Filipɛ 2:3 - Fana Ngbangɔ 1987

³ Na ya kwa mɛ ĩ ndoli ko, ale ta ĩ kpã bɛ ĩ ya, ĩ ɔ afɔ̃ ĩ awa Kristo, bere ĩ du na yakɛ ma. Kanda ale ĩ bi tɛrɛ ĩ hɛ̃ afɔ̃ ĩ, ko ale zo kɔi kɔi amu afɔ̃ lo nga ma azi mɛ aɔ lo nvɛni.

Filipɛ 2:3 Iomraidhean Croise

Luka 18:14

La Yezo apa nga ya: “Mbi pa hɛ̃ ĩ ya, Nzapa amu ndo wa sɔrɔngɔ lapo ya lo bɛta zo, na ngoi mɛ ndo wa sɔrɔngɔ lapo adiri ka ndo tɛ lo. Kanda ta Nzapa amu ndo Farizeo ya lo bɛta zo ma. Ta sanga ma, zo zu ko la ndomu tɛrɛ lo ya, ni ɔ azi zu ko, Nzapa na zungɔ na lo. Wa zo zu ko la ta ndomu tɛrɛ lo ya, ni ɔ azi zu ma ko, Nzapa na yangɔ lo.”

Roma 12:10

Ale ĩ yengbi nga ma se tɛ zo na nyita lo, ĩ tɔndɔ afɔ̃ ĩ sĩ nvɛni.

Roma 13:13

E du na se nzɔ̃ li ye, nga ma se tɛ azi mɛ ndodɔ nɔ na ya vuru ndo. Ta e tɛ ye aɔ nyɔ kpɔ̃ ni ma, ta e nyɔ kana agbɔ̃ e ma, ta e li siɔ ye ti kamɛnɛ ma, ta e li siɔ ye ma, ta e pa pa ma, ta e li nga sɔbɛrɛ hɛ̃ afɔ̃ e ma.

Roma 2:8

Azi ko la ndosaba tɛrɛ lo, ndokɛ̃ tɔndɔngɔ beta lo tɛ lo, ndoye bo lingɔ ye mɛ siɔni ko, ngɔnzɔ agbɔ̃ gbanda Nzapa hɛ̃ la, lo fa nga gbanda ngbanga lo bi li la.

1 Kɔrinto 15:9

Mbi ndo ndangba tɛ awa pangɔ kwa tɛ Yezo zu. Ti biani ko, ta alengbi be ti ilingɔ mbi ya, mbi wa pangɔ kwa tɛ Yezo ma. Ta sanga ma, mbi hɛ̃ ndo pɛnɔ hɛ̃ azi ti Eklezia tɛ Nzapa.

1 Kɔrinto 3:3

na lo mɛ ya, du tɛ ĩ ade nga ma du tɛ azi mɛ andokpã bɛ la na ndo alo ti lɛ sese. Nga ma la ĩ ndoli sɔbɛrɛ hɛ̃ afɔ̃ ĩ, ĩ ndopa nga pa na popo tɛ ĩ ko, afa ya, ĩ ndokpã bɛ ĩ na ndo alo ti lɛ sese, ko ĩ ndodu kwɛ kɔi nga ma azi ti lɛ sese!

2 Kɔrinto 12:20

Mbi ndokpe ya, na ngoi mɛ gbanda mbi ga ka tɛ ĩ ko, ta bɛ mbi asɔ na lo ti sé du tɛ ĩ, ko bɛ ĩ asɔ nga na lo ti sé du tɛ mbi ma. Mbi ndokpɛ ya, ta mbi tã ĩ na pangɔ pa, na lingɔ sɔbɛrɛ, na lingɔ ngɔnzɔ, na kangbingɔ popo tɛ ĩ, na gurungbingɔ tɛrɛ ĩ, na dingbingɔ, na lingɔ yakɛ, nga na lingɔ ye yenge yenge ma.

Galatia 5:15

Ko se ĩ li ye tɛrɛ afɔ̃ ĩ, nga ma se tɛ asa ti ya ndo mɛ ndotɛtɛrɛkɛ terɛ la, ndodɛrɛngbi tɛrɛ la na kã ko, ale ĩ du na kpengba lɛ, ta so ma ko, ĩ hongbi.

Galatia 5:26

E zia lingɔ baba. Ta e li ya, ngɔnzɔ agbɔ̃ afɔ̃ e ma. E zia nga dungɔ na gwɛ̃ ti ye tɛ afɔ̃ e.

Efɛzɛ 4:2

Ale ĩ ngara tɛrɛ ĩ hɛ̃ afɔ̃ ĩ ngoi zu, í du adede azi, ĩ du na yɔngɔrɔ bɛ, ĩ du nga na yengbingɔ. Ko se afɔ̃ ĩ ali ĩ siɔni ko, ĩ gbe bɛ ĩ.

Efɛzɛ 5:21

Ale ĩ bi tɛrɛ ĩ hɛ̃ afɔ̃ ĩ, na lo mɛ ya, ĩ du azi mɛ ĩ ndotɔndɔ Yezo Kristo.

Filipɛ 2:14

Na ya kwa tɛ ĩ zu ko, ta ĩ dema tɛrɛ ĩ, bere ĩ pa pa na lo ni ma.

Kɔlɔsɛ 3:12

Ĩ du nga ava Nzapa, Nzapa ndoye ĩ, lo sara nga ĩ lo kpa azi tɛ lo. Na lo ni ko, ale ĩ ma vundu tɛ afɔ̃ ĩ, ĩ du na nzɔ̃ bɛ, ĩ ngara tɛrɛ ĩ, í du adede azi, ĩ du nga na yɔngɔrɔ bɛ.

Kɔlɔsɛ 3:8

Ko na olo ko, ale ĩ dɔ aye olo zu ĩ zia. Aye ni lo mɛ: ta ĩ li ngɔnzɔ ma, ta ĩ li ya ngɔnzɔ agbɔ̃ afɔ̃ ĩ ma. Ta ĩ guru zo ma, ta ĩ tɛnɛ nga tɛnɛ ti kamɛnɛ ma.

1 Timɔte 6:4

zo ni ko lo wa yakɛ sĩ, ko ta lo hĩnga nga ye kɔi ma. Lo nga zo mɛ lo ye bimbingɔ tɛnɛ sĩ, lo ye nga pangɔ pa ngbɔndɔ ngbɔndɔ na lo ti atɛnɛ. Na lo ni la azi ndoli sɔbɛrɛ, ndopa pa, ndoguru afɔ̃ la, ndodu na siɔ dangɔ bɛ ndo afɔ̃ la,

1 Petro 3:8

Ti kɔngɔ nda tɛnɛ tɛ mbi ko, mbi tisa ĩ ya, í du na bɛ kɔi, ĩ́ ma vundu tɛ afɔ̃ ĩ, ĩ́ yengbi nga ma se tɛ zo na nyita lo, ĩ́ du na nzɔ̃ bɛ na ndo afɔ̃ ĩ, ta í du awa yakɛ ma.

1 Petro 5:5

Ĩ aya kɔli, ale ĩ ndobi tɛrɛ ĩ hɛ̃ akangba. Ale ĩ zũ, ĩ ngara tɛrɛ ĩ hɛ̃ afɔ̃ ĩ, ya ĩ zangbi. Ta sanga ma, asu ka ya Buku tɛ Nzapa ya: “Nzapa ndokɛ̃ awa yakɛ, ko lo ndoli nzɔ̃ bɛ hɛ̃ azi mɛ ndobi tɛrɛ la.”