Filipɛ 2:6 - Fana Ngbangɔ 1987

⁶ Abɛ du tɛ lo na tɛ Nzapa ndo bo kɔi ko, Ta lo ndoha ndo tɛrɛ lo na Nzapa ya, Ni na lo ani lengbi ma.

Filipɛ 2:6 Iomraidhean Croise

Matie 1:23

“Wali mɛ ade li lo ngbɔ̃ amɛ gbanda ngɔ, lo dú gbanda nyi kɔli, Ko adi gbanda ili nyi ni ya, Emanuɛlɛ.” (Nda ili ni ko la: “Nzapa ndodu ndoni kɔi na e.”)

Yoanɛ 1:18

Ta zo kɔi ahũ Nzapa ma. Kanda ngbongi Nyi lo mɛ lo nvɛni nga Nzapa, lo ndodu ka tɛ To lo Nzapa, la afa e na To lo Nzapa.

Yoanɛ 10:30

Mbi e na To mbi bo kɔi.”

Yoanɛ 10:33

Ayuda agbinya hɛ̃ lo ya: “Ta e ye borokangɔ mɔ, hongɔ na lo nzɔ̃ kwa mɛ mɔ li ma. Kanda e ye borokangɔ mɔ hongɔ, na lo mɛ ya, mɔ guru Nzapa. Mɔ zo gɛgɛrɛ, ko mɔ mu tɛrɛ mɔ ya mɔ Nzapa!”

Yoanɛ 10:38

Wa oko mbi ndoli kwa tɛ To mbi, bɛ se ta ĩ ye lo tɛ mbi ma ko, ale ĩ ye bɛ lo kwa mɛ mbi ndoli, wadila ĩ hĩnga ti buai ya, mbi na To mbi e bo kɔi.”

Yoanɛ 14:28

Ĩ ma fɛ̃rɛ mbi pa hɛ̃ ĩ ya: ‘Mbi na gwengɔ, kanda mbi na diringɔ ge tɛ ĩ.’ Se adu ya, ĩ ye mbi ko, ale ĩ saba na lo ti gwengɔ tɛ mbi ka tɛ To mbi, na lo mɛ ya, To mbi aɔ mbi.

Yoanɛ 14:9

Yezo agbinya hɛ̃ lo ya: “Filipo, mbi e na ĩ na ndo mɛ ndogã, ta mɔ hĩnga mbi ma? Zo ko la ahũ mbi ko, ahũ nga To mbi. Ko nda mɛ mɔ pa ya, mbi fa mɔ na To mbi nɛ?

Yoanɛ 17:5

Wa na olo ko. Baba, diri na mbi ka tɛ mɔ, ko mɔ hɛ̃ mbi ndima mɛ ndo mbi na ni ka tɛ mɔ gã, uzu ti mɔ lingɔ sese.

Yoanɛ 20:28

Toma agbinya hɛ̃ lo ya: “Mɔ Gbia tɛ mbi, mɔ nga Nzapa tɛ mbi!”

Yoanɛ 5:18

Na lo ni ko, agbia tɛ Ayuda ti gingisa ndo kpengbani aɔ ndo ti uzu ya, ani ho lo. Ta sanga ma, ye mɛ ndo lo li ko, ta adu bo ye mɛ akɛ̃ nyɔ ndia ti lá ti wɔngɔ tɛrɛ ma. Kanda lo pa ndo nga ya, To ni nvɛni la Nzapa. Ko lo ha ndo nga tɛrɛ lo na Nzapa ya, ni na lo ani lengbi.

Yoanɛ 5:23

wadila azi atɔndɔ mbi Nyi lo, nga ma se mɛ ala ndotɔndɔ na lo mɛ To mbi. Zo ko la akɛ̃ tɔndɔngɔ mbi Nyi lo ko, afa ya, lo kɛ̃ nga tɔndɔngɔ To mbi Nzapa mɛ ato mbi.

Roma 9:5

Ala ndo atara akɔzo akotara e. Kristo mɛ ndo amu tɛrɛ zo ko, lo ndo ale tɛ la, lo Gbia ti ndo aye zu, lo nga Nzapa. E gonda lo buru na buru! Seni la.

2 Kɔrinto 4:4

Ta ala ndoye lo ti Nzɔ̃ Pa ni ma, na lo mɛ ya, Satana mɛ gbia tɛ azi ti lɛ sese agbɛ̃ kɔdɛ tɛ la. Lo vĩ nga lɛ la ya, ta ala hũ ndo mɛ avuru ma. Nzɔ̃ Pa ni avuru na ndo, ko adu Nzɔ̃ Pa ni la afa ndima tɛ Yezo Kristo mɛ lo limɔ tɛ Nzapa.

2 Kɔrinto 8:9

Ti biani, ĩ hĩnga nzɔ̃ bɛ mɛ Gbia tɛ e Yezo Kristo ndoli hɛ̃ e. Lo mɛ ndo na nwa ka yayu sĩ ko, lo ti ndo wa yɛlɛ so zangɔ ĩ. Lo li ndo so ya, na lege ti yɛlɛ tɛ ni ko, ĩ ti awa nwa ka lɛ Nzapa.

1 Timɔte 1:17

Nzapa mɛ ndole gbia buru na buru zu, lo mɛ kaka, lo mɛ ta andohũ lo ma, lo mɛ bo lo kɔi la Nzapa ko, azi atɔndɔ bɛ lo, agonda bɛ nga lo buru na buru ma ke! Seni la.

1 Timɔte 3:16

Biani, bɛta lo ti lo Nzapa tɛ e mɛ Nzapa afa ko, adu kotani. Bɛta lo ni adu lo tɛ zo mɛ ndo amu tɛrɛ zo. Tɔrɔ Santo afa ndo ya, zo ni ko adu bɛta zo, Aangelo ahũ ndo zo ni ko. Apa ndo lo tɛ zo ni ko hɛ̃ apaganɔ, Azi ti lɛ sese aye ndo lo tɛ lo, Ko Nzapa aya ndo lo ka yayu, ka ndo ti ndima.

Tito 2:13

Ale e li so na ngoi mɛ e ndoku lá ti dengɔ bɛ mɛ e ndolɛndɛrɛ. Lá ni ko adu lá mɛ gbanda Wa songɔ e Yezo Kristo mɛ kota Nzapa tɛ e adiri na ni.

Aebreo 1:3

Ndima tɛ Nzapa ndosũ na tɛrɛ Nyi lo, du tɛ lo na du tɛ To lo Nzapa bo kwɛ kɔi. Lo ndobata sese na nguru ti tɛnɛ ti nyɔ lo. Ngoi mɛ ndo lo ĩ zi lege ti kpongɔ siɔ ye tɛ azi ko, lo ma ka yayu, lo du na ndo kɔti ti Nzapa mɛ nguru tɛ lo aɔ nguru zu.

Aebreo 1:6

Ngoi mɛ ndo Nzapa aye tongɔ kɔzo Nyi lo ge le sese ko, lo pa ndo a: “Ale aangelo tɛ mbi zu avɔrɔ lo.”

Aebreo 1:8

Kanda ĩ da na tɛ Nyi lo ko, lo pa hɛ̃ lo ya: “Oo Nzapa, mɔ Gbia ti kaka. Mɔ ndole gbia ndo azi tɛ mɔ na seni.

Aebreo 13:8

Se ko ndo la Yezo da uzu ko, se mɛ lo da na olo la, ko se mɛ nga gbanda lo ngbã na ni ngoi zu la.

Suma 21:6

Lo ti pa nga ya: “Awe! Mbi wa li ni, mbi nga wa nda ni, mbi wa tongɔ nda aye zu, mbi nga wa kɔngɔ nda aye zu. Zo ko gwɛ̃ ngu agbɔ̃ lo ko, mbi hɛ̃ lo ngu gɛgɛrɛ, lo nyɔ. Ngu ti li ngu mɛ ndohɛ̃ zo bɛta du.