Filipɛ 3:12 - Fana Ngbangɔ 1987

¹² Ta mbi ndomu tɛrɛ mbi ya, mbana gɛrɛ mɛ mbi ndolɛndɛrɛ ko, mbi pia mbi lua ni wɛ ma, bere mbi ti nga bɛta nzɔ̃ zo wɛ ma. Kanda mbi ndoli kpengbani ya, mbi gwe uzu uzu, wadila mbi lua mbana gɛrɛ ni ko, ta sanga ma, Yezo Kristo aili ndo mbi ya, mbi ti zo tɛ ni.

Filipɛ 3:12 Iomraidhean Croise

Matie 5:48

Ale ĩ du abɛta anzɔ̃ azi, ko ĩ du kwɛ kɔi nga ma se tɛ To ĩ mɛ ka yayu.”

Awa Pangɔ Kwa 9:15

La Gbia apa hɛ̃ Ananiasi ya: “Nɔ bo nɔngɔ, ta sanga ma, mbi sara zo olo, ko mbi na kpãngɔ lo ya, lo pa lo tɛ mbi hɛ̃ Ayuda, na azi ti sese mɛ ndɛ̃, nga na agbia tɛ la ya, ala hĩnga mbi.

Roma 8:39

bere aye mɛ ka lɛ ndozu, bere aye mɛ ka gbe sese, bere ambanga ye mɛ ndɛ̃ mɛ Nzapa ali ma. Ta ye kɔi agbanzi gbanda Nzapa ya, lo zia yengɔ e bɛ gbɔ ma. Yengɔ mɛ lo ye na e ko, lo fa ni ti ndo Gbia tɛ e Yezo Kristo.

1 Kɔrinto 13:10

Kanda ngoi mɛ gbanda Nzapa afa e na bɛta nzɔ̃ lo hĩ, wa se mɛ nga gbanda nyi ye mɛ e hĩnga na olo mɛ awe la.

1 Kɔrinto 13:12

Na olo ko, e ndohũ aye so yiini nga ma nyingɔ tɛrɛ zo mɛ asi ka lɛ tala tala. Wa na lá kɔi gbanda ko, e hũ gbanda ye zu yango. Na olo ko, ta mbi hĩnga ye zu ma, wa na lá kɔi gbanda ko, mbi hĩnga gbanda ye zu nga ma se mɛ Nzapa ahĩnga na mbi.

1 Kɔrinto 9:24

Ĩ hĩnga nzɔ̃ni ya, na popo tɛ azi zu mɛ ndokpɛ kpɛ so luangɔ mbana gɛrɛ la ko, bo zo kɔi mɛ ndozɔ li ni la ndolua mbana gɛrɛ lo. Wa ĩ́ li kpengbani, nga ma se tɛ azi mɛ ndokpɛ kpɛ, wadila ĩ lua nga mbana gɛrɛ ĩ.

2 Kɔrinto 13:9

Ngoi mɛ se ĩ du kpengbani na lege tɛ Nzapa, ko e du tɛ e woni ko, e ndosaba. Ko na ya sambela tɛ e ko, e ndohũnda nga Nzapa ya, ĩ ti abɛta anzɔ̃ azi.

2 Kɔrinto 7:1

Aya bua, Nzapa ako akapa ni ko zu hɛ̃ e. Na lo ni ko, ale ta e mu tɛrɛ e, e li na siɔ ye bɛ kɔi ma, ale ta e ye nga ya, e du na siɔ ye kɔi ge ya bɛ e bɛ kɔi ma. Ale e kpɛ Nzapa, na lo ni ko, ale sé du tɛ e adu nga nzɔ̃ni buai.

Galatia 5:17

Ta sanga ma, aye mɛ tɛrɛ zo ndodu na gwɛ̃ ti lingɔ ko, aɔngbi na aye mɛ Tɔrɔ Santo ndofa na zo ya, lo li. Ko aye mɛ Tɔrɔ Santo ndofa na zo ya, lo li ko, aɔngbi nga na aye mɛ tɛrɛ zo ndodu na gwɛ̃ ti lingɔ ni. Aye mɛ tɛrɛ zo ndodu na gwɛ̃ ni, na aye mɛ Tɔrɔ Santo ndofa na zo ya lo li ko, ta aye ni ko ndomangbi bɛ yakere ma. Na lo ni la ta ĩ lengbi ti lingɔ ye mɛ ĩ separa lingɔ ma.

Efɛzɛ 1:4

Uzu ti Nzapa lingɔ sese ko, lo pia ndo lo sara e lo kpa ya, e na Yezo Kristo e ti bo kɔi, wadila bɛ e ati vuruni, ko ta ni bela e na lo ye kɔi ma.

Efɛzɛ 4:12

Lo hɛ̃ ndo azi nguru kwa ni ya, ala za awa Kristo na lingɔ kwa tɛ Nzapa, wadila awa Kristo amai na ya lo yengɔ tɛ la.

Filipɛ 1:1

Mbi Polo na Timɔte mɛ e awa kwa tɛ Yezo Kristo la e to mbɛti olo hɛ̃ ĩ azi tɛ Nzapa zu mɛ ĩ ye lo tɛ Yezo Kristo, ĩ mɛ ĩ ndodu ka kɔdɔrɔ ti Eilipɛ. E to nga mbɛti ni hɛ̃ ĩ awa batangɔ Eklezia, na ĩ adiakrɛ. E bala ĩ.

Filipɛ 3:16

Abɛ nga sia ko, lege tɛ Nzapa mɛ ndo e ndoɔ ti da, ngbĩi e si na ni na olo ko, é ngbã bo na ɔngɔ ti da.

Filipɛ 3:3

E la afa e na bɛta ganza, kanda ta ala ma. Ta sanga ma, e ndovɔrɔ Nzapa na lo nguru tɛ Tɔrɔ Santo tɛ lo, e ndosaba nga na lo tɛ Yezo Kristo, ko ta e ndokpã bɛ e na ndo se li ye tɛ azi ma.

Filipɛ 3:8

Ko ta adu bo aye ni ko la mbi ndomu ni nga ma ye mɛ gɛgɛrɛ ma, kanda aye zu mɛ mbi na ni la mbi ndomu ni nga ma ye mɛ gɛgɛrɛ. Ta sanga ma, se mbi hĩnga Gbia tɛ mbi Yezo Kristo ko, oko aɔ aye mɛ ndɛ̃ zu. Na lo tɛ lo ko, mbi kɛ̃ aye mɛ ndɛ̃ zu. Mbi ndomu aye ni ko nga ma ambumbusɛ ye ya, mbi hĩnga Yezo Kristo nzɔ̃ni,

1 Tɛsalɔnikɛ 5:15

Ĩ du na kpengba le ya, se zo ali ĩ siɔni ko, ta ĩ gɛ̃ kula ni ma. Kanda ngoi zu ko, ĩ li kpengbani ya, ĩ li nzɔ̃ ye na popo tɛ ĩ, ĩ li nga ni tɛrɛ azi zu.

2 Tɛsalɔnikɛ 2:13

Aya bua, ĩ mɛ Gbia Nzapa ndoye ĩ ko, ale e ndohɛ̃ sia kɔli hɛ̃ lo ngoi zu na lo tɛ ĩ. Ta sanga ma, ngoi mɛ ndo ta lo de lo li sese ma ko, lo sara ndo ĩ lo kpã ya, ni so ĩ na nguru tɛ Tɔrɔ Santo. Tɔrɔ Santo ni ali ya, ĩ ti azi tɛ ni Nzapa, ko ni so nga ĩ, na lo mɛ ya, ĩ ye lo bɛta lo tɛ ni.

1 Timɔte 5:10

Ale azi ahĩnga nga ya, lo ndoli ndo nzɔ̃ kwa, lo ndokã ndo aya lo nzɔ̃ni, lo ndoyamba ndo azi mɛ ndosi ka tɛ lo nzɔ̃ni. Ale lo du zo mɛ ndo ndokpo gɛrɛ azi tɛ Nzapa, zo mɛ ndo ndoza awa pɛnɔ, zo mɛ ndo ndoli nga anzɔ̃ ye ndɛ̃ ndɛ̃ ndɛ̃.

1 Timɔte 6:19

Se ala li so ko, afa ya ala bo bɛta nwa mɛ ndoninga na lo ti bi mɛ ka gbɛlɛ la, wadiía ala lua bɛta du.

Aebreo 12:14

Ale ĩ li kpengbani, ĩ na azi zu, í du na mangbingɔ. Ale ĩ li nga kpengbani ya, du tɛ ĩ adu mbiri mbiri ka lɛ Gbia Nzapa. Ta sanga ma, se ta du tɛ zo adu mbiri mbiri ma ko, ta zo ni ahũ gbanda le Nzapa ma.

Aebreo 12:23

Ĩ li na li nɔ tɛ akɔzo aya Nzapa mɛ abombi tɛrɛ la ndoni kɔi, ala nga na dengɔ bɛ, ko Nzapa asuru ili la ka ya buku tɛ lo ka yayu. Ĩ si ka tɛ Nzapa mɛ wa fangɔ ngbanga tɛ azi zu. Ĩ i tɛrɛ ĩ na gbɛlɛ abɛta azi mɛ ndo akpili gã, ko Nzapa ali ya, ala ti abɛta anzɔ̃ azi.

Aebreo 13:21

Nzapa mɛ ndoli ya, bɛ zo adu pii ko, lo hɛ̃ bɛ ĩ nguru ti lingɔ anzɔ̃ lo zu ma ke! Lo li bɛ so ya, ĩ li aye mɛ bɛ lo ndoye ma ke! Lo li bɛ nga ya, na nguru tɛ Yezo Kristo ko, e li aye mɛ ndode bɛ lo ma ke! E gonda bɛ Yezo Kristo buru na buru ma ke! Seni la.

Zaki 3:2

E zu e ndoyu ndo na lege ndɛ̃ ndɛ̃ ndɛ̃. Se ta zo ayu ndo na ya tɛnɛ mɛ lo ndotɛnɛ bɛ kɔi ma ko, lo bɛta nzɔ̃ zo, ko lo lengbi nga ti kɛ̃ngɔ lo hɛ̃ tɛrɛ lo zu.

1 Petro 5:10

Ĩ ndohũ pɛnɔ, kanda na pɛ ngoi yakere ko, Nzapa mɛ ndoli kota nzɔ̃ bɛ hɛ̃ e, lo nvɛni na lɛkɛngɔ ĩ, kpengbangɔ na bɛ ĩ, hɛ̃ngɔ ĩ nguru. Lo la lo ili ĩ ya, ĩ lua ndima ti kaka ka tɛ ni, na lo mɛ ya, ĩ na Kristo ĩ ti bo kɔi.

2 Petro 3:18

Kanda ale ĩ ngbã bo na maingɔ na ya lo yengɔ tɛ ĩ, wadila Gbia tɛ e Yezo Kristo mɛ Wa songɔ e andoli nzɔ̃ bɛ hɛ̃ ĩ, ko ĩ hĩnga nga lo nzɔ̃ni. É gonda Gbia tɛ e na olo, é gonda nga lo buru na buru zu! Seni la.