Filipɛ 1:7 - Fana Ngbangɔ 1987

⁷ Adu na seni ya, mbi da bɛ mbi na ĩ zu nga so, na lo mɛ ya, mbi ndoye ĩ sĩ nvɛni. Ta sanga ma, Nzapa ali nga hɛ̃ ĩ zu nzɔ̃ bɛ mɛ ndo lo li hɛ̃ mbi. Lo li ndo ni na ngoi mɛ ndo mbi tɔndɔ na nda lo ti Nzɔ̃ Pa ka gbɛlɛ awa fangɔ ngbanga. Na ngoi ni ndo ko, mbi wa ndo nga la ya, ala ye lo ti Nzɔ̃ Pa ni na bɛ la kɔi. Ko lo li nga nzɔ̃ bɛ ni na ngoi olo mɛ mbi ge ya bɔlɔkɔ.

Filipɛ 1:7 Iomraidhean Croise

Awa Pangɔ Kwa 20:23

Kanda ye mɛ mbi hĩnga bo la, Tɔrɔ Santo atisa mbi ya, na ya kɔdɔrɔ kɔi kɔi mɛ mbi na singɔ da ko, mbi na lingɔ bɔlɔkɔ, ko mbi nga na hũngɔ pɛnɔ.

Awa Pangɔ Kwa 21:33

La kota gbia tɛ aturugu ai tɛrɛ lo ka gunda Polo, ahɛ̃ nyɔ, la azi agbe lo na ngo nwa sɛ. So pɛni, lo hũnda Polo ya: “Mɔ na? Ye mɛ mɔ li nɛ?”

1 Kɔrinto 13:7

Zo ko ndoye afɔ̃ lo ko, lo ndogbe bɛ lo na lo ti siɔ ye zu mɛ ala ndoli tɛrɛ lo, lo ndoye lo tɛ la ngoi zu, lo ndolɛndɛrɛ ya, ala li ye mɛ nzɔ̃ni, lo ndodu nga na yɔngɔrɔ bɛ na ndo la.

1 Kɔrinto 9:23

Mbi ndoli aye olo zu ya, Nzɔ̃ Pa tɛ Yezo Kristo afɔnɔ, wadila mbi lua nga anzɔ̃ ye mɛ Nzɔ̃ Pa na ni.

2 Kɔrinto 3:2

Ĩ nvɛni ĩ du nga ma mbɛti tɛ e mɛ Kristo asu ka ya bɛ e, ko zo zu alengbi ti hĩngangɔ ni, alengbi nga ti dingɔ ni.

2 Kɔrinto 7:3

Ta mbi tɛnɛ so ya, mbi fa ngbanga mbi bi li ĩ ma, nga ma se mɛ fɛrɛ mbi pia mbi pa ya, e ndoye ĩ sĩ nvɛni. Ko bɛ se e kpili, bɛ se e du lɛ e ngɛ̃ ko, e ndoye bo ĩ, ta ye mɛ alengbi ti gbanzingɔ e na yengɔ ĩ da ma.

Galatia 5:6

Ta sanga ma, se zo ana Yezo Kristo ati bo kɔi, abɛ afa zo ni ko ganza, abɛ zo ni ko adu wa popo ko, ta ali ye ma. Kanda ye mɛ ngbondoni la, ale zo aye lo tɛ Yezo Kristo, wadila lo ye afɔ̃ lo.

Efɛzɛ 3:1

Nda mɛ mbi Polo mɛ mbi ti wa bɔlɔkɔ na lo kwa mɛ ndo mbi ndoli hɛ̃ Yezo Kristo na lo tɛ ĩ, mbi sambela Nzapa hɛ̃ ĩ la.

Efɛzɛ 4:1

La mbi mɛ wa bɔlɔkɔ na lo ti kwa tɛ Gbia mɛ mbi ndoli, mbi gbɔ̃ gɛrɛ ĩ ya, ale se li ye tɛ ĩ adu nzɔ̃ni, nga ma se mɛ ndo Nzapa aye na ni na ngoi mɛ ndo lo ili na ĩ.

Efɛzɛ 6:20

Mbi du wa pangɔ kwa tɛ Yezo Kristo, ya mbi pa Nzɔ̃ Pa hɛ̃ azi. Abɛ se mbi ge ya bɔlɔkɔ ko, mbi ndopa nga bo ni. Wa ĩ hũnda Nzapa ya, mbi pa ni na kpengba bɛ, nga ma se mɛ mbi lengbi ti pangɔ ni.

Filipɛ 1:12

Mbi ye ya ĩ hĩnga ya, aye mɛ ali mbi ko, azi lege, la Nzɔ̃ Pa tɛ Yezo Kristo ndogwe bo ngoi zu uzu uzu.

Filipɛ 1:13

Na lo ni la aturugu mɛ ndobata da tɛ kota gbia ti Roma, na azi mɛ ndɛ̃ zu ahĩnga ya, abi mbi bɔlɔkɔ, na lo mɛ ya, mbi wa kwa tɛ Yezo Kristo.

Filipɛ 1:14

Ambanga awa Kristo gba ĩ hũ ya, abi mbi bɔlɔkɔ ko, nguru ti kpãngɔ bɛ la ndo Gbia Yezo Kristo ati agbɔ̃ la, ko ta ala ti ndopa tɛnɛ tɛ Nzapa na mbɛtɔ ma, ala ndopa ni na kpengba bɛ.

Filipɛ 1:5

Mbi ndohɛ̃ sia kɔli hɛ̃ Nzapa, na lo mɛ ya, ato na lá ko ndo ĩ ma na Nzɔ̃ Pa tɛ Yezo Kristo, ngbĩi asi na lá olo ko, ĩ za ndo mbi na pangɔ Nzɔ̃ Pa ni hɛ̃ azi.

Filipɛ 2:22

Ĩ nvɛni ĩ hĩnga sé nzɔ̃ du tɛ Timɔte. E na lo e li ndo kwa ti pangɔ Nzɔ̃ Pa tɛ Yezo Kristo ndoni kɔi. Lo za ndo mbi na ya kwa ni ko, nga ma se mɛ nyingambi ndoza na to lo.

Filipɛ 4:14

Ko ĩ li ndo nzɔ̃ni la ĩ za mbi na ya pɛnɔ mɛ mbi hũ.

Filipɛ 4:15

Ĩ awa Filipɛ, ngoi mɛ ndo mbi to nda pangɔ Nzɔ̃ Pa ka sese ti Masedoanɛ, la mbi lo kai mbi ɔ ko, mbi hĩnga nzɔ̃ni ya, bo azi ti Eklezia tɛ ĩ kɔi ndo la aza mbi, bo ala ndo nga la ato ye hɛ̃ mbi. Na lo ni la Nzapa asunu ĩ.

Filipɛ 4:3

Mbɛni nga la mɔ mɛ bɛta kwa mbi, mɔ mɛ ndo e na mɔ e ndoli kwa ndoni kɔi, mbi hũnda mɔ ya, mɔ za Evodia na Sɛntisɛ. Ta sanga ma, mbi na la, na Klema, nga na afɔ̃ mbi mɛ ndɛ̃ zu mɛ ndo e na la e ndoli kwa tɛ Nzapa ndoni kɔi, e ndoli ndo kpengbani, la e ndopa Nzɔ̃ Pa tɛ Yezo Kristo hɛ̃ azi. Ko Nzapa asuru ndo ili azi mɛ e na la e ndoli kwa tɛ lo, ka ya buku mɛ andosuru na ili azi mɛ alua du ti kaka.

Kɔlɔsɛ 4:18

Mbi bala ĩ. Na ndo olo ti balangɔ ĩ ko, mbi Polo la mbi su tɛnɛ ni na ti mbi nvɛni. Ale ĩ da bɛ ĩ na mbi ge ya bɔlɔkɔ. Nzapa ali bɛ nzɔ̃ bɛ hɛ̃ ĩ ma ke!

Kɔlɔsɛ 4:3

Ale ĩ sambela nga lo na lo tɛ e ya, lo zi hɛ̃ e lege, ko e pa hɛ̃ azi lo tɛ Yezo Kristo mɛ Nzapa ahɔndɛ na azi. Adu na lo ti pangɔ lo ni la mbi na olo ge ya bɔlɔkɔ.

1 Tɛsalɔnikɛ 5:5

Ta sanga ma, ĩ zu ĩ du azi mɛ ĩ ndodɔ nɔ na ya vuru ndo, nga na lɛ lá. Ta e du azi mɛ ndodɔ nɔ na bi, bere na ya mbingo ma.

2 Timɔte 1:8

Wa ale ta kamɛnɛ agbɔ̃ mɔ na ngoi mɛ mɔ ndopa lo tɛ Gbia tɛ e Yezo ma, ta kamɛnɛ agbɔ̃ nga mɔ na lo tɛ mbi mɛ mbi li bɔlɔkɔ na lo tɛ lo ma. Kanda ale mɔ hũ pɛnɔ na lo ti Nzɔ̃ Pa nga ma mbi, ko mɔ gbe bɛ mɔ na nguru mɛ Nzapa ahɛ̃ mɔ.

2 Timɔte 2:9

Na lo ti Nzɔ̃ Pa ni la agbe mbi na nzingiri, mbi ndohũ pɛnɔ ma bere mbi wa lingɔ siɔ ye. Mbi la agbe mbi, kanda ta agbe tɛnɛ tɛ Nzapa ma.

Filemɔ 1:13

Ngoi mɛ mbi ge ya bɔlɔkɔ na lo ti Nzɔ̃ Pa ko, mbi separa ya, mbi bata lo ge tɔ̃nda mbi, lo za mbi na se lɛ mɔ.

Aebreo 3:1

Ayata mbi awa Kristo, na lo ni ko, ĩ mɛ Nzapa aili nga ĩ ya, ĩ du azi tɛ ni ko, ale ĩ da bɛ ĩ bo na Yezo. Nzapa ato ndo lo ya, lo du kota gbia tɛ awa lungɔ ni na ye. Lo la lo za e na ya lo tɛ lo mɛ e ye, ko lo ni nga la e ndopa hɛ̃ azi.

1 Petro 4:13

Kanda ale ĩ saba, ta sanga ma, ĩ ndohũ pɛnɔ nga ma se mɛ ndo Yezo Kristo ahũ na pɛnɔ, ya na lá ko gbanda Nzapa afa lo na ya ndima, ĩ hũ lo ko, bɛ ĩ adɛ zɔgɔrɔ.

1 Petro 5:1

Na olo mɛ ko, mbi na tɛnɛ ti tɛngɔ hɛ̃ akangba ti Eklezia mɛ so popo tɛ ĩ. Mbi nga kangba ti Eklezia. Ngoi mɛ ndo andohɛ̃ Yezo Kristo pɛnɔ ko, mbi hũ ndo na lɛ mbi. Ko mbi lua nga gbanda ndima mɛ Nzapa na fangɔ na azi. Ĩ ma tɛnɛ mɛ mbi separa wangɔ na akangba ti Eklezia lo mɛ:

2 Petro 1:13

Oko mbi de na olo lɛ mbi ngɛ̃ ko, nzɔ̃ni ale mbi ti da bɛ ĩ na atɛnɛ ni ko, wa se mɛ lɛ ĩ akpengba la.

1 Yoanɛ 3:14

Na olo ko, e hĩnga ya, e lo ka ya kwá e si, ko tɔrɔ tɛrɛ e aso wɛ. E hĩnga ni, na lo mɛ ya, bɛ e ndoye ayata e awa Kristo. Zo ko ta bɛ lo ndoye ayata lo awa Kristo ma ko, lo de na ya kwá.