Filipɛ 1:9 - Fana Ngbangɔ 1987

⁹ Ĩ ma sambela mɛ mbi ndosambela na lo tɛ ĩ lo mɛ: mbi ndohũnda Nzapa ya, ale ĩ ti ndoyengbi aɔ ndo ti uzu. Se ĩ li nga so ko, ĩ hĩnga bɛta lo tɛ lo. Ko se ĩ hũ anzɔ̃ ye na asiɔ ye ko, ĩ hĩnga ni,

Filipɛ 1:9 Iomraidhean Croise

1 Kɔrinto 14:20

Aya bua, ta ĩ binga bɛ ĩ nga ma se tɛ ayangambi ma, kanda ale ĩ binga bɛ ĩ nga ma se tɛ akangba. Wa adu ti lingɔ siɔ ye ko, ĩ du nga ma se tɛ ayangambi mɛ ta ahĩnga siɔ ye ma.

2 Kɔrinto 8:7

Ĩ lua ye kwɛ zu: ĩ ndoye lo tɛ Yezo sĩ, ĩ na nguru ti pangɔ lo tɛ lo sĩ, ĩ ndohĩnga bɛta tɛnɛ tɛ Nzapa sĩ, ĩ ndohɛ̃ tɛrɛ ĩ hɛ̃ Nzapa sĩ, ĩ ndoye nga e sĩ nvɛni. Na lo ni ko, e ndosepara ya, ĩ li nga nzɔ̃ kwa ni ko na bɛ ĩ kɔi.

Efɛzɛ 5:17

Nda mɛ ale ta ĩ du awa buba ma la, kanda ale ĩ li kpengbani ya, ĩ hĩnga ye mɛ Gbia aye ya ĩ li.

Kɔlɔsɛ 1:9

Na lo ni la ato na lá ko ndo e ma na pa tɛ ĩ ko, ta e ndozia sambelangɔ na lo tɛ ĩ ma. E ndohũnda Nzapa ya, lo sa kɔdɛ gba na bɛ ĩ, wa ĩ hĩnga nga ye mɛ bɛ lo aye, ko ĩ hĩnga ye ni na ndara zu nga na kɔdɛ zu mɛ Tɔrɔ Santo ndohɛ̃ zo,

Kɔlɔsɛ 3:10

ko ĩ mu du ti fanani. Nzapa mɛ ali e la ndolɛkɛ fana du ni ngoi zu ya, ati nga ma du tɛ ni, ko ĩ hĩnga ni nzɔ̃ni nvɛni.

1 Tɛsalɔnikɛ 3:12

Gbia tɛ e Yezo Kristo ali bɛ ya, ĩ ti ĩ yengbi aɔ ti uzu, ko ĩ ye nga azi mɛ ndɛ̃ zu aɔ ndo ti uzu ma ke! Lo li bɛ nga ya, ĩ ye la, nga ma se mɛ e ndoye na ĩ ma ke!

1 Tɛsalɔnikɛ 4:1

Aya bua, e na kɔngɔ nda mbɛti tɛ e so mɛ: ndo uzu ko, e ha ĩ na se li ye mɛ ndode bɛ Nzapa, ko e hĩnga ya, ĩ ndodu nga so biani. Ko na olo ko, e gbɔ̃ gɛrɛ ĩ ka ka ka na ili Gbia Yezo ya, ĩ ti du nzɔ̃ni aɔ ndo ti uzu.

2 Tɛsalɔnikɛ 1:3

Aya bua, ale e ndohɛ̃ sia kɔli hɛ̃ Nzapa ngoi zu na lo tɛ ĩ. Adu nzɔ̃ni ya, e li so, ta sanga ma, ĩ ndoye lo tɛ Yezo Kristo aɔ ndo ti uzu, ko yengbingɔ tɛ ĩ andomai bo maingɔ.

Filemɔ 1:6

Dangɔ bɛ tɛ mɔ na tɛ e bo kɔi, na lo mɛ ya, mɔ ye lo tɛ Yezo. Ko mbi hũnda Nzapa ya, dangɔ bɛ ni ko kɔi aza mɔ ya, mɔ hĩnga anzɔ̃ ye zu mɛ Nzapa ahɛ̃ e, na lo mɛ ya, e na Yezo Kristo e ti bo kɔi.

Aebreo 5:14

Kanda kpengba tɛ alengbi na akangba. Ala ndobinga bɛ la, wa ala hĩnga ye mɛ nzɔ̃ni na ye mɛ siɔni.

1 Petro 1:22

Ĩ ndotɔndɔ bɛta lo tɛ Nzapa, la bɛ ĩ ati vuruni ya, ĩ ye ayata ĩ awa Kristo na bɛ ĩ kɔi. Wa ale ĩ yengbi sĩ nvɛni na bɛ ĩ kɔi.

2 Petro 3:18

Kanda ale ĩ ngbã bo na maingɔ na ya lo yengɔ tɛ ĩ, wadila Gbia tɛ e Yezo Kristo mɛ Wa songɔ e andoli nzɔ̃ bɛ hɛ̃ ĩ, ko ĩ hĩnga nga lo nzɔ̃ni. É gonda Gbia tɛ e na olo, é gonda nga lo buru na buru zu! Seni la.