Filipɛ 2:1 - Fana Ngbangɔ 1987

¹ Ĩ ti azi tɛ Yezo Kristo, nda mɛ ĩ lua kpengba bɛ la. Lo ndoye ĩ, nda mɛ lo ndosa nguru bɛ ĩ la. Ĩ na Tɔrɔ Santo ĩ ndodu ndoni kɔi, ĩ ndoyengbi, ĩ ndoma nga vundu tɛ afɔ̃ ĩ awa Kristo.

Filipɛ 2:1 Iomraidhean Croise

Luka 2:25

Mbanga kɔli kɔi ndodu ndo ka Yeruzalɛmɛ, ili lo la Simeona. Lo ndo bɛta zo, lo ndotɔndɔ ndo Nzapa sĩ, ko lo ndoku ndo zo mɛ ndo apa lo tɛ lo ya, lo na gangɔ so songɔ awa Izrayɛlɛ. Tɔrɔ Santo ndodu ndo ndoni kɔi na Simeona,

Yoanɛ 14:18

“Ta mbi na ziangɔ ĩ nga ma aya ndũ ma, mbi na diringɔ ge tɛ ĩ.

Yoanɛ 14:27

“Mbi na ziangɔ ĩ, ko mbi na lingɔ ya, bɛ ĩ adu pii. Adu bɛ pii mɛ mbi na ni, la mbi na lingɔ ya, ĩ du nga na ni. Kanda ta azi ti lɛ sese alengbi ti lingɔ ya, ĩ du na bɛ pii, nga ma se mɛ mbi li ya, ĩ du na ni ma. Ta ĩ kpa bɛ ĩ ngbũ ma, ta mbɛtɔ agbɔ̃ nga ĩ ma.

Yoanɛ 17:13

“Na olo ko, mbi na diringɔ ka tɛ mɔ, ko mbi tɛnɛ nga so na ngoi mɛ mbi dɛ ge lɛ sese, wadila bɛ la ade zɔgɔrɔ, nga ma se mɛ bɛ mbi ndode na ni.

Awa Pangɔ Kwa 2:46

Lá kɔi kɔi, nyɔ la ndose kɔi, ko ala ndobombi tɛrɛ la ka ya kota da Nzapa. Ala ndotɛ ye ka ya da tɛ la ndoni kɔi na dengɔ bɛ, ta ala ndoyakɛ tɛrɛ la ma.

Awa Pangɔ Kwa 4:32

Azi gba mɛ ndo aye lo tɛ Yezo ndodu ndo bo bɛ la kɔi, ndomangbi ndo nga nzɔ̃ni. Ta zo kɔi na popo tɛ la ndopa ndo ya, ye tɛ ni bo ti ni kɔi ma. Kanda ye tɛ la zu ndodu ndo na lo tɛ la zu.

Roma 5:5

Ko se e lɛndɛrɛ ye ni ko, ta kamɛnɛ na gbɔ̃ngɔ e ma, ta sanga ma, Nzapa afa na e ya, ni ndoye e sĩ. Lo fa ni ti ndo Tɔrɔ Santo mɛ lo kpã na ya tɛrɛ e.

Roma 8:26

Se mɛ nga Tɔrɔ Santo ndoga so zangɔ e mɛ bɛ e woni la. Ta e hĩnga sambelangɔ Nzapa na seni ma, kanda Tɔrɔ Santo nvɛni ndosambela Nzapa na lo tɛ e. Lo ndosambela lo na lamanangɔ tɛrɛ lo, ko ta zo alengbi ti kambisangɔ tɛnɛ mɛ Tɔrɔ Santo ndotɛnɛ ma.

1 Kɔrinto 12:13

Ngoi mɛ ndo e zu e mu batisimɔ ko, e ti ndo bo kɔi na lo nguru tɛ Tɔrɔ Santo. E Ayuda, bere azi mɛ ta Ayuda ma, ambɛ bere abɔrɔ, Nzapa ahɛ̃ ndo e zu Tɔrɔ Santo kɔi.

1 Kɔrinto 15:31

Aya bua, lá kɔi kɔi ko, kwá ndolu mbi. Mbi pa ni hɛ̃ ĩ, na lo mɛ ya, mbi ndogonda tɛrɛ mbi na lo tɛ ĩ, ta sanga ma, e na ĩ na Gbia tɛ e Yezo Kristo e ti bo kɔi.

1 Kɔrinto 3:16

Ĩ hĩnga nzɔ̃ni ya, tɛrɛ ĩ adu nga ma da mɛ Nzapa ndodu da, ko Tɔrɔ Santo tɛ lo ndodu ka ya bɛ ĩ.

2 Kɔrinto 2:14

É hɛ̃ sia kɔli hɛ̃ Nzapa! Ta sanga ma, lo ndode uzu tɛ e ngoi zu na ya nɔ tɛ e so fangɔ ya, Yezo Kristo anwɔ asiɔ lo zu. Ko oko afa nga ya, e nwɔ nga ni zu, na lo mɛ ya, e na Yezo Kristo e ti bo kɔi. Nzapa ndoto e na ndo kwɛ, ya e pa tɛnɛ tɛ Yezo Kristo, wadila azi ahĩnga lo. Tɛnɛ ni adu nga ma nzɔ̃ yɔmbɔ mɛ afũ amu ndo kwɛ.

Galatia 4:6

Ye mɛ ndofa ya, ĩ du aya Nzapa lo mɛ: Nzapa ato Tɔrɔ tɛ Nyi lo ge ya bɛ e na ĩ, Tɔrɔ ni ndode kɔngɔ ya: “Baba.”

Galatia 5:22

Kanda tɛ Tɔrɔ Santo ko, lo ndoli ya, azi ayengbi, adu na dengɔ bɛ, adu na bɛ pii, adu na yɔngɔrɔ bɛ, ali nzɔ̃ ye na tɛrɛ afɔ̃ la, adu nga na nzɔ̃ bɛ, ali ye na seni,

Efɛzɛ 4:4

Azi ti Eklezia adu nga ma ngbonga tɛrɛ Yezo mɛ adu bo kɔi, Tɔrɔ Santo bo kɔi, nga ma se mɛ ĩ ndolɛndɛrɛ bo ye kɔi mɛ ndo Nzapa aili ĩ ya ĩ lua ni.

Filipɛ 1:8

Se mbi pa ya, mbi ye ĩ zu ko, Nzapa ahĩnga ya, adu bɛta tɛnɛ. Ko mbi ndoye ĩ nga ma se mɛ Yezo Kristo ndoye na ĩ.

Filipɛ 3:3

E la afa e na bɛta ganza, kanda ta ala ma. Ta sanga ma, e ndovɔrɔ Nzapa na lo nguru tɛ Tɔrɔ Santo tɛ lo, e ndosaba nga na lo tɛ Yezo Kristo, ko ta e ndokpã bɛ e na ndo se li ye tɛ azi ma.

Kɔlɔsɛ 2:2

Mbi ndoli kwa ni ya, mbi sa nguru bɛ ĩ, ĩ yengbi na bɛ ĩ kɔi, wa ĩ ti bo kɔi, ĩ du nga na bɛta kɔdɛ, wa ĩ hĩnga lo tɛ Nzapa nzɔ̃ni, ló mɛ ndo lo hɔndɛ na azi. Eó ni adu Yezo Kristo nvɛni.

Kɔlɔsɛ 3:12

Ĩ du nga ava Nzapa, Nzapa ndoye ĩ, lo sara nga ĩ lo kpa azi tɛ lo. Na lo ni ko, ale ĩ ma vundu tɛ afɔ̃ ĩ, ĩ du na nzɔ̃ bɛ, ĩ ngara tɛrɛ ĩ, í du adede azi, ĩ du nga na yɔngɔrɔ bɛ.

Aebreo 6:18

Na lo ti ngɛ mɛ ndo Nzapa anyɔ, nga na lo ti kapa mɛ ndo lo ko ko, ta lo lengbi ti diringɔ na nyɔ lo ma, ta lo lengbi nga ti pangɔ nvɛnɛ ma. Na lo ni la e mɛ e kpɛ, e nɔ ka tɛ Nzapa ya, lo bata e ko, lo sa nguru ma wo ma na bɛ e ya, e kpã bɛ e kpengbani na ndo ye mɛ lo ko kapa ni hɛ̃ e.

1 Petro 1:2

To e Nzapa ahɛ̃ ndo nyɔ lo, ko lo pia ndo lo sara ĩ lo kpã ya, ĩ ti azi tɛ ni na nguru tɛ Tɔrɔ Santo. Lo li ndo nga so ya, ĩ ma nyɔ Yezo Kristo, wadila mɛnɛ tɛrɛ lo akpo siɔ ye tɛ ĩ. Nzapa ali bɛ kota nzɔ̃ bɛ hɛ̃ ĩ, ali bɛ nga ya, bɛ ĩ adu pii aɔ ndoni ma ke!

1 Yoanɛ 3:24

Zo ko la ndotɔndɔ ndia tɛ Nzapa ko, zo mɛ ndodu ndoni kɔi na Nzapa la, ko Nzapa ndodu nga ndoni kɔi na lo. E hĩnga ya, e na Nzapa e ndodu ndoni kɔi, na lo tɛ Tɔrɔ Santo mɛ lo hɛ̃ e.

1 Yoanɛ 4:12

Ta zo kɔi ade ahũ Nzapa ma. Se e yengbi ko, Nzapa adu ndoni kɔi na e, ko afa ya, e ye lo na bɛ e kɔi.

1 Yoanɛ 4:16

E la e hĩnga ya Nzapa ndoye e, ko e ye nga ló ni. Nzapa ndoye azi. Zo ko la ndoye ayata lo awa Kristo ko, afa ya, lo ndodu ndoni kɔi na Nzapa, ko Nzapa ndodu nga ndoni kɔi na lo.