Biblia Todo Logo
Bìoball air-loidhne

- Sanasan -




Filipɛ 2:9 - Fana Ngbangɔ 1987

9 Nda mɛ ndo Nzapa ahɛ̃ lo kota ndima la. Nzapa ahɛ̃ lo ili, ko ili ni aɔ aili kwɛ zu.

Faic an caibideil Dèan lethbhreac




Filipɛ 2:9
46 Iomraidhean Croise  

“To mbi azia ye zu na ti mbi. Ta zo kɔi ahĩnga mbi mɛ Nyi lo ma, kanda bo lo la lo hĩnga mbi. Ko ta zo kɔi ahĩnga nga To mbi ma, kanda bo mbi mɛ Nyi lo, nga na azi mɛ mbi ye fangɔ lo na la, la e hĩnga lo.


Yezo ai tɛrɛ lo ka tɔ̃nda la, apa hɛ̃ la ya: “Nzapa ahɛ̃ mbi nguru ya, mbi du Gbia ti ndo aye zu mɛ ka yayu, ko mbi du nga gbia ti ndo omɛ ge lɛ sese.


To mbi azia ye zu na ti mbi. Ta zo kɔi ahĩnga mbi mɛ Nyi lo ma, kanda bo lo la lo hĩnga mbi. Ta zo kɔi ahĩnga nga To mbi ma. Kanda bo mbi mɛ Nyi lo, nga na azi mɛ mbi ye fangɔ lo na la, la e hĩnga lo.”


Yezo nvɛni ahĩnga ya, Nzapa azia ye kwɛ zu na yamba ti ni, ni lo ka tɛ lo la ni ga, ko ni nga na diringɔ ka tɛ lo.


Ta mbi ti dɛ ge lɛ sese ma, mbi na diringɔ ka tɛ mɔ. Kanda ala dɛ tɛ la ge lɛ sese. To mbi, mɔ mɛ mɔ santo, bata la na nguru tɛ mɔ mɛ mɔ hɛ̃ mbi, wadila ala ti bo kɔi, nga ma se mɛ mbi na mɔ e bo kɔi.


Ngoi mɛ ndo mbi dɛ ndoni kɔi na la ko, mbi bata la na nguru tɛ mɔ mɛ mɔ hɛ̃ mbi. Mbi bata la ko ta zo kɔi ayu ndo na ti mbi ma, wenge bo zo ko ndo ale lo yu ndo, ya tɛnɛ ti ya Buku tɛ mɔ ati na seni.


Wa na olo ko. Baba, diri na mbi ka tɛ mɔ, ko mɔ hɛ̃ mbi ndima mɛ ndo mbi na ni ka tɛ mɔ gã, uzu ti mɔ lingɔ sese.


Nzapa aya lo ka yayu, akpã lo na ndo kɔti ti lo, akpa lo Gbia, akpã nga lo Wa songɔ azi. Lo li ndo so ya, Yezo azi lege hɛ̃ awa Izrayɛlɛ, ala gbinya bɛ la, wa Nzapa aka le lo ndo siɔ ye tɛ la.


Se ngoi alengbi gbanda ko, ló mɛ gbanda lo li lo mɛ: lo bombi gbanda aye mɛ ka yayu zu na omɛ ge tise zu ya, Yezo Kristo adu Gbia na ndo ni.


Lo bɛ li azi ti Eklezia, ko azi ti Eklezia adu ngbonga tɛrɛ lo. Eklezia ato na ndo lo. Lo la Nzapa aso ndo lo kɔzoni na pɛ kwa, ya lo du Gbia ti ye zu.


Wa se mɛ azi na gondangɔ na Gbia tɛ e Yezo Kristo na lo tɛ ĩ la. Ko na lo tɛ Yezo Kristo nga ko, azi na gondangɔ ĩ. Nzapa tɛ e, na Gbia tɛ e Yezo Kristo na lingɔ so, na lo ti nzɔ̃ bɛ tɛ la.


Nyi Nzapa aɔ aangelo, la Nzapa ahɛ̃ lo ili mɛ ngbondoni aɔ tɛ la.


Bɛ mɔ ndoye ye mɛ bɛtani, Kanda bɛ mɔ ndokɛ̃ siɔ ye. Nda mɛ mbi Nzapa tɛ mɔ, mbi sara mɔ, Mbi kpã mɔ ndo afɔ̃ mɔ, Mbi li nga ya, bɛ mɔ ade sĩ la.”


Ale e ndoba bo Yezo, lo la lo li ya, e ye lo tɛ ni, ko lo ndoli nga ya, e ngbã bo na yengɔ lo tɛ ni ngbĩi e si ka ndani gbɔ. Ngoi mɛ ndo aye hongɔ lo ka ndo krusi ko, lo gbe ndo bɛ lo, ta kamɛnɛ agbɔ̃ ndo nga lo na lo ti gi tɛrɛ kwá ni ko ma, na lo mɛ ya, lo hĩnga ndo ya, ni na luangɔ dengɔ bɛ ka tɛ Nzapa. Na olo mɛ ko, lo du na ndo kɔti ti Nzapa, ka ndo mɛ Nzapa ndole gbia tɛ lo da.


Kanda ye mɛ e hũ lo mɛ: Nzapa akpã ndo Yezo na gbɛ gɛrɛ aangelo na pɛ ngoi yakere ya, Yezo akpi so azi zu, na lo ti nzɔ̃ bɛ tɛ Nzapa. Na olo ko, Nzapa agonda lo, ahɛ̃ nga lo ndima na lo ti pɛnɔ ti kwa mɛ ndo lo hũ.


Lo diri tɛ lo ndo ka yayu, lo du ka ndo kɔti ti Nzapa, ko aangelo, na atɔrɔ zu mɛ na nguru, ndolɛ nga gbia ka le ndozu ko, ala na gbe gɛrɛ lo.


E ndo da na ngoi mɛ ndo To lo Nzapa mɛ ndima tɛ lo aɔ ndima zu, agonda na lo, ahɛ̃ lo ndima, apa nga hɛ̃ lo ya: “ĩ ba Nyi mbi ti kpɔ̃ bɛ mbi mɛ bɛ mbi ndode ma wo ma na lo tɛ lo lo mɛ.”


Fɔnɔ ko la ala gwe ko, ala nɔ so lingɔ kwa tɛ Yezo Kristo, ko ta ala ndoye ya, apaganɔ aza ani ma.


Yezo Kristo lo bɛta temwɛ tɛ Nzapa, lo kɔzo zo mɛ ndo lo so na pɛ kwa, lo nga Gbia tɛ agbia ti le sese. Lo li bɛ nga nzɔ̃ bɛ hɛ̃ ĩ, lo li bɛ nga ya, bɛ ĩ adu pii ma ke! Bɛ lo aye e, lo kpi ndo so hãngɔ siɔ ye tɛ e zingɔ.


So pɛni, angelo ti mbara mbara aulu mbana. Mbi ma legɔ̃ azi ma wo ma adu ka ndozu atɛnɛ tɛnɛ na kɔngɔ ya: “Gbia Nzapa tɛ e, na Mɛsia mɛ lo sunu lo, ala to nda lɛngɔ gbia na olo na ndo azi ti lɛ sese. Nzapa na lɛngɔ gbia na ndo la buru na buru!”


Ili mɛ ndo asu na tɛrɛ bɔngɔ tɛ lo, nga na ndo gɛrɛ lo lo mɛ: “Gbia tɛ agbia.”


Azi ko la agbe bɛ la na ya apɛnɔ, anwɔ ni ko, ni hɛ̃ gbanda lege hɛ̃ la ya, ala dunga na ndo ngɛnde tɛ ni ti gbia, nga ma se mɛ ndo ni gbe na bɛ ni na ya apɛnɔ, ni nwɔ ni, ko ni na To ni ani dunga na ndo ngɛndɛ ti gbia tɛ lo.


Mbi ma aangelo so ndoye bia na kɔngɔ ya: “Nyi Ngasã Ngbaga mɛ ndo aho lo ko, Azi alengbi ti yengɔ ya, lo wa nguru, lo na ye zu, Lo wa ndara, lo lombe. Azi alengbi ti gondangɔ lo, Tɔndɔngɔ lo, yakɛngɔ nga lo.”


Lean sinn:

Sanasan


Sanasan