Biblia Todo Logo
Bìoball air-loidhne

- Sanasan -




Filipɛ 1:16 - Fana Ngbangɔ 1987

16 Ala ndopa tɛnɛ ni na nzɔ̃ bɛ, na lo mɛ ya, ala ye mbi. Ko ala hĩnga ya, Nzapa azia kwa ti kambisangɔ nda lo ti Nzɔ̃ Pa na yamba ti mbi.

Faic an caibideil Dèan lethbhreac




Filipɛ 1:16
13 Iomraidhean Croise  

Se adu ya, mbi nvɛni ndo la mbi ye lingɔ kwa olo ko, ale mbi ndokpã bɛ mbi na ndo luangɔ faranga. Kanda nga ma la Nzapa ahɛ̃ mbi nyɔ ya, mbi li kwa ni ko, ale mbi li bo kwa ni.


Ambanga azi ma ya ma amu tɛnɛ tɛ Nzapa ndode na buze so luangɔ na faranga, ko ta e tɛ e nga ma la ma. Kanda e du awa pangɔ kwa tɛ Yezo Kristo, Nzapa la ato e, e ndopa nga tɛnɛ tɛ lo na bɛ e kɔi, ko lo ndohũ e.


wadila ĩ sara anzɔ̃ ye, ko ĩ dɔ asiɔ ye ĩ zia. Se ĩ li nga so ko, na lá ko gbanda Kristo adiri aga ko, bɛ ĩ adu vuruni pa pa pa, ko ta Nzapa abela nga ĩ ma.


Mbi ye ya ĩ hĩnga ya, aye mɛ ali mbi ko, azi lege, la Nzɔ̃ Pa tɛ Yezo Kristo ndogwe bo ngoi zu uzu uzu.


Mbi ndohɛ̃ sia kɔli hɛ̃ Nzapa, na lo mɛ ya, ato na lá ko ndo ĩ ma na Nzɔ̃ Pa tɛ Yezo Kristo, ngbĩi asi na lá olo ko, ĩ za ndo mbi na pangɔ Nzɔ̃ Pa ni hɛ̃ azi.


Adu na seni ya, mbi da bɛ mbi na ĩ zu nga so, na lo mɛ ya, mbi ndoye ĩ sĩ nvɛni. Ta sanga ma, Nzapa ali nga hɛ̃ ĩ zu nzɔ̃ bɛ mɛ ndo lo li hɛ̃ mbi. Lo li ndo ni na ngoi mɛ ndo mbi tɔndɔ na nda lo ti Nzɔ̃ Pa ka gbɛlɛ awa fangɔ ngbanga. Na ngoi ni ndo ko, mbi wa ndo nga la ya, ala ye lo ti Nzɔ̃ Pa ni na bɛ la kɔi. Ko lo li nga nzɔ̃ bɛ ni na ngoi olo mɛ mbi ge ya bɔlɔkɔ.


Ĩ nvɛni ĩ hĩnga sé nzɔ̃ du tɛ Timɔte. E na lo e li ndo kwa ti pangɔ Nzɔ̃ Pa tɛ Yezo Kristo ndoni kɔi. Lo za ndo mbi na ya kwa ni ko, nga ma se mɛ nyingambi ndoza na to lo.


Ĩ awa Filipɛ, ngoi mɛ ndo mbi to nda pangɔ Nzɔ̃ Pa ka sese ti Masedoanɛ, la mbi lo kai mbi ɔ ko, mbi hĩnga nzɔ̃ni ya, bo azi ti Eklezia tɛ ĩ kɔi ndo la aza mbi, bo ala ndo nga la ato ye hɛ̃ mbi. Na lo ni la Nzapa asunu ĩ.


Mbɛni nga la mɔ mɛ bɛta kwa mbi, mɔ mɛ ndo e na mɔ e ndoli kwa ndoni kɔi, mbi hũnda mɔ ya, mɔ za Evodia na Sɛntisɛ. Ta sanga ma, mbi na la, na Klema, nga na afɔ̃ mbi mɛ ndɛ̃ zu mɛ ndo e na la e ndoli kwa tɛ Nzapa ndoni kɔi, e ndoli ndo kpengbani, la e ndopa Nzɔ̃ Pa tɛ Yezo Kristo hɛ̃ azi. Ko Nzapa asuru ndo ili azi mɛ e na la e ndoli kwa tɛ lo, ka ya buku mɛ andosuru na ili azi mɛ alua du ti kaka.


Lean sinn:

Sanasan


Sanasan