Filipɛ 1:5 - Fana Ngbangɔ 1987

⁵ Mbi ndohɛ̃ sia kɔli hɛ̃ Nzapa, na lo mɛ ya, ato na lá ko ndo ĩ ma na Nzɔ̃ Pa tɛ Yezo Kristo, ngbĩi asi na lá olo ko, ĩ za ndo mbi na pangɔ Nzɔ̃ Pa ni hɛ̃ azi.

Filipɛ 1:5 Iomraidhean Croise

Awa Pangɔ Kwa 2:42

Ala kpã ma la na ndo ló mɛ awa pangɔ kwa tɛ Yezo ndoha na la. Ala na awa yengɔ lo tɛ Yezo ndobombi tɛrɛ la ndoni kɔi, ala ndotɛ Tɛ tɛ Gbia Yezo ndoni kɔi, ala ndosambela nga Nzapa ndoni kɔi.

Roma 11:17

Ayuda adu nga ma akati kɛkɛ olivie mɛ afara asa tise. Ĩ mɛ ta ĩ Ayuda ma ko, ĩ du tɛ ĩ nga ma akati kɛkɛ olivie ti ya ndo, la afara akpã na panda Ayuda. Nzɔ̃ lo mɛ ndo ale Ayuda la alua ni ko, ĩ la ĩ ndolua ni na se lɛ la na olo.

Roma 12:13

Ale ĩ za ayata ĩ awa Kristo mɛ ta ala na ye ma, ko azi mɛ ndosi ka tɛ ĩ ko, ĩ yamba la nzɔ̃ni.

Roma 15:26

Ta sanga ma, awa Kristo ti Masedoanɛ na ti Grɛsɛ aye ndo ya, ani sɔrɔ faranga, ani za na awa Kristo mɛ awa yɛlɛ ka Yeruzalɛmɛ.

1 Kɔrinto 1:9

Nzapa aili ndo ĩ ya, dangɔ bɛ tɛ ĩ na tɛ Nyi ni Yezo Kristo mɛ Gbia tɛ e ati bo kɔi. Ko ta lo ndoweza kapa mɛ lo ndoko ma.

2 Kɔrinto 8:1

Aya bua, e separa ya, ĩ hĩnga se mɛ ndo Nzapa afa na nzɔ̃ bɛ tɛ lo hɛ̃ azi ti Eklezia ti sese ti Masedoanɛ.

Efɛzɛ 3:6

Ĩ ma lo ni lo mɛ: azi mɛ ta Ayuda ma alengbi nga ti luangɔ anzɔ̃ ye mɛ Nzapa abata hɛ̃ azi tɛ lo, nga ma se tɛ Ayuda. Ala na Ayuda ati bo apɛnzɛ ngbonga tɛrɛ kɔi, ko ala lua nga gbanda ngilɛ ye ti kapa mɛ ndo lo ko hɛ̃ azi tɛ lo ti ndo Yezo Kristo. Nzɔ̃ Pa la apa alo olo zu.

Filipɛ 1:12

Mbi ye ya ĩ hĩnga ya, aye mɛ ali mbi ko, azi lege, la Nzɔ̃ Pa tɛ Yezo Kristo ndogwe bo ngoi zu uzu uzu.

Filipɛ 1:16

Ala ndopa tɛnɛ ni na nzɔ̃ bɛ, na lo mɛ ya, ala ye mbi. Ko ala hĩnga ya, Nzapa azia kwa ti kambisangɔ nda lo ti Nzɔ̃ Pa na yamba ti mbi.

Filipɛ 1:27

Ye kɔi mɛ bo ngbondoni lo mɛ: ale sé du tɛ ĩ adu bo nga ma se mɛ Nzɔ̃ Pa tɛ Yezo Kristo apa na ni. Na lo ni ko, bɛ se mbi ga so bangɔ ĩ bere se ta mbi ga ma ko, mbi ye bo mangɔ ya, ĩ ngbã bo na yengɔ lo tɛ Yezo Kristo, ko bɛ ĩ adu kɔi, ko ĩ bombi nga tɛrɛ ĩ so lingɔ kwa, wadila Nzɔ̃ Pa tɛ lo agwe ngoi zu uzu uzu.

Filipɛ 1:7

Adu na seni ya, mbi da bɛ mbi na ĩ zu nga so, na lo mɛ ya, mbi ndoye ĩ sĩ nvɛni. Ta sanga ma, Nzapa ali nga hɛ̃ ĩ zu nzɔ̃ bɛ mɛ ndo lo li hɛ̃ mbi. Lo li ndo ni na ngoi mɛ ndo mbi tɔndɔ na nda lo ti Nzɔ̃ Pa ka gbɛlɛ awa fangɔ ngbanga. Na ngoi ni ndo ko, mbi wa ndo nga la ya, ala ye lo ti Nzɔ̃ Pa ni na bɛ la kɔi. Ko lo li nga nzɔ̃ bɛ ni na ngoi olo mɛ mbi ge ya bɔlɔkɔ.

Filipɛ 2:12

Akwa mbi ti kpɔ̃ bɛ mbi, ngoi mɛ ndo mbi dɛ ka tɛ ĩ ko, ĩ ndoma ndo nyɔ mbi ngoi zu. Nga ma ta mbi ka tɔ̃nda ĩ na olo mɛ ma ko, adu nzɔ̃ni buai ya, ĩ ti ma nga nyɔ mbi nga ma se ti uzu. Ĩ mu lege ti songɔ kwá, ko ale ĩ li kwa hɛ̃ Nzapa na mbɛtɔ,

Filipɛ 2:22

Ĩ nvɛni ĩ hĩnga sé nzɔ̃ du tɛ Timɔte. E na lo e li ndo kwa ti pangɔ Nzɔ̃ Pa tɛ Yezo Kristo ndoni kɔi. Lo za ndo mbi na ya kwa ni ko, nga ma se mɛ nyingambi ndoza na to lo.

Filipɛ 4:3

Mbɛni nga la mɔ mɛ bɛta kwa mbi, mɔ mɛ ndo e na mɔ e ndoli kwa ndoni kɔi, mbi hũnda mɔ ya, mɔ za Evodia na Sɛntisɛ. Ta sanga ma, mbi na la, na Klema, nga na afɔ̃ mbi mɛ ndɛ̃ zu mɛ ndo e na la e ndoli kwa tɛ Nzapa ndoni kɔi, e ndoli ndo kpengbani, la e ndopa Nzɔ̃ Pa tɛ Yezo Kristo hɛ̃ azi. Ko Nzapa asuru ndo ili azi mɛ e na la e ndoli kwa tɛ lo, ka ya buku mɛ andosuru na ili azi mɛ alua du ti kaka.

Filemɔ 1:17

Wa nga ma la mɔ hĩnga ya, mbi kwa mɔ ko, mu nga lo ka tɛ mɔ nga ma mbi la mɔ mu mbi.

Aebreo 3:14

E ndokpã ndo bɛ e uzu na ndo Yezo, wa se e ngbã bo na kpãngɔ bɛ e na ndo lo nga ma se ti uzu, ngbĩi e si ka nda ni gbɔ, wadila e ti azi mɛ e na Yezo Kristo e ndoli kwa ndoni kɔi.

2 Petro 1:1

Mbi Simɔ Petro mɛ wa kwa tɛ Yezo Kristo, mbi mɛ nga wa pangɔ kwa tɛ lo la mbi su mbɛti olo mɛ hɛ̃ ĩ azi mɛ ĩ ye lo tɛ Yezo Kristo nga ma se mɛ e ye na ni. Mbi bala ĩ. Lo tɛ lo mɛ e na ĩ e ye ko, adu ngbondoni. E lua ngbondo lo ni ko, na lo mɛ ya, Yezo Kristo lo bɛta zo, lo Nzapa tɛ e, lo nga Wa songɔ e.

1 Yoanɛ 1:3

Ye mɛ ndo e hũ na lɛ e, e ma nga na ma e, la e ndopa nga lo ni hɛ̃ ĩ ya, ĩ ma. E pa ni hɛ̃ ĩ ya ĩ ma, wa dangɔ bɛ tɛ ĩ na tɛ e ati bo kɔi, nga ma se mɛ dangɔ bɛ tɛ e na tɛ To e Nzapa, nga na tɛ Nyi lo Yezo Kristo ati bo kɔi.

1 Yoanɛ 1:7

Kanda se e dɔ nɔ na ya vuru ndo, nga ma se mɛ Nzapa nvɛni ndodu na ya vuru ndo, wadila dangɔ bɛ tɛ e na tɛ afɔ̃ e awa Kristo ati bo kɔi, ko mɛnɛ tɛrɛ Nyi lo Yezo akpo siɔ ye tɛ e zu.