Filipɛ 2:2 - Fana Ngbangɔ 1987

² Nga ma la adu so ko, ale ĩ ndoyengbi, ĩ du bɛ ĩ kɔi, nyɔ ĩ ase nga kɔi. Se ĩ li so, wadila dengɔ bɛ tɛ mbi ati kotani.

Filipɛ 2:2 Iomraidhean Croise

Yoanɛ 3:29

La Yoanɛ ato matɔ hɛ̃ la ya: “Na ngoi yenga ti mungbingɔ ko, kɔ wali na ya lo ndodunga ndoni kɔi, ko fɔ̃ kɔ wali ndolo tɛ lo so tɔ̃nda kɔ wali, so rnangɔ tɛnɛ mɛ kɔ wali ndotɛnɛ. Ko se kɔ wali atɛnɛ tɛnɛ ko, bɛ fɔ̃ lo ade zɔgɔrɔ. Mbi tɛ mbi nga ma fɔ̃ kɔ wali, ko na olo ko, be mbi ade zɔgɔrɔ.

Awa Pangɔ Kwa 1:14

Ala na ambanga awe, na Maria mɛ ta Yezo, nga na ayata Yezo ndobombi ndo tɛrɛ la ndoni kɔi fani sĩni, ko nyɔ la ndose ndo kɔi na ngoi mɛ ala ndovɔrɔ Nzapa.

Awa Pangɔ Kwa 2:1

Ĩ da ndo na lá yenga ti Pantɛkotɛ ko, nyɔ awa yengɔ lo tɛ Yezo ase ndo kɔi, la ala bombi tɛrɛ la kwɛ zu ndoni kɔi.

Awa Pangɔ Kwa 2:46

Lá kɔi kɔi, nyɔ la ndose kɔi, ko ala ndobombi tɛrɛ la ka ya kota da Nzapa. Ala ndotɛ ye ka ya da tɛ la ndoni kɔi na dengɔ bɛ, ta ala ndoyakɛ tɛrɛ la ma.

Awa Pangɔ Kwa 5:12

Awa pangɔ kwa tɛ Yezo ndoli ndo akukuna ye na aye ti kpɛnɛ ma wo ma na gbɛlɛ azi. Awa yengɔ lo tɛ Yezo kwɛ zu ndobombi ndo tɛrɛ la ka ya gofa mɛ ili ni la “Gofa tɛ Salomɔ”.

Roma 12:16

Ĩ na afɔ̃ ĩ awa Kristo ĩ du na nzɔ̃ mangbingɔ. Ta ĩ yakɛ tɛrɛ ĩ ma, kanda ale ĩ ye lingɔ akwa mɛ mbumbusɛni. Ta ĩ mu tɛrɛ ĩ ya, ĩ awa ndara ma.

1 Kɔrinto 1:10

Aya bua, mbi gbɔ̃ gɛrɛ ĩ na ili Gbia tɛ e Yezo Kristo ya, ĩ tɛnɛ tɛnɛ nyɔ ĩ kɔi, ta ĩ kangbi popo tɛ ĩ ma, ĩ du na mangbingɔ, ale dangɔ bɛ tɛ ĩ na kɔdɛ ti lingɔ ye tɛ ĩ adu kɔi.

2 Kɔrinto 13:11

Aya bua, na olo ko, mbi zei ĩ! Ale ĩ li kpengbani ya, ĩ ti abɛta anzɔ̃ azi. Ale ĩ sa nguru bɛ afɔ̃ ĩ, ale nyɔ ĩ ase kɔi, ale ĩ du nga na mangbingɔ, wadila Nzapa adu ndoni kɔi na ĩ. Lo ndoye azi, lo ndoli ya, bɛ azi adu pii.

2 Kɔrinto 2:3

Ĩ ba nda mɛ ndo mbi su hɛ̃ ĩ mbɛti mɛ ndɛ̃ na se lɛ gangɔ kai-la. Ĩ du azi mɛ ale ĩ la ĩ lengbi ti dengɔ na bɛ mbi, ko ta mbi ye ya, mbi si ka tɛ ĩ ma, so ĩ sa vundu bɛ mbi. Mbi hĩnga nzɔ̃ni ya, na ngoi ko la mbi du na dengɔ bɛ ko, ĩ zu ĩ du nga na dengɔ bɛ.

2 Kɔrinto 7:7

Ta adu ya, Nzapa asa ndo nguru bɛ e bo na lo ti gangɔ tɛ Tito ka tɛ e ma. Kanda lo sa ndo nga nguru bɛ e na lo tɛnɛ mɛ Tito apa hɛ̃ e. Tito apa ndo se mɛ ĩ sa na nguru bɛ lo nvɛni. Lo pa hɛ̃ e ya, ĩ ndosepara sĩ ya, ĩ hũ mbi fani mɛ ndɛ̃. Lo pa nga ya, ló ko ndo asi ka popo tɛ ĩ ko, vundu agbɔ̃ ndo ĩ sĩ na lo ni. Lo nɛ nga ya, ĩ ye kambisangɔ nyɔ mbi. Nda mɛ mbi ti mbi du na dengɔ bɛ na olo aɔ maka la.

Filipɛ 1:4

Ngoi zu mɛ mbi ndosambela Nzapa na lo tɛ ĩ ko, mbi ndosambela lo na dengɔ bɛ.

Filipɛ 2:16

Ko ale du tɛ ĩ adu nga so, wa ĩ pa hɛ̃ la tɛnɛ mɛ ndohɛ̃ azi bɛta du. Se ĩ li nga so, wa ada gbanda na la ko Yezo Kristo adiri aga ko, mbi saba gbɛlɛ lo kela kela na lo tɛ ĩ. Ta sanga ma, ye ko ĩ li ko, afa ya, ta kpengba kwa mɛ ndo mbi li adu gɛgɛrɛ ma.

Filipɛ 2:20

Ge ko, zo mɛ ya, bɛ lo ada na ĩ, bere bɛ lo asɔ so ĩ ngĩi ko, ta zo ni dazu ma, wenge bo Timɔte kɔi.

Filipɛ 4:2

Mɔ Evodia nga na mɔ Sɛntise, mbi gbɔ̃ gɛrɛ ĩ ya, ĩ du na mangbingɔ na popo tɛ ĩ, nga ma se tɛ awe mɛ ayata, ta sanga ma, ĩ du azi tɛ Gbia.

Kɔlɔsɛ 2:5

Abɛ se mbi du yɔngɔrɔni na ĩ ko, bɛ mbi na ndo ĩ, ko bɛ mbi ndode na lo ko la ĩ ndodɔ nɔ na lege tɛ Nzapa na seni, nga na lo ko la ĩ ndobaba bo yengɔ lo tɛ Yezo Kristo kpengbani.

2 Tɛsalɔnikɛ 2:13

Aya bua, ĩ mɛ Gbia Nzapa ndoye ĩ ko, ale e ndohɛ̃ sia kɔli hɛ̃ lo ngoi zu na lo tɛ ĩ. Ta sanga ma, ngoi mɛ ndo ta lo de lo li sese ma ko, lo sara ndo ĩ lo kpã ya, ni so ĩ na nguru tɛ Tɔrɔ Santo. Tɔrɔ Santo ni ali ya, ĩ ti azi tɛ ni Nzapa, ko ni so nga ĩ, na lo mɛ ya, ĩ ye lo bɛta lo tɛ ni.

2 Timɔte 1:4

Mbi ndoda bɛ mbi na to mɛ ndo mɔ to, na ngoi mɛ ndo mbi zia mɔ mbi ɔ, ko mbi ndosepara ma wo ma ya, mbi ti hũ mɔ, wadila mbi du na kota dengɔ be.

Filemɔ 1:20

Nyi bua, ti biani, mbi gbɔ̃ gɛrɛ mɔ ya, mɔ li hɛ̃ mbi nzɔ̃ ye na lo tɛ Gbia Yezo Kristo, wa Onezimɛ adiri ka tɛ mɔ. Zu nga na bɛ mbi na lo tɛ Yezo Kristo.

2 Yoanɛ 1:4

Bɛ mbi ade ndo sĩ nvɛni, na ngoi mɛ mbi ma ya, ambanga aya mɔ ndodɔ nɔ na bɛta lege, nga ma se mɛ To e Nzapa apa na ni.

3 Yoanɛ 1:4

Ngoi zu mɛ mbi ndoma ya, aya mbi ndodɔ nga nɔ na bɛta lege tɛ Nzapa ko, bɛ mbi ndode aɔ ndo aye mɛ ndɛ̃ zu.