Filipɛ 2:7 - Fana Ngbangɔ 1987

⁷ Kanda lo dɔ ndo ndima tɛ lo, Lo zia na se bɛ lo nvɛni, lo ti nga ma mbɛ. Lo ti ndo zo nvɛni, lo mu ndo tɛrɛ zo.

Filipɛ 2:7 Iomraidhean Croise

Matie 12:18

“Nzapa apa ya: Ĩ ba wa kwa tɛ mbi Nzapa mɛ ndo mbi sara lo mbi kpã lo mɛ. Mbi ndoye lo sĩ, ko bɛ mbi ndode nga na lo tɛ lo sĩ. Mbi hɛ̃ gbanda lo Tɔrɔ tɛ mbi, Ko lo pa gbanda hɛ̃ azi ya, ngbanga mɛ mbi ndofa adu na seni.

Matie 20:28

Ĩ ba se mɛ ta mbi Nyi Zo mbi ga ge lɛ sese ya, azi ali kwa hɛ̃ mbi ma la. Kanda mbi ga ya, mbi li kwa hɛ̃ azi, ko mbi ka nga tɛrɛ mbi, wa mbi tɔ̃ azi gba na ya siɔ ye.”

Marko 9:12

Yezo agbinya hɛ̃ la ya: “Ale Elia aga uzu, alɛkɛ ye zu na seni hĩ wadila.” Yezo ahũnda nga la ya: “Ko nda mɛ Buku tɛ Nzapa apa ya, ta azi ama gbanda nyɔ Nyi Zo ma, ala hɛ̃ gbanda lo pɛnɔ sĩ, so pɛni ala mumana lo nɛ?

Luka 22:27

Na zo mɛ ndotɛ ye, na zo mɛ ndoli kwa ti tɔngɔ tɛ ko, zo mɛ aɔ fɔ̃ lo na? Wa tɛngɔ ye la aɔ zo mɛ ndoli kwa ti tɔngɔ tɛ! Wa mbi na popo tɛ ĩ nga ma zo mɛ ndoli kwa hɛ̃ afɔ̃ lo.

Yoanɛ 1:14

Tɛnɛ ni amu ndo tɛrɛ zo, lo ndodu ndo so popo tɛ e. Lo na nzɔ̃ bɛ ma wo ma, ko lo fa nga e na beta lo tɛ Nzapa zu. E hũ ndo ndima tɛ lo mɛ ndo To lo Nzapa ahɛ̃ lo, na lo mɛ ya, lo ngbongi Nyi.

Roma 1:3

Nzɔ̃ Pa ni adu na lo tɛ Nyi lo Yezo Kristo mɛ Gbia tɛ e. Lo mu ndo tɛrɛ zo, lo ndo tara gbia Davidi.

Roma 15:3

Ta sanga ma, ta Kristo agi ndo ye mɛ ndode bɛ lo nvɛni ma. Ló mɛ ndo asi na lo ko, adu nga ma se mɛ asu na ni ka ya Buku tɛ Nzapa ya: “Gu mɛ ndo azi ndoguru na mɔ Nzapa ko, gu ni aminya na li mbi.”

Roma 15:8

Ta sanga ma, mbi pa hɛ̃ ĩ ti biani ya, Yezo Kristo aga ndo ati wa lingɔ kwa hɛ̃ e Ayuda ya, kapa mɛ ndo Nzapa ako hɛ̃ akɔzo akotara e ati na seni. Ko na lo ni ko, lo ndofa ya, ta Nzapa ndoweza kapa mɛ lo ndoko ma.

Roma 8:3

Ta ndia tɛ Mɔizɛ alengbi ndo ti hãngɔ e azi na ya siɔ ye zingɔ ma, na lo mɛ ya, bɛ e adu woni. Kanda Nzapa ahã e na ya ni azi na ngoi mɛ ndo lo to Nyi lo nvɛni. Nyi lo amu ndo tɛrɛ zo nga ma se tɛ e mɛ awa lingɔ siɔ ye, ya ni hã siɔ ye tɛ e ni zi. Nzapa aminya ndo siɔ ye tɛ e azi na li Yezo, lo fa ndo nga ngbanga lo bi li lo.

2 Kɔrinto 13:4

Ti biani, ngoi mɛ ndo agɔngɔ lo ndo krusi ko, lo ndo woni. Kanda na olo ko, lo so, ko lo ndodu lɛ lo ngɛ̃ na nguru tɛ Nzapa. Wa tɛ e ko, e na lo e ti bo kɔi, ko e nga woni. Kanda e na lo e ndodu nga lɛ e ngɛ̃ ndoni kɔi. Ko kwa mɛ e na lingɔ ka popo tɛ ĩ ko, e na lingɔ ni na nguru tɛ Nzapa.

2 Kɔrinto 8:9

Ti biani, ĩ hĩnga nzɔ̃ bɛ mɛ Gbia tɛ e Yezo Kristo ndoli hɛ̃ e. Lo mɛ ndo na nwa ka yayu sĩ ko, lo ti ndo wa yɛlɛ so zangɔ ĩ. Lo li ndo so ya, na lege ti yɛlɛ tɛ ni ko, ĩ ti awa nwa ka lɛ Nzapa.

Galatia 4:4

Ko ngoi mɛ ndo bi mɛ Nzapa ako ĩ lengbi ko, lo to Nyi lo ge lɛ sese. Zo wali kɔi adú ndo lo, ko Nyi lo ni abi ndo tɛre lo so tɔndɔngɔ ndia tɛ Mɔizɛ ya,

Filipɛ 2:6

Abɛ du tɛ lo na tɛ Nzapa ndo bo kɔi ko, Ta lo ndoha ndo tɛrɛ lo na Nzapa ya, Ni na lo ani lengbi ma.

Aebreo 12:2

Ale e ndoba bo Yezo, lo la lo li ya, e ye lo tɛ ni, ko lo ndoli nga ya, e ngbã bo na yengɔ lo tɛ ni ngbĩi e si ka ndani gbɔ. Ngoi mɛ ndo aye hongɔ lo ka ndo krusi ko, lo gbe ndo bɛ lo, ta kamɛnɛ agbɔ̃ ndo nga lo na lo ti gi tɛrɛ kwá ni ko ma, na lo mɛ ya, lo hĩnga ndo ya, ni na luangɔ dengɔ bɛ ka tɛ Nzapa. Na olo mɛ ko, lo du na ndo kɔti ti Nzapa, ka ndo mɛ Nzapa ndole gbia tɛ lo da.

Aebreo 13:3

Ale ĩ ndoda bɛ ĩ na azi mɛ ka ya bɔlɔkɔ, ma bere ĩ na la ka ya bɔlɔkɔ. Ale ĩ ndoda nga bɛ ĩ na azi mɛ andogia la, ma bere abombi ĩ na la la andogia ĩ.

Aebreo 4:15

E na kota gbia tɛ awa lungɔ Nzapa na ye, lo ndoma vundu tɛ e, na lo mɛ ya, Satana atara ndo bɛ lo na ya alo zu, nga ma se mɛ lo ndotara na bɛ e. Kanda tɛ lo ko, ta lo li ndo siɔ ye kɔi ma.