Filipɛ 2:12 - Fana Ngbangɔ 1987

¹² Akwa mbi ti kpɔ̃ bɛ mbi, ngoi mɛ ndo mbi dɛ ka tɛ ĩ ko, ĩ ndoma ndo nyɔ mbi ngoi zu. Nga ma ta mbi ka tɔ̃nda ĩ na olo mɛ ma ko, adu nzɔ̃ni buai ya, ĩ ti ma nga nyɔ mbi nga ma se ti uzu. Ĩ mu lege ti songɔ kwá, ko ale ĩ li kwa hɛ̃ Nzapa na mbɛtɔ,

Filipɛ 2:12 Iomraidhean Croise

Matie 11:12

Ato na ngoi mɛ ndo Yoanɛ wa hɛ̃ngɔ batisimɔ apa na tɛnɛ tɛ Nzapa, ngbĩi asi na lá olo ko, azi ndotiri to kpengbani na azi ti Kɔdɔrɔ Gbia tɛ Nzapa, ko ala ndogingisa kpengbani ya, ani mu la.

Matie 11:29

Ale mbi na ĩ e li kwa ndoni kɔi, ko ĩ manda tɛnɛ tɛ mbi, ta sanga ma, mbi dede zo, mbi ndongara nga tɛrɛ mbi, ko tɔrɔ tɛrɛ ĩ na luangɔ ndo ti wɔngɔ na tɛrɛ lo.

Awa Pangɔ Kwa 16:29

La wa batangɔ da bɔlɔkɔ apa ya, aga na wá hɛ̃ ni. Ĩ ga na wá hɛ̃ lo wɛ ko, lo gana tɛrɛ lo ka ya da mɛ awa bɔlɔkɔ da. Tɛrɛ lo so ndodɔ kpu kpu kpu, la lo kuku na gbɛlɛ Polo na Silasi.

Awa Pangɔ Kwa 9:6

Wa lo ndozu, mɔ gwe ka kɔdɔrɔ. Ngoi mɛ se mɔ si kai ko, azi na pangɔ hɛ̃ mɔ ye mɛ mɔ lengbi ti lingɔ ni.”

Roma 2:7

Azi ko la ndohɛ̃ tɛrɛ la so lingɔ nzɔ̃ ye, ndogi nga ya, Nzapa ahɛ̃ ani ndima, agonda ani, ahɛ̃ nga ani du mɛ ta ndowɛ ma ko, Nzapa ahɛ̃ gbanda la du ti kaka.

1 Kɔrinto 15:58

Aya bua ti kpɔ̃ bɛ mbi, na lo ni ko, ĩ du na nguru, ko ta ĩ diri gesi ma. Ĩ li kwa tɛ Gbia na gonvɛnɛ aɔ ti uzu, ta sanga ma, ĩ hĩnga ya, kwa mɛ ĩ ndoli hɛ̃ Gbia Yezo Kristo ko, ta kwa ni ati gbanda gɛgɛrɛ ma.

1 Kɔrinto 2:3

Ngoi mɛ ndo mbi ka tɛ ĩ ko, mbi wo ndo sĩ, mbɛtɔ ndogbɔ̃ ndo mbi, ko tɛrɛ mbi ndodɔ ndo nga za za za.

1 Kɔrinto 4:14

Ta mbi su mbɛti olo hɛ̃ ĩ ya, mbi bi kamɛnɛ lɛ ĩ ma, kanda mbi su ni ya, mbi ha ĩ na ye, nga ma ĩ aya mbi ti kpɔ̃ bɛ mbi.

2 Kɔrinto 7:15

Ko ngoi mɛ lo da bɛ lo na se mɛ ndo ĩ zu ĩ ma na nyɔ lo, nga na se mɛ ndo ĩ yamba na lo na mbɛtɔ sĩ ko, lo ti ndoye ĩ sĩ nvɛni.

Efɛzɛ 6:5

Ĩ ambɛ, ĩ ma nyɔ ato gbia ĩ mɛ ge lɛ sese, ĩ kpɛ la, ĩ tɔndɔ la, í li kwa hɛ̃ la na bɛ ĩ kɔi, nga ma se mɛ ĩ ndoli na kwa hɛ̃ Yezo Kristo.

Filipɛ 1:27

Ye kɔi mɛ bo ngbondoni lo mɛ: ale sé du tɛ ĩ adu bo nga ma se mɛ Nzɔ̃ Pa tɛ Yezo Kristo apa na ni. Na lo ni ko, bɛ se mbi ga so bangɔ ĩ bere se ta mbi ga ma ko, mbi ye bo mangɔ ya, ĩ ngbã bo na yengɔ lo tɛ Yezo Kristo, ko bɛ ĩ adu kɔi, ko ĩ bombi nga tɛrɛ ĩ so lingɔ kwa, wadila Nzɔ̃ Pa tɛ lo agwe ngoi zu uzu uzu.

Filipɛ 1:29

Ta sanga ma, Nzapa ahɛ̃ ĩ lege ya, ĩ ti azi tɛ Yezo Kristo. Ta lo hɛ̃ ĩ lege ya, ĩ ye bo lo tɛ Yezo Kristo kɔi ma, kanda lo hɛ̃ nga ĩ lege ya, ĩ hũ apɛnɔ na lo tɛ lo.

Filipɛ 1:5

Mbi ndohɛ̃ sia kɔli hɛ̃ Nzapa, na lo mɛ ya, ato na lá ko ndo ĩ ma na Nzɔ̃ Pa tɛ Yezo Kristo, ngbĩi asi na lá olo ko, ĩ za ndo mbi na pangɔ Nzɔ̃ Pa ni hɛ̃ azi.

Filipɛ 1:6

Mbi hĩnga biani ya, Nzapa mɛ ato nda lingɔ nzɔ̃ kwa olo na ya bɛ ĩ ko, ta lo na ziangɔ ni ma. Kanda lo na lingɔ ni ngbĩi nga ka lá ko gbanda Yezo Kristo adiri aga, ko kwa ni awɛ.

Filipɛ 2:19

Mbi ndolɛnderɛ ya, se Gbia Yezo aye, na pɛ nyi ngoi ko, mbi to Timɔte ka tɛ ĩ. Wa se lo diri lo ga, lo pa pa tɛ ĩ hɛ̃ mbi, wadila nguru agbɔ̃ mbi nvɛni.

Filipɛ 4:1

Aya bua ti kpɔ̃ bɛ mbi, wa ĩ ba se mɛ ale ĩ ndongbã bo na yengɔ lo tɛ Gbia la. Akwa mbi, mbi ndosepara ma ya ma ya, mbi diri mbi ga mbi ba ĩ. Ĩ ndohɛ̃ mbi dengɔ bɛ ma ya ma, ko na lo tɛ ĩ la mbi ndolɛndɛrɛ mbana gɛrɛ mɛ Nzapa na hɛ̃ngɔ mbi.

Filipɛ 4:15

Ĩ awa Filipɛ, ngoi mɛ ndo mbi to nda pangɔ Nzɔ̃ Pa ka sese ti Masedoanɛ, la mbi lo kai mbi ɔ ko, mbi hĩnga nzɔ̃ni ya, bo azi ti Eklezia tɛ ĩ kɔi ndo la aza mbi, bo ala ndo nga la ato ye hɛ̃ mbi. Na lo ni la Nzapa asunu ĩ.

1 Tɛsalɔnikɛ 1:3

Ngoi mɛ e ndosambela To e Nzapa ko, e ndoda bɛ e ngoi zu na se mɛ ĩ ndoli na kwa, na lo mɛ ya, ĩ ye lo tɛ lo. E ndoda bɛ e na se mɛ ĩ ndoli na kpengba kwa hɛ̃ lo, ta sanga ma, bɛ ĩ aye lo. E ndoda nga bɛ e na se mɛ ĩ ndolɛndɛrɛ na Gbia tɛ e Yezo Kristo kpengbani.

2 Timɔte 2:10

Na lo ni la mbi ndogbe bɛ mbi na ya alo zu, na lo tɛ azi mɛ ndo Nzapa asara la akpã ya, ala du azi tɛ ni. Mbi li so ya, Nzapa aso la ti ndo Yezo Kristo, ko ala lua nga ndima ti kaka.

Aebreo 12:1

Tɛ e ko, atemwɛ ni ko butu butu aka e kɛrɛrɛ, ala ndoba nga e. Wa é zia alo zu ko la ndogbanzi e ya, ta e dɔ nɔ na seni ma. Asiɔ ye mɛ alakata bɛ e ko, é zia ni, ko kpɛ mɛ Nzapa akpã e ya e kpɛ ko, ale e kpɛ kpɛ ni na mimi bɛ.

Aebreo 4:1

Nzapa ako kapa hɛ̃ e ya, e lengbi ti singɔ ka ndo mɛ ni ndowɔ na tɛrɛ ni, ko e na ni e wɔ tɛrɛ e da. Wa na lo ni ko, ĩ du na kpengba lɛ, so mbanga zo na popo tɛ ĩ azanga singɔ ka ndo ni ko.

Aebreo 4:11

Na lo ni ko, ale e li kpengbani ya, e si ka ndo ni ko, ko é li nga ya, ta zo kɔi na popo tɛ e akɛ̃ nyɔ Nzapa ma, so ta lo si kai ma, nga ma se tɛ akotara e mɛ ndo akɛ̃ nyɔ lo, na ngoi mɛ ndo ala ka bɛ ndo, ko na lo ni ko, ta ala si ndo ka ndo ni ko ma.

Aebreo 5:9

Ngoi mɛ lo ĩ ti bɛta nzɔ̃ zo wɛ ko, lo ti nga Wa songɔ azi zu mɛ ndoma nyɔ lo, la azi ni alua songɔ kwá ti kaka.

1 Petro 2:11

Aya bua, ĩ du awa ndɛ̃ ge lɛ sese, ĩ nga ma awa fɔnɔ. Mbi gbɔ̃ gɛrɛ ĩ ya, ĩ bata li ĩ na lo ti gwɛ̃ ti tɛrɛ ĩ mɛ ndotiri to na tɔrɔ tɛrɛ ĩ.

2 Petro 3:18

Kanda ale ĩ ngbã bo na maingɔ na ya lo yengɔ tɛ ĩ, wadila Gbia tɛ e Yezo Kristo mɛ Wa songɔ e andoli nzɔ̃ bɛ hɛ̃ ĩ, ko ĩ hĩnga nga lo nzɔ̃ni. É gonda Gbia tɛ e na olo, é gonda nga lo buru na buru zu! Seni la.