Filipɛ 1:1 - Fana Ngbangɔ 1987

¹ Mbi Polo na Timɔte mɛ e awa kwa tɛ Yezo Kristo la e to mbɛti olo hɛ̃ ĩ azi tɛ Nzapa zu mɛ ĩ ye lo tɛ Yezo Kristo, ĩ mɛ ĩ ndodu ka kɔdɔrɔ ti Eilipɛ. E to nga mbɛti ni hɛ̃ ĩ awa batangɔ Eklezia, na ĩ adiakrɛ. E bala ĩ.

Filipɛ 1:1 Iomraidhean Croise

Marko 13:34

Ngoi ni ko na dungɔ nga ma se mɛ zo ndoga so gwengɔ fɔnɔ. Na ngoi ti ɔngɔ tɛ lo ko, lo zia aye ti da kwe zu na ti awa kwa tɛ lo, lo kangbi la kɔi kɔi na kwa. Ko lo hɛ̃ nyɔ hɛ̃ wa batangɔ nyɔ ngise ya, lo du lɛ lo ngɛ̃, lo bata nyɔ ngise nzɔ̃ni. So pɛni ko, nvɛ̃ da azia la aɔ.”

Yoanɛ 12:26

Se zo aye lingɔ kwa hɛ̃ mbi ko, ale lo ga, e na lo e ɔ ndoni kɔi, wadila ndo ko mbi du da ko, wa kwa tɛ mbi adu nga da. To mbi ndogonda zo mɛ ndoli kwa hɛ̃ mbi.”

Awa Pangɔ Kwa 1:20

Petro apa nga ya: “Asu ka ya buku ti Bia ya: ‘Azi zu adɔ bɛ da tɛ lo azia ma ke! Ko ta zo mɛ ndɛ̃ ala bɛ na ya da ni ma ke!’ Asu nga ya: ‘Zo mɛ ndɛ̃ ali bɛ kwa na se lɛ lo ma ke!’

Awa Pangɔ Kwa 20:28

Ale ĩ bata tɛrɛ ĩ nvɛni nzɔ̃ni, ko ĩ bata nga awa Kristo zu mɛ ndo Tɔrɔ Santo ahɛ̃ ĩ ya, ĩ bata la, nga ma se mɛ wa batangɔ angasã ngbaga ndobata na angasã ngbaga tɛ lo. Ale ĩ bata azi ti Eklezia tɛ Nzapa mɛ ndo lo tɔ̃ la na lege ti kwa tɛ Nyi lo nvɛni.

Awa Pangɔ Kwa 9:13

La Ananiasi agbinya hɛ̃ lo ya: “Gbia, azi gba apa lo tɛ kɔli olo hɛ̃ mbi, ala pa nga asiɔ ye zu mɛ lo li tɛrɛ azi tɛ mɔ mɛ ka Yeruzalɛmɛ.

Roma 1:1

Mbi Polo, wa kwa tɛ Yezo Kristo la mbi to mbɛti olo hɛ̃ ĩ awa Kristo ti Roma. Nzapa aili mbi ya, mbi du wa pangɔ kwa tɛ ni, lo sara nga mbi lo kpa ya, mbi pa Nzɔ̃ Pa tɛ ni hɛ̃ azi.

Roma 1:7

Mbi to mbɛti olo hɛ̃ ĩ awa Kristo ti Roma, ĩ zu mɛ Nzapa aye ĩ, ĩ mɛ Nzapa aili nga ĩ ya, ĩ du azi tɛ ni. Mbi bala ĩ. To e Nzapa na Gbia Yezo Kristo ali bɛ nzɔ̃ be hɛ̃ ĩ, ali bɛ nga ya, bɛ ĩ adu pii ma ke!

1 Kɔrinto 16:10

Se Timɔte asi kai ko, ĩ yamba lo nzɔ̃ni, wadila lo ma tɛrɛ lo nzɔ̃ni. Ta sanga ma, lo ndoli kwa tɛ Nzapa nga ma se tɛ mbi.

2 Kɔrinto 1:1

Mbi Polo mɛ ndo Nzapa asara mbi na se bɛ lo nvɛni akpã ya, mbi du wa pangɔ kwa tɛ Yezo Kristo, nga na nyita e Timɔte la e to mbɛti olo hɛ̃ ĩ. E bala ĩ. E to mbɛti olo hɛ̃ ĩ azi ti Eklezia mɛ ka Kɔrinto. E to nga mbɛti ni hɛ̃ azi tɛ Nzapa zu mɛ ndodu ka sese ti Grɛsɛ zu.

Galatia 1:10

Oko afa ya, mbi ndogi ya, azi agonda mbi? Ipɔ, mbi ndosepara tɛ mbi ya, adu bo Nzapa wa agonda mbi. Ko mbi ndogi nga kɔdɛ ya, mbi li ye mɛ ndode bɛ azi? Ipɔ. Se adu ya, mbi ti ndogi kɔdɛ ya, mbi li ye mɛ ndode bɛ azi ko, ale ta mbi du wa kwa tɛ Yezo Kristo ma.

Galatia 3:26

Ĩ zu ĩ du aya Nzapa, na lo mɛ ya, ĩ ye lo tɛ Yezo Kristo, ĩ na Yezo Kristo ĩ ti bo kɔi.

Galatia 3:28

Na lo ni ko, Ayuda na azi mɛ ta Ayuda ma ko, ta ɔngbingɔ na popo tɛ la ma, ta ɔngbingɔ na popo tɛ ambɛ na abɔrɔ ma, ta ɔngbingɔ nga na popo tɛ akɔli na awe ma. Ĩ zu ĩ ti bo kɔi, na lo mɛ ya, ĩ na Yezo Kristo ĩ ti bo kɔi.

Efɛzɛ 1:1

Mbi Polo mɛ Nzapa asara mbi na se bɛ lo nvɛni akpã ya, mbi du wa pangɔ kwa tɛ Yezo Kristo, la mbi to mbɛti olo hɛ̃ ĩ azi tɛ Nzapa mɛ ka Efɛzɛ, ĩ mɛ ĩ ye lo tɛ Yezo Kristo, ĩ na lo ĩ ti nga bo kɔi. Mbi bala ĩ.

Efɛzɛ 1:15

Na lo ni la, ngoi mɛ mbi ma ya, ĩ dɛ bo na yengɔ lo tɛ Yezo Kristo kpɔ, ĩ ndoye nga azi tɛ Nzapa zu ko,

Efɛzɛ 6:24

Azi zu ko la bɛ la ndoye Gbia tɛ e Yezo Kristo buru na buru ko, Nzapa ali bɛ nzɔ̃ bɛ hɛ̃ la ma ke!

Filipɛ 2:19

Mbi ndolɛnderɛ ya, se Gbia Yezo aye, na pɛ nyi ngoi ko, mbi to Timɔte ka tɛ ĩ. Wa se lo diri lo ga, lo pa pa tɛ ĩ hɛ̃ mbi, wadila nguru agbɔ̃ mbi nvɛni.

Filipɛ 2:5

Na popo tɛ ĩ ko, ale bɛ ĩ adu nga ma bɛ Yezo Kristo. Ĩ ba se bɛ lo ndo lo mɛ:

Filipɛ 3:12

Ta mbi ndomu tɛrɛ mbi ya, mbana gɛrɛ mɛ mbi ndolɛndɛrɛ ko, mbi pia mbi lua ni wɛ ma, bere mbi ti nga bɛta nzɔ̃ zo wɛ ma. Kanda mbi ndoli kpengbani ya, mbi gwe uzu uzu, wadila mbi lua mbana gɛrɛ ni ko, ta sanga ma, Yezo Kristo aili ndo mbi ya, mbi ti zo tɛ ni.

Filipɛ 3:3

E la afa e na bɛta ganza, kanda ta ala ma. Ta sanga ma, e ndovɔrɔ Nzapa na lo nguru tɛ Tɔrɔ Santo tɛ lo, e ndosaba nga na lo tɛ Yezo Kristo, ko ta e ndokpã bɛ e na ndo se li ye tɛ azi ma.

Filipɛ 3:8

Ko ta adu bo aye ni ko la mbi ndomu ni nga ma ye mɛ gɛgɛrɛ ma, kanda aye zu mɛ mbi na ni la mbi ndomu ni nga ma ye mɛ gɛgɛrɛ. Ta sanga ma, se mbi hĩnga Gbia tɛ mbi Yezo Kristo ko, oko aɔ aye mɛ ndɛ̃ zu. Na lo tɛ lo ko, mbi kɛ̃ aye mɛ ndɛ̃ zu. Mbi ndomu aye ni ko nga ma ambumbusɛ ye ya, mbi hĩnga Yezo Kristo nzɔ̃ni,

1 Tɛsalɔnikɛ 1:1

Mbi Polo, na Silasi, nga na Timɔte la e to mbɛti olo hɛ̃ ĩ azi ti Eklezia mɛ ka kɔdɔrɔ ti Tɛsalɔnike, ĩ azi tɛ To e Nzapa nga na tɛ Gbia Yezo Kristo. E bala ĩ. Nzapa ali bɛ nzɔ̃ bɛ hɛ̃ ĩ, ali bɛ nga ya, bɛ ĩ adu pii ma ke!

1 Tɛsalɔnikɛ 2:2

Ĩ hĩnga ya, uzu ti e singɔ ka tɛ ĩ ko, aguru ndo e, agia ndo nga e ka kɔdɔrɔ ti Filipɛ. Abɛ ambanga azi akɛ̃ ndo e ka ka ka ko, Nzapa ahɛ̃ ndo e nguru ya, e pa Nzɔ̃ Pa tɛ ni hɛ̃ ĩ.

2 Tɛsalɔnikɛ 1:1

Mbi Polo, na Silasi, nga na Timɔte la e to mbɛti olo hɛ̃ ĩ azi ti Eklezia mɛ ka kɔdɔrɔ ti Tɛsalɔnikɛ, ĩ azi tɛ To e Nzapa, nga na tɛ Gbia Yezo Kristo. E bala ĩ.

2 Tɛsalɔnikɛ 1:10

Ala na tongɔ nda hũngɔ pɛnɔ ni na lá mɛ gbanda Gbia Yezo adiri aga na ni. Lo ga gbanda na lá ni ko ya, azi tɛ ni zu mɛ awa yengɔ lo tɛ ni agonda ni, atɔndɔ nga ni. Ĩ nga na tɔndɔngɔ lo, ta sanga ma, ĩ ye ndo tɛnɛ tɛ lo mɛ ndo e pa hɛ̃ ĩ.

1 Timɔte 3:8

Ale adiakrɛ adu azi ti ndima, azi mɛ ta nyɔ la se se ma. Ale ala du azi mɛ ta ndonyɔ kana sĩ ma, azi mɛ ta ndolua faranga na se lege mɛ siɔni ma.

Tito 1:1

Mbi Polo mɛ wa kwa tɛ Nzapa, mbi mɛ nga wa pangɔ kwa tɛ Yezo Kristo la mbi to mbɛti olo hɛ̃ mɔ Tito. Mbi bala mɔ. Nzapa ahɛ̃ mbi kwa ya, mbi za azi tɛ ni mɛ ni sara la ni kpa. Mbi ndoza la ya, ala ye lo tɛ lo, ala hĩnga nga bɛta lo mɛ ndofa sé du mɛ ndode bɛ lo.

Tito 1:7

Ta sanga ma, wa batangɔ Eklezia adu zo mɛ azia kwa tɛ Nzapa na yamba ti lo. Ko ale ta lo du zo mɛ ndoli ye mɛ alengbi ti belangɔ lo na lo ni ma. Ale ta lo du wa yakɛ ma, ta lo du wa ngɔnzɔ ma, ta lo du wa nyɔngɔ kana sĩ ma, ta lo du wa gingɔ ló ma, ta lo du nga zo mɛ ndolua faranga na lege mɛ siɔni ma.

Filemɔ 1:1

Mbi Polo mɛ abi mbi bɔlɔkɔ na lo tɛ Yezo Kristo, na Timɔte mɛ nyita e wa Kristo la e to mbɛti olo hɛ̃ mɔ Filemɔ. Mɔ kwa e, mɔ nga fɔ̃ e ti kwa mɛ e ndoli hɛ̃ Yezo. E bala mɔ.

Aebreo 13:23

Wa ale ĩ hĩnga ya, nyita e Timɔte mɛ ndo abi lo bɔlɔkɔ ko, azi lo we. Se lo ga hiɔ lo tã mbi ko, e na lo e bombi e ga so bangɔ ĩ.

Zaki 1:1

Mbi Zaki mɛ wa kwa tɛ Nzapa, mbi mɛ nga wa kwa tɛ Gbia Yezo Kristo la mbi to mbɛti olo hɛ̃ ĩ, azi tɛ Nzapa zu mɛ ĩ gundu na le sese zu. Mbi bala ĩ.

1 Petro 2:25

Ndo uzu ko, ĩ ndo nga ma angasã ngbaga mɛ ayu ndo, kanda na olo ko, ĩ diri ka tɛ Yezo Kristo mɛ nga ma wa batangɔ angasã ngbaga, lo mɛ nga wa batangɔ tɔrɔ tɛrɛ ĩ.

2 Petro 1:1

Mbi Simɔ Petro mɛ wa kwa tɛ Yezo Kristo, mbi mɛ nga wa pangɔ kwa tɛ lo la mbi su mbɛti olo mɛ hɛ̃ ĩ azi mɛ ĩ ye lo tɛ Yezo Kristo nga ma se mɛ e ye na ni. Mbi bala ĩ. Lo tɛ lo mɛ e na ĩ e ye ko, adu ngbondoni. E lua ngbondo lo ni ko, na lo mɛ ya, Yezo Kristo lo bɛta zo, lo Nzapa tɛ e, lo nga Wa songɔ e.

Yudɛ 1:1

Mbi Yudɛ mɛ wa kwa tɛ Yezo Kristo, mbi mɛ nga nyita Zaki la mbi su mbɛti olo mɛ. Mbi to ni hɛ̃ ĩ azi mɛ To e Nzapa aye ĩ, aili nga ĩ ya, ĩ du azi tɛ ni, ĩ mɛ Yezo Kristo ndobata ĩ. Mbi bala ĩ.

Suma 1:1

Buku olo ndopa lo ti aye mɛ ndo Yezo Kristo afa na Yoanɛ na ya suma. Nzapa afa na Yezo ya, lo fa awa kwa tɛ ni na aye mɛ na singɔ bo lo mɛ. La Yezo ato angelo tɛ lo ya, lo nɔ ka tɛ wa kwa tɛ ni Yoanɛ, lo fa lo na aye ni ko.

Suma 1:20

Atongolo mbara mbara mɛ mɔ hũ mbi gbɔ̃nɔ na kɔti ti mbi, na gɛrɛ wá mbara mbara mɛ alɛkɛ na wɔrɔ ko, ma nda ni lo mɛ atongolo mbara mbara adu aangelo mɛ ndobata awa Kristo ti Eklezia mbara mbara, gɛrɛ wá mbara mbara adu awa Kristo ti Eklezia ko mbara mbara.”

Suma 19:10

Lo ĩ tɛnɛ so ko, mbi kuku gbɛlɛ lo ya mbi vɔrɔ lo, lo pa nga hɛ̃ mbi ya, ta mbi vɔrɔ ni ma. Ni nga wa kwa tɛ Nzapa nga ma mbi na afɔ̃ mbi mɛ ndo abata bɛta tɛnɛ mɛ ndo Yezo afa na la. Lo pa nga hɛ̃ mbi ya, ale mbi vɔrɔ bo Nzapa. Bɛta tɛnɛ mɛ ndo Yezo afa na azi ko, bɛta tɛnɛ ni ahɛ̃ nguru hɛ̃ awa pangɔ nyɔ Nzapa, la ala ndopa ni.

Suma 2:12

“Su tɛnɛ olo mɔ to hɛ̃ angelo mɛ ndobata awa Eklezia ti Pɛrgamɛ. Tɛnɛ ni alo ka nyɔ zo mɛ lɛ zabe tɛ lo ndoɔ̃ mbage na mbage. Zo ni ko apa ya,

Suma 2:8

“Su tɛnɛ olo mɔ to hɛ̃ angelo mɛ ndobata awa Eklezia ti Simirnɛ. Tɛnɛ ni alo ka nyɔ wa tongɔ nda aye zu, lo mɛ nga wa kɔngɔ nda aye zu, lo kpi ndo, lo so na pe kwa. Zo ni ko apa ya,

Suma 22:9

Ko lo pa hɛ̃ mbi ya, ta mbi vɔrɔ ni ma! Ni nga wa kwa tɛ Nzapa nga ma mbi na afɔ̃ mbi mɛ awa pangɔ nyɔ Nzapa, nga na azi zu mɛ ndotɔndɔ tɛnɛ mɛ asu na ya buku olo mɛ. Ale mbi vɔrɔ bo Nzapa!