Filipɛ 1:10 - Fana Ngbangɔ 1987

¹⁰ wadila ĩ sara anzɔ̃ ye, ko ĩ dɔ asiɔ ye ĩ zia. Se ĩ li nga so ko, na lá ko gbanda Kristo adiri aga ko, bɛ ĩ adu vuruni pa pa pa, ko ta Nzapa abela nga ĩ ma.

Filipɛ 1:10 Iomraidhean Croise

Matie 16:23

Yezo asana tɛrɛ lo, apa hɛ̃ Petro ya: “Mɔ nga ma Satana, ɔ lɛ mbi kai! Mɔ ndogi kɔdɛ ya, mɔ handa mbi, ko mbi li siɔ ye. Ta sanga ma, dangɔ bɛ tɛ mɔ nga ma tɛ azi, ta dangɔ bɛ tɛ mɔ nga ma tɛ Nzapa ma.”

Matie 26:33

Petro apa hɛ̃ lo ya: “Bɛ se ala mɛ ndɛ̃ zu adɔ mɔ azia ko, ta mbi na dɔngɔ tɛ mbi mɔ ziangɔ bɛ gbɔ ma!”

Yoanɛ 1:47

Ngoi mɛ Yezo ĩ hũ Natanaɛlɛ so ndoga ka tɛ lo ko, lo pa ya: “Ĩ ba beta wa Izrayɛlɛ la ndoga, ta lo ndopa nvɛnɛ bɛ yakere ma.”

Yoanɛ 3:20

Zo ko ndoli siɔ ye ko, zo mɛ akɛ̃ vuru ndo la, ko ta lo ndoga ka tɛ wa vurungɔ na ndo ma. Ta sanga ma, lo ndokpɛ ya, ta asiɔ ye tɛ ni asi yango, wa azi ahũ ni ma.

Awa Pangɔ Kwa 24:16

Nda mɛ mbi ndoli kpengbani ya, ale mbi du na vuru bɛ ngoi zu ka gbɛlɛ Nzapa, nga ka gbɛlɛ azi la.

Roma 12:2

Ta ĩ mu se du tɛ azi ti lɛ sese olo ma, kanda ale ĩ zi lege hɛ̃ Nzapa ya, lo hɛ̃ ĩ fana kɔdɛ, lo gbinyangbi nga du tɛ ĩ, wadila ĩ hĩnga aye mɛ lo ndoye ya ĩ li. Aye ni lo mɛ: ye mɛ nzɔ̃ni, ye mɛ ndode bɛ lo, nga na ye mɛ bɛtani.

Roma 12:9

Ale ĩ ye afɔ̃ ĩ na bɛ ĩ kɔi, ĩ kɛ̃ ye mɛ siɔni, ĩ ye ye mɛ nzɔ̃ni.

Roma 16:17

Aya bua, mbi gbɔ̃ gɛrɛ ĩ ya, ĩ du na kpengba le na ndo azi ko la ndokɛ̃ alo mɛ ndo aha na ĩ. Na lo ni ko, ala ndokangbi popo tɛ azi, ala ndoto nga awa Kristo na siɔ lege. Ko ale ĩ du yɔngɔrɔni na la,

Roma 2:18

Mɔ hĩnga ye mɛ Nzapa ndoye, ko ndia tɛ Mɔizɛ afa mɔ na lege ti hĩngangɔ ye mɛ nzɔ̃ni na omɛ siɔni.

Roma 7:16

Wa se ta bɛ mbi aye ye mɛ mbi ndoli ma ko, afa ya, mbi hĩnga ya, ndia adu nzɔ̃ni.

Roma 7:22

Ge ya bɛ mbi nvɛni ko, bɛ mbi ndode na lo ti ndia tɛ Nzapa sĩ.

Roma 8:7

Azi ko la ndokpã bɛ la bo na ndo ye mɛ gwɛ̃ ti tɛrɛ la ndoye ko, ala du awa kɛ̃ngɔ Nzapa. Ta ala ndotɔndɔ ndia tɛ Nzapa ma, ta ala lengbi bɛ nga ti tɔndɔngɔ ndia ni ma.

1 Kɔrinto 1:8

Gbia tɛ e Yezo Kristo gbanda la ali ya, ĩ kpengba na ya lo yengɔ tɛ ĩ ngbĩi ĩ si ka ndani gbɔ, so gbanda abela ĩ, na lá ti diringɔ tɛ lo.

1 Kɔrinto 10:32

Ta ĩ́ li ya, Ayuda bere azi mɛ ta Ayuda ma, bere azi ti Eklezia ali siɔ ye na lo ti sé du tɛ ĩ ma.

1 Kɔrinto 8:13

Na lo ni, se mbi tɛ sa mɛ alu na angbilondo, ko na lo tɛ mbi, nyita mbi wa Kristo ali siɔ ye ko, ta mbi ti tɛ ni bɛ gbɔ ma, so lo li siɔ ye.

2 Kɔrinto 1:12

Ĩ ba ye mɛ e lengbi ti gondangɔ tɛrɛ e na lo ni lo mɛ: e hĩnga nzɔ̃ni ge ya bɛ e ya, na ya du tɛ e ge lɛ sese, mai bo du mɛ e du ka popo tɛ ĩ ko, du ni adu bɛtani, adu nga mbiri mbiri. Ko Nzapa la ali ya, du ni ko adu so. Wa ta du tɛ e adu so, na lo ti ndara tɛ azi ti lɛ sese ma, kanda adu na lo ti nzɔ̃ bɛ tɛ Nzapa.

2 Kɔrinto 2:17

Ambanga azi ma ya ma amu tɛnɛ tɛ Nzapa ndode na buze so luangɔ na faranga, ko ta e tɛ e nga ma la ma. Kanda e du awa pangɔ kwa tɛ Yezo Kristo, Nzapa la ato e, e ndopa nga tɛnɛ tɛ lo na bɛ e kɔi, ko lo ndohũ e.

2 Kɔrinto 6:3

E ndosepara ya, ta azi atɛnɛ siɔ tɛnɛ na ndo kwa mɛ e ndoli ma. Nda mɛ e ndogi kɔdɛ ya, na ya alo zu ko, ta e gbanzi azi na yengɔ lo tɛ Nzapa ma la.

2 Kɔrinto 8:8

Lo ti faranga ko la mbi pa hɛ̃ ĩ ko, ta adu nyɔ la mbi hɛ̃ ĩ ma. Kanda mbi ye pangɔ hɛ̃ ĩ ya, ambanga awa Kristo mɛ ndɛ̃ ndohɛ̃ tɛrɛ la so sɔrɔngɔ faranga sĩ ya, ani hɛ̃ afɔ̃ ani. Mbi tɛnɛ so ya, mbi ba, bere ĩ ndoye nga afɔ̃ ĩ biani.

Galatia 5:11

Aya bua, tɛ mbi ko, mbi ndopa tɛnɛ tɛ Nzapa, wa se adu ya, mbi ndonɛ nga ya, afa azi ganza ko, nda mɛ Ayuda ndokɛ̃ kia ahɛ̃ mbi pɛnɔ nɛ? Ko nda mɛ tɛnɛ mɛ mbi ndotɛnɛ na lo ti kwa mɛ ndo Kristo akpi ka ndo krusi, alengbi nga ti zɔngɔ bɛ la nɛ?

Efɛzɛ 4:15

Kanda ale e ye afɔ̃ e, ko e pa bɛta lo tɛ Nzapa hɛ̃ la, wadila e mai na se kɔdɛ zu, ko e ti nga ma Yezo mɛ bɛ li azi ti Eklezia.

Efɛzɛ 5:10

Ale ĩ li kpengbani ya, ĩ hĩnga ye mɛ ndode bɛ Gbia.

Efɛzɛ 5:27

Ta sanga ma, lo ye ndo ya, ka lɛ ni ko, azi ti Eklezia adu na ndima, adu azi mɛ bɛ la vuruni, adu nga abɛrɛ azi ti buai. Ta lo ye ndo ya, azi ti Eklezia adu na siɔ ye kɔi, bere ye kɔi agbɛ̃ la ma.

Efɛzɛ 6:24

Azi zu ko la bɛ la ndoye Gbia tɛ e Yezo Kristo buru na buru ko, Nzapa ali bɛ nzɔ̃ bɛ hɛ̃ la ma ke!

Filipɛ 1:16

Ala ndopa tɛnɛ ni na nzɔ̃ bɛ, na lo mɛ ya, ala ye mbi. Ko ala hĩnga ya, Nzapa azia kwa ti kambisangɔ nda lo ti Nzɔ̃ Pa na yamba ti mbi.

Filipɛ 1:6

Mbi hĩnga biani ya, Nzapa mɛ ato nda lingɔ nzɔ̃ kwa olo na ya bɛ ĩ ko, ta lo na ziangɔ ni ma. Kanda lo na lingɔ ni ngbĩi nga ka lá ko gbanda Yezo Kristo adiri aga, ko kwa ni awɛ.

Filipɛ 2:16

Ko ale du tɛ ĩ adu nga so, wa ĩ pa hɛ̃ la tɛnɛ mɛ ndohɛ̃ azi bɛta du. Se ĩ li nga so, wa ada gbanda na la ko Yezo Kristo adiri aga ko, mbi saba gbɛlɛ lo kela kela na lo tɛ ĩ. Ta sanga ma, ye ko ĩ li ko, afa ya, ta kpengba kwa mɛ ndo mbi li adu gɛgɛrɛ ma.

1 Tɛsalɔnikɛ 3:13

Lo na lingɔ so ya, ni kpengba na lo yengɔ tɛ ĩ, wa na ngoi mɛ gbanda Gbia tɛ e Yezo na azi tɛ lo zu adiri aga ko, bɛ ĩ ati vuruni, ko ta Nzapa abela nga ĩ na lo ye kɔi ma.

1 Tɛsalɔnikɛ 5:21

Tɛnɛ zu mɛ azi ndotɛnɛ ko, ĩ gi nda ni kpa. Se ĩ hũ ya, adu nzɔ̃ tɛnɛ mɛ alo ka tɛ Nzapa ko, ĩ bata ni ka bɛ ĩ.

1 Tɛsalɔnikɛ 5:23

Nzapa mɛ ndoli ya bɛ azi adu pii ko, ali bɛ ya, bɛ ĩ ati vuruni nga ma se tɛ lo ma ke! Lo bata bɛ du tɛ ĩ, na tɔrɔ tɛrɛ ĩ, na bɛ ĩ, nga na tɛrɛ ĩ zu ma ke! Lo li bɛ so ya, na ngoi mɛ gbanda Gbia tɛ e Yezo Kristo adiri aga ko, ta lo bela ĩ na lo ye kɔi ma ke!

1 Yoanɛ 4:1

Aya bua, awa nvɛnɛ mɛ ndonɛ ya, ani awa pangɔ nyɔ Nzapa, asu kpaya kpaya ge lɛ sese. Na lo ni ko, ta ĩ ye lo tɛ azi ko ndomu tɛrɛ la ya, ani na Tɔrɔ mɛ alo ka tɛ Nzapa ma. Ĩ tara bɛ la uzu, so hĩngangɔ biani ya, ala na Tɔrɔ mɛ alo ka tɛ Nzapa.

Suma 2:2

ni hĩnga ye zu mɛ ĩ li, ni hĩnga ya, ĩ ndoli kwa kpuru kpuru, ĩ ndogbe nga bɛ ĩ na ya pɛnɔ. Ni hĩnga ya, ĩ kɛ̃ batangɔ asiɔ azi so popo tɛ ĩ. Ĩ tara bɛ azi mɛ ndomu tɛrɛ la ya, ani awa pangɔ kwa tɛ ni, kanda ta ala awa pangɔ kwa tɛ ni ma, ko ĩ hũ ya, ala du awa nvɛnɛ.