛ afɔ̃ ĩ, nga ma se tɛ asa ti ya ndo mɛ ndotɛtɛrɛkɛ terɛ la, ndodɛrɛngbi tɛrɛ la na kã ko, ale ĩ du na kpengba lɛ, ta so ma ko, ĩ hongbi.

Galatia 5:6

Ta sanga ma, se zo ana Yezo Kristo ati bo kɔi, abɛ afa zo ni ko ganza, abɛ zo ni ko adu wa popo ko, ta ali ye ma. Kanda ye mɛ ngbondoni la, ale zo aye lo tɛ Yezo Kristo, wadila lo ye afɔ̃ lo.

Filipɛ 3:19

Gbanda ngbĩi ko, Nzapa na sanga la ka lifɛlo, ta sanga ma, ala ndohĩnga bo gwe ti ya la kɔi, ko ala ndomu ni nga ma nzapa tɛ la. Ala ndogonda tɛrɛ la na lo ye mɛ alengbi ti hɛ̃ngɔ la kamɛnɛ, ko ala ndokpã bɛ la bo na ndo aye ti sese olo.

Filipɛ 3:3

E la afa e na bɛta ganza, kanda ta ala ma. Ta sanga ma, e ndovɔrɔ Nzapa na lo nguru tɛ Tɔrɔ Santo tɛ lo, e ndosaba nga na lo tɛ Yezo Kristo, ko ta e ndokpã bɛ e na ndo se li ye tɛ azi ma.

1 Timɔte 1:19

Ngbã bo na yengɔ lo tɛ Yezo Kristo, ngbã nga na vuru bɛ. Ambanga azi akɛ̃ ndo batangɔ bɛ la vuruni, ko na lo ni ko, lo yengɔ tɛ la akpi kpɔɔ.

Tito 1:16

Ala ndopa ya, ani hĩnga Nzapa, kanda ye mɛ ala ndoli ndofa ya, ta ala hĩnga lo ma. Ala abɛta asiɔ azi, ta ala ndoma nyɔ ma, ta ala lengbi nga ti lingɔ nzɔ̃ ye kɔi ma.

2 Petro 2:22

Ye ko la ala li ko, afa ya, matɔ mɛ azi ndoto adu biani. Matɔ ni lo mɛ: “Mbo ndodiri atɛ ye mɛ lo de.” Matɔ mɛ ndɛ̃ ndopa nga ya: “Akpo kɔsɔ bo lo mɛ ko, kɔsɔ adiri ati ya bɔrɔngɔ abiringi tɛrɛ lo.”

Yudɛ 1:4

Mbi tɛnɛ nga so, ta sanga ma, ambanga asiɔ azi ali na popo tɛ e na poroso. Ala ndogbinya tɛnɛ ti nzɔ̃ bɛ tɛ Nzapa tɛ e ati ndɛ̃, ala ndopa nga ya, e lengbi ti lingɔ siɔ ye mɛ bɛ e aye. Ala kɛ̃ Yezo Kristo mɛ bo lo kɔi la wa hangɔ e na lo tɛ Nzapa, lo nga Gbia tɛ e. Asu ndo ka ya Buku tɛ Nzapa gã ya, Nzapa afa gbanda ngbanga abi li azi ni ko.

Suma 2:9

ni hĩnga apɛnɔ tɛ ĩ, nga na yɛlɛ tɛ ĩ, kanda ti biani ko, ĩ du awa bɛta nwa. Ni hĩnga nga ló mɛ azi ndokara na ili ĩ. Azi ni ko ndomu tɛrɛ la ya, ani Ayuda, kanda ta ala Ayuda ma, ala azi ti li nɔ tɛ Satana.

Suma 21:8

Wa adu tɛ azi mɛ ta ala na mimi bɛ ma, na azi mɛ akɛ̃ tɛnɛ tɛ Nzapa, na azi mɛ siɔ ye ako ndo bɛ la, na awa hongɔ azi, na awa lingɔ siɔ ye ti kamɛnɛ, na awa biando, na awa vɔrɔngɔ angbilondo, nga na awa nvɛnɛ zu ko, asa gbanda la ka ya wá mɛ lɛ ni kotani nga ma lɛ kpo. Ko wá ni adu nwa tɛ́nɛ la ndoza da. Adu ndo ti kwá ti sɛ.”

Suma 22:15

Azi mɛ gbanda angbã ka pɛ gbágbá mɛ aka kɔdɔrɔ ni lo mɛ: azi mɛ asiɔ ye ako ndo bɛ la, awa biando, awa lingɔ siɔ ye ti kamɛnɛ, awa kpɔngɔ azi, awa vɔrɔngɔ angbilondo, awa nvɛnɛ mɛ ahɛ̃ tɛrɛ la so pangɔ nvɛnɛ nga so lingɔ kwa ti nvɛnɛ!

Suma 3:9

Azi ko la ali na li nɔ tɛ Satana, awa nvɛnɛ ko la ndomu tɛrɛ la ya, ani Ayuda, kanda ta ala Ayuda ma ko, ye mɛ gbanda ni li na la lo mɛ: ni ili gbanda la na nguru ya, ala ga akuku gbɛlɛ ĩ, agonda ĩ, ko ala hĩnga nga ya, ni ndoye ĩ.