Filipɛ 2:8 - Fana Ngbangɔ 1987

⁸ Lo ngara ndo tɛrɛ lo, lo ma ndo nyɔ Nzapa, Ngbĩi lo kpi ka ndo krusi.

Filipɛ 2:8 Iomraidhean Croise

Matie 17:2

Ala ĩ si kai ko, tɛrɛ Yezo agbinyangbi so gbɛlɛ la, yangba lɛ lo asũ nga ma lá, bɔngɔ tɛ lo ati mbufuni pɛ pɛ pɛ.

Matie 26:39

La Yezo anɔ ka uzu yakere, akuku, atolo lɛ lo tise, avɔrɔ To lo ya: “Baba, se alengbi ko, mɔ hã mbi na ya pɛnɔ olo mɛ mbi na hũngɔ mɔ zi. Wa ta mɔ li nga ma se mɛ bɛ mbi aye ma, kanda li nga ma se mɛ bɛ mɔ aye.”

Matie 26:42

Lo diri lo nɔ, ko lo sambela ya: “Baba, se mɔ ye bo ya, pɛnɔ olo asi na mbi ko, ale mɔ li bo ye mɛ bɛ mɔ aye.”

Luka 9:29

Ngoi mɛ lo so ndosambela ko, yangba lɛ lo agbinyangbi ati ndɛ̃, bɔngɔ tɛ lo ati mbufuni pɛpɛpɛ.

Yoanɛ 10:18

Ta zo kɔi alengbi ti hongɔ mbi na nguru tɛ lo ma, mbi nvɛni la mbi ka tɛrɛ mbi na se bɛ mbi. Mbi lengbi ti kangɔ tɛrɛ mbi, mbi lengbi nga ti luangɔ ni na pɛ kwá. Se nyɔ mɛ ndo To mbi ahɛ̃ mbi la.”

Yoanɛ 14:31

Mbi ndoli ye na se nyɔ To mbi, ya azi ahĩnga ya, mbi ndoye lo. Wa ĩ longa, é lo so ndo mɛ é ɔ!”

Yoanɛ 15:10

Se ĩ tɔndɔ andia tɛ mbi, wadila ĩ ngbã na ya yengɔ mɛ mbi ndoye na ĩ, nga ma se mɛ ndo mbi tɔndɔ na andia tɛ To mbi, ko mbi ngbã na ya yengɔ mɛ lo ndoye na mbi.

Yoanɛ 4:34

Yezo apa hɛ̃ la ya: “Tɛ mɛ mbi lengbi ti tɛngɔ la, ale mbi li ye na se nyɔ wa tongɔ mbi, mbi li nga kwa mɛ ndo lo hɛ̃ mbi, ngbĩi mbi kɔ nda ni kpɛkɛlɛ.

Awa Pangɔ Kwa 8:33

Azi abi ndo kamɛnɛ lɛ lo, ta afa ndo ngbanga tɛ lo na seni ma. Ta zo atɛnɛ gbanda tɛnɛ tɛ atara lo ma! Ta sanga ma, aho ndo lo, ko ta lo dɛ so lɛ sese olo ma.”

Roma 5:19

Nga ma se mɛ azi gba ati awa lingɔ siɔ ye, na lo tɛ zo kɔi mɛ ndo akɛ̃ nyɔ Nzapa ko, se mɛ nga gbanda Nzapa amu azi gba ka lɛ lo ya, ala abɛta azi, na lo tɛ zo kɔi mɛ ndo ama nyɔ Nzapa la.

2 Kɔrinto 8:9

Ti biani, ĩ hĩnga nzɔ̃ bɛ mɛ Gbia tɛ e Yezo Kristo ndoli hɛ̃ e. Lo mɛ ndo na nwa ka yayu sĩ ko, lo ti ndo wa yɛlɛ so zangɔ ĩ. Lo li ndo so ya, na lege ti yɛlɛ tɛ ni ko, ĩ ti awa nwa ka lɛ Nzapa.

Galatia 3:13

E du azi ti zonga, na lo mɛ ya, ta e tɔndɔ alo ti ndia ma. Ko Yezo Kristo aga ndo ya, Nzapa azonga ni na se le e. Lo li ndo so, la lo kpo zonga ni na tɛrɛ e, lo zi. Ta sanga ma, asu ka ya Buku tɛ Nzapa ya: “Nzapa azonga zo zu ko la agbe lo ka ndo kɛkɛ.”

Tito 2:14

Lo nvɛni lo ka ndo tɛrɛ lo na lo tɛ e, so tɔ̃ngɔ e na ya siɔ ye zu. Lo li ndo so ya, e du na vuru bɛ, e ti azi tɛ ni, wa e li anzɔ̃ kwa na gonvɛnɛ.

Aebreo 12:2

Ale e ndoba bo Yezo, lo la lo li ya, e ye lo tɛ ni, ko lo ndoli nga ya, e ngbã bo na yengɔ lo tɛ ni ngbĩi e si ka ndani gbɔ. Ngoi mɛ ndo aye hongɔ lo ka ndo krusi ko, lo gbe ndo bɛ lo, ta kamɛnɛ agbɔ̃ ndo nga lo na lo ti gi tɛrɛ kwá ni ko ma, na lo mɛ ya, lo hĩnga ndo ya, ni na luangɔ dengɔ bɛ ka tɛ Nzapa. Na olo mɛ ko, lo du na ndo kɔti ti Nzapa, ka ndo mɛ Nzapa ndole gbia tɛ lo da.

Aebreo 12:4

Ta sanga ma, ĩ na asiɔ azi ĩ ndotiri to, kanda ta ĩ dɛ ĩ tiri to ni ngbĩi, ko zo kɔi so popo tɛ ĩ akpi da ma.

1 Petro 2:24

Yezo Kristo nvɛni ayɔ ndo asiɔ ye tɛ e, lo kpi na ni ka ndo krusi ya, e ti nga ma awa kwáni mɛ tɛ la na lingɔ siɔ ye awe, ko e li ye na seni. Tɛrɛ ĩ ahã na lo ti kã mɛ ndo adɛ na lo.

1 Petro 3:18

Yezo Kristo nvɛni akpi ndo so ĩ. Lo kpi ndo bo fani kɔi so hãngɔ siɔ ye tɛ azi zingɔ. Lo mɛ ndo ta lo li siɔ ye ma ko, lo kpi ndo so songɔ asiɔ azi, wadila ĩ ti azi tɛ Nzapa. Azi aho ndo ngbonga tɛrɛ lo, kanda Nzapa aso ndo lo na nguru tɛ Tɔrɔ Santo.