Filipɛ 1:11 - Fana Ngbangɔ 1987

¹¹ Ĩ na lingɔ bo abɛta ye, na lo nguru tɛ Yezo Kristo. Wa na lo ni ko, azi agonda Nzapa, atɔndɔ nga lo.

Filipɛ 1:11 Iomraidhean Croise

Matie 5:16

Ĩ du nga ma mɔinda mɛ ndoza, na lo ni ko, ĩ lengbi ti vurungɔ na ndo, wa se azi ahũ nzɔ̃ ye mɛ ĩ ndoli ko, ala gonda To ĩ mɛ ka yayu.”

Yoanɛ 15:16

Ta ĩ ndo la ĩ sara mbi ĩ kpa ma, kanda mbi ndo la mbi sara ĩ mbi kpa. Mbi sara ndo ĩ mbi kpa ya, mbi to ĩ, ĩ li kwa, lɛ kwa ni asi yango, ko angbã nga buai. Se ĩ li nga so, wa ye zu ko la ĩ hũnda na ili mbi ka ti To mbi ko, lo hɛ̃ ĩ.

Yoanɛ 15:2

Akati vinɔ kɔi kɔi mɛ ta ndole ma ko, lo fara ni, lo sa tise. Lo lɛkɛ akati mɛ ndole, ko lo fara li ni yɛɛ ya ati ale gba.

Yoanɛ 15:8

Se ĩ du nga ma akati kɛkɛ mɛ ale nzɛngbɛ nzɛngbɛ ko, ĩ fa nga ya, ĩ ava mbi, wadila azi ahũ ndima tɛ To mbi.

Roma 15:28

Ngoi mɛ gbanda mbi kɔ nda kwa ti hɛ̃ngɔ faranga mɛ asɔrɔ hɛ̃ awa Kristo ti Yeruzalɛmɛ, wa mbi si ka tɛ ĩ na gwengɔ mbi ka Ɛspania.

Roma 6:22

Kanda na olo ko, Nzapa ahã ĩ na ya siɔ ye azi, abi bɔrɔ tɛrɛ ĩ, ko ĩ ti ambɛ ti lingɔ kwa hɛ̃ Nzapa. Ko ye mɛ ĩ lua la, du tɛ ĩ ati bɛrɛni, ko gbanda ngbĩi ko, ĩ lua du ti kaka.

1 Kɔrinto 10:31

Tɛnɛ mɛ mbi na gbinyangɔ hɛ̃ lo lo mɛ: bɛ se mɔ tɛ ye, bɛ se mɔ nyɔ ye, bɛ se mɔ li ye mɛ ndɛ̃ ko, li ni zu so gondangɔ na Nzapa.

2 Kɔrinto 9:10

Nzapa mɛ ndohɛ̃ azi ale tɛ ya ala kĩ, lo mɛ nga lo ndohɛ̃ la tɛ ya ala tɛ ko, lo na hɛ̃ngɔ ĩ aye zu mɛ ĩ na gwɛ̃ ni, lo nga na lingɔ ya, aye ni ko ati ma ya ma. Lo na lingɔ so ya, ĩ ka kaye ma ya ma hɛ̃ azi.

Efɛzɛ 1:12

Lo li ndo so ya, e mɛ ndo e lɛndɛrɛ Yezo Kristo kɔzoni ko, e gonda ni Nzapa na lo ti kota ndima tɛ ni.

Efɛzɛ 1:14

Nzapa ahɛ̃ e Tɔrɔ Santo ni ya, adu nga ma nzango so fangɔ ya, ni na hɛ̃ngɔ e anzɔ̃ ye mɛ ndo ni ko kapa ni hɛ̃ azi tɛ ni. Lo pa hɛ̃ e ya, ti biani, e lua gbanda anzɔ̃ ye ni, na ngoi mɛ gbanda ni onzi songɔ e. Wa é gonda lo na lo ti kota ndima tɛ lo!

Efɛzɛ 2:10

Nzapa la ali ya, e ti afana azi, na lo mɛ ya, e na Yezo Kristo e ti bo kɔi. Lo li so ya, e li anzɔ̃ kwa. Lo pia ndo lo kpã anzɔ̃ kwa ni ko ya e li ni.

Efɛzɛ 5:9

Ta sanga ma, vuru ndo ndohɛ̃ zo anzɔ̃ ye ndɛ̃ ndɛ̃ ndɛ̃, na abɛta ye ndɛ̃ ndɛ̃ ndɛ̃, nga na abɛrɛ ye ndɛ̃ ndɛ̃ ndɛ̃.

Filipɛ 4:17

Ko ta adu ya, mbi ndogi bo ya, ĩ hɛ̃ mbi ye ma, kanda mbi ndosepara ya, Nzapa asunu ĩ na lo ye mɛ ĩ ndoto hɛ̃ mbi.

Kɔlɔsɛ 1:10

wa se mɛ ĩ du du mɛ Gbia Yezo aye, ko ĩ li nga ye zu mɛ ndode bɛ lo la. Ĩ na lingɔ anzɔ̃ ye ndɛ̃ ndɛ̃ ndɛ̃, ko ĩ nga na hĩngangɔ Nzapa ɔngɔ ti uzu.

Kɔlɔsɛ 1:6

Nzɔ̃ Pa ni ndomu lɛ sese zu, ko lɛ kwa ni ndosi yango, kwɛ kɔi nga ma se ko ndo asi na ni ka tɛ ĩ, na lá ko ndo ĩ ma na lo ti bɛta nzɔ̃ bɛ tɛ Nzapa ti kɔzoni, ko ĩ hĩnga ni biani nvɛni.

2 Tɛsalɔnikɛ 1:12

Wa se mɛ azi na gondangɔ na Gbia tɛ e Yezo Kristo na lo tɛ ĩ la. Ko na lo tɛ Yezo Kristo nga ko, azi na gondangɔ ĩ. Nzapa tɛ e, na Gbia tɛ e Yezo Kristo na lingɔ so, na lo ti nzɔ̃ bɛ tɛ la.

Tito 3:14

Ale awa Kristo ti tɛ e ahĩnga hɛ̃ngɔ tɛrɛ la na lingɔ anzɔ̃ kwa, wadila ala za azi mɛ ta na ye ti la ma. Se ala li so ko, ta du tɛ la na dungɔ gɛgɛrɛ ma.

Aebreo 12:11

Na ngoi ko la andohɛ̃ e etumbu ko, ta e ndodu na dengɔ bɛ ma, e ndohũ ya, andoli e siɔni. Wa gbanda gesi, azi ko ndo la aye hũngɔ pɛnɔ ti etumbu ni ko, ala lua gbanda nzɔ̃ lo. Nzɔ̃ lo ni lo mɛ: bɛ la ade gbanda pii, ko du tɛ la ati nga gbanda mbiri mbiri.

1 Petro 2:12

Ale sé du tɛ ĩ adu nzɔ̃ni na popo tɛ apaganɔ. Se ĩ li so, bɛ se ala vɔ̃ to tɛrɛ ĩ ya, ĩ asiɔ azi ko, ala na hũngɔ ya, ĩ ndoli anzɔ̃ ye, ko gbanda ko, ala gonda Nzapa na lá ti gangɔ tɛ lo.

1 Petro 2:5

Ĩ mɛ ĩ lua bɛta du, ĩ nga ĩ du nga ma atɛnɛ ko, ĩ i tɛrɛ ĩ ka tɔ̃nda Nzapa, wa lo mu ĩ, lo wa na da mɛ Tɔrɔ Santo ndodu da. Lo nga na kpãngɔ ĩ ka ya da ni ya, ĩ du abɛta awa lungɔ Nzapa na ye, ko ĩ lu lo na aye na bɛ ĩ kɔi ti ndo Yezo Kristo, wadila aye ni ko adɛ bɛ lo.

1 Petro 2:9

Kanda tɛ ĩ ko, ĩ du ale mɛ Nzapa asara ĩ akpã na lo tɛ lo, ĩ du awa lungɔ Gbia Nzapa na ye, ĩ abɛta azi tɛ Nzapa. Nzapa aili ĩ ya, ĩ lo ka ya mbingo ĩ si, í du na ya vuru ndo mɛ ngbɛ̃. Lo sara ĩ lo kpã ya, ĩ pa lo ti akwa ti ndima tɛ ni hɛ̃ azi.

1 Petro 4:14

Se azi aguru ĩ, na lo mɛ ya, ĩ azi tɛ Kristo ko, ĩ du na dengɔ be, ta sanga ma, Tɔrɔ Santo tɛ Nzapa mɛ na ndima ndodu ndoni kɔi na ĩ.