Filipɛ 2:5 - Fana Ngbangɔ 1987

⁵ Na popo tɛ ĩ ko, ale bɛ ĩ adu nga ma bɛ Yezo Kristo. Ĩ ba se bɛ lo ndo lo mɛ:

Filipɛ 2:5 Iomraidhean Croise

Matie 11:29

Ale mbi na ĩ e li kwa ndoni kɔi, ko ĩ manda tɛnɛ tɛ mbi, ta sanga ma, mbi dede zo, mbi ndongara nga tɛrɛ mbi, ko tɔrɔ tɛrɛ ĩ na luangɔ ndo ti wɔngɔ na tɛrɛ lo.

Luka 22:27

Na zo mɛ ndotɛ ye, na zo mɛ ndoli kwa ti tɔngɔ tɛ ko, zo mɛ aɔ fɔ̃ lo na? Wa tɛngɔ ye la aɔ zo mɛ ndoli kwa ti tɔngɔ tɛ! Wa mbi na popo tɛ ĩ nga ma zo mɛ ndoli kwa hɛ̃ afɔ̃ lo.

Awa Pangɔ Kwa 10:38

Ĩ hĩnga se mɛ Nzapa asa na nguru tɛ Tɔrɔ Santo na tɛrɛ Yezo wa Nazarɛtɛ. Ĩ hĩnga nga se mɛ ndo Yezo afɔnɔ na ni na ndo kɔi kɔi. Lo li ndo anzɔ̃ lo, lo sara nga ndo azi zu mɛ na gbɛ ti Satana, ta sanga ma, Nzapa ndo ndoni kɔi na lo.

Awa Pangɔ Kwa 20:35

Mbi fa ndo ĩ na se kɔdɛ zu ya, ale ĩ li kwa, wadila ĩ za awa yɛlɛ. Ko é da nga bɛ e na tɛnɛ mɛ ndo Gbia Yezo nvɛni atɛnɛ ya: ‘Bɛ wa hɛ̃ngɔ ye ndode aɔ tɛ wa luangɔ ye.’ ”

Roma 14:15

Se mɔ gia bɛ ayata mɔ awa Kristo na lo ti tɛ mɛ mɔ ndotɛ ko, afa ya, ta mɔ ti ndoye la ma. Yezo Kristo akpi ndo so la, ko ale ta mɔ li ya, ala yu ndo bo na lo ti tɛ mɛ mɔ ndotɛ ma!

Roma 15:3

Ta sanga ma, ta Kristo agi ndo ye mɛ ndode bɛ lo nvɛni ma. Ló mɛ ndo asi na lo ko, adu nga ma se mɛ asu na ni ka ya Buku tɛ Nzapa ya: “Gu mɛ ndo azi ndoguru na mɔ Nzapa ko, gu ni aminya na li mbi.”

Roma 15:5

Nzapa mɛ ndosa nguru bɛ azi, lo mɛ lo ndoli nga ya, azi agbe bɛ la ko, lo li bɛ ya, nyɔ ĩ na nyɔ afɔ̃ ĩ ase kɔi, nga ma se mɛ Yezo Kristo aye na ni ma ke!

1 Kɔrinto 10:33

Ĩ li ye nga ma se tɛ mbi: mbi ndoli kpengbani ya, na ya ye zu ko, mbi li ye mɛ ndode bɛ azi zu. Ta mbi ndogi ya, mbi li ye mɛ nzɔ̃ni bo na lo tɛ mbi ma, kanda mbi ndogi ya, mbi li ye mɛ nzɔ̃ni na lo tɛ azi zu. Mbi ndoli so ya, Nzapa aso la.

Efɛzɛ 5:2

Ale ĩ ndoye afɔ̃ ĩ, nga ma se mɛ Kristo aye na e, akpi nga na lo tɛ e. Lo ka ndo tɛre lo, nga ma sa mɛ aho alu na Nzapa, ko bɛ Nzapa ade ndo na lo tɛ lo sĩ.

Filipɛ 1:1

Mbi Polo na Timɔte mɛ e awa kwa tɛ Yezo Kristo la e to mbɛti olo hɛ̃ ĩ azi tɛ Nzapa zu mɛ ĩ ye lo tɛ Yezo Kristo, ĩ mɛ ĩ ndodu ka kɔdɔrɔ ti Eilipɛ. E to nga mbɛti ni hɛ̃ ĩ awa batangɔ Eklezia, na ĩ adiakrɛ. E bala ĩ.

1 Petro 2:21

Ta sanga ma, Nzapa aili ĩ ya, ĩ gbe bɛ ĩ na ya pɛnɔ, na lo mɛ ya, Yezo Kristo nvɛni ahũ ndo pɛnɔ so ĩ. Ko lo fa ndo ĩ na nzɔ̃ lɛ lo ya, ĩ hũ pɛnɔ nga ma ni.

1 Petro 4:1

Yezo Kristo ahũ ndo pɛnɔ na ngbonga tɛrɛ lo, na lo ni ko, ĩ mu nga se dangɔ bɛ tɛ lo, ko ĩ́ gbe nga bɛ ĩ. Ta sanga ma, zo ko ahũ pɛnɔ na ngbonga tɛrɛ lo ko, tɛ lo na lingɔ siɔ ye awe.

1 Yoanɛ 2:6

zo ko ndonɛ ya, ni ndodu ndoni kɔi na Nzapa ko, ale du tɛ lo adu nga ma du tɛ Yezo Kristo.