2 Timɔte 4:8 - Fana Ngbangɔ 1987

⁸ Ko na olo ko, Gbia Nzapa abata mbana gɛrɛ mbi ka yayu so kungɔ na mbi. Lo mɛ wa fangɔ ngbanga na seni ko, lo hɛ̃ mbi gbanda mbana gɛrɛ mbi na lá ti fangɔ ngbanga, na lo mɛ ya, lo mu mbi ka lɛ lo ya, mbi bɛta zo. Ta bo mbi kɔi gbanda la lo hɛ̃ mbi mbana gɛrɛ mbi ma. Kanda azi zu mɛ aye ya, lo na diringɔ gangɔ, ko ala ndoku lo ko, lo hɛ̃ nga la gbanda mbana gɛrɛ la.

2 Timɔte 4:8 Iomraidhean Croise

Matie 24:36

Yezo apa ya: “Ta zo kɔi ahĩnga gbanda bi ni, bere ngoi ni ko ma. Abɛ nga aangelo mɛ ka yayu, abɛ nga mbi Nyi Nzapa ko, ta mbi hĩnga nga ngoi ni ko ma. Bo To mbi kɔi la ahĩnga ngoi ni ko.

Matie 7:22

Ngoi mɛ gbanda lá ti fangɔ ngbanga alengbi ko, azi gba apa gbanda hɛ̃ mbi ya: ‘Gbia, Gbia, e pa ndo nyɔ Nzapa na nguru tɛ mɔ, e toma ndo asiɔ tɔrɔ na ya tɛrɛ azi na nguru tɛ mɔ, e li ndo nga aye ti kpɛnɛ ma wo ma na nguru tɛ mɔ!’

Luka 10:12

Mbi pa hɛ̃ ĩ ya, na lá ti fangɔ ngbanga gbanda ko, azi ti kɔdɔrɔ ni ko alua gbanda etumbu mɛ aɔ etumbu tɛ azi ti Sɔdɔmɛ.”

Roma 2:5

Kanda mɔ wa kpengba li, ko mɔ kɛ̃ gbinyangɔ bɛ mɔ. Na lo ni ko, adu nga ma mɔ ndohũnda Nzapa ya, na la ko gbanda lo de na ngɔnzɔ tɛ lo na ndo azi, lo fa nga na ngbanga tɛ la na seni ko, lo hɛ̃ mɔ etumbu mɛ kotani buai.

Roma 8:23

Ko ta adu bo aye ni ko kɔi la ndodema tɛrɛ la ma. Kanda e mɛ ndo e pia e lua Tɔrɔ Santo, nga ma kɔzo nzɔ̃ ye mɛ Nzapa ahɛ̃ e ko, e ndodema nga tɛrɛ e ka ya bɛ e. E ndodema tɛrɛ e so kungɔ ya, Nzapa amu e ya, e ti aya ni, ko ni so ngbonga tɛrɛ e na pɛ kwá.

1 Kɔrinto 2:9

Ye mɛ Nzapa ali ko, adu nga ma se mɛ asu na ni ka ya Buku tɛ lo ya: “Ye mɛ ndo ta zo kɔi ahũ na lɛ lo bɛ gbɔ ma, Bere ama na ma lo bɛ gbɔ ma, Ye mɛ ndo nga ta zo kɔi ada bɛ lo na ni bɛ gbɔ ma ko, Nzapa alɛkɛ ndo ni hɛ̃ awa yengɔ lo.”

1 Kɔrinto 3:13

Na ngoi mɛ gbanda Nzapa afa na ngbanga tɛ azi ko, kwa tɛ zo kɔi kɔi asi gbanda yango. Ta sanga ma, na lá ni ko gbanda ko, Nzapa atara gbanda kwa tɛ zo kɔi kɔi na wá, ko wá afa gbanda ya, kwa ni nzɔ̃ni, bere siɔni.

1 Kɔrinto 9:25

Uzu ya awa kpɛngɔ kpɛ zu akpɛ kpɛ ko, ala ndofɔ̃ bɛ la na ya mandangɔ kpɛngɔ kpɛ tɛ la. Ala ndoli so ya, ani zɔ li ni, wa ani lua mbana gɛrɛ ani. Ko ta mbana gɛrɛ la mɛ ala ndolua ndoninga ngbĩi ma. Kanda tɛ e ko, e ndoli ya, e lua mbana gɛrɛ e mɛ ndongbã kaka.

2 Kɔrinto 5:2

Na olo ko, e ndodema tɛrɛ e, ta sanga ma, e ndosepara sĩ ya, Nzapa ahɛ̃ e fana tɛrɛ ka yayu.

Filipɛ 3:11

Ko mbi ndokpã bɛ mbi ya, lo so gbanda mbi na pɛ kwá.

Kɔlɔsɛ 1:5

na lo mɛ ya, ĩ ndolɛndɛrɛ anzɔ̃ ye mɛ Nzapa abata hɛ̃ ĩ ka yayu. Ti kɔzoni, na ngoi mɛ ndo ĩ ma na Nzɔ̃ Pa mɛ adu bɛta lo tɛ Nzapa ko, apa ndo hɛ̃ ĩ lo ti anzɔ̃ ye ni ko.

1 Tɛsalɔnikɛ 1:10

nga so masingɔ ya, Nyi lo Yezo mɛ ndo lo so lo na pɛ kwa, alo ka yayu aga. Ko Nyi lo ni aso e na ya siɔ ye, so Nzapa ali ngɔnzɔ hɛ̃ e na ngoi ti fangɔ ngbanga.

1 Tɛsalɔnikɛ 5:4

Aya bua, kanda tɛ ĩ ko, ta ĩ nga ma azi ko la ndodu na ya mbingo ma, ko ale ta lá ni ko agbagbara sɛ gbanda ĩ, nga ma se mɛ wa nzĩ ndogbagbara na azi ma.

2 Tɛsalɔnikɛ 2:8

Siɔ Zo ni ko aga gbanda na nguru tɛ Satana. Ko lo li gbanda aye ti kpɛnɛ ndɛ̃ ndɛ̃ ndɛ̃, nga na aye ti ndima mɛ adu aye ti nvɛnɛ. Lo li gbanda asiɔ ye na se kɔdɛ ndɛ̃ ndɛ̃ ndɛ̃ so handangɔ azi mɛ gbanda Nzapa asa la ka lifɛlo. Nzapa asa la gbanda kai, na lo mɛ ya, ala ndokɛ̃ yengɔ lo bɛta lo tɛ lo. Se adu ya, ala ye ni ko, ale Nzapa aso la. Siɔ Zo ni ali gbanda aye ko zu, ko na ngoi mɛ gbanda Gbia Yezo adiri aga na ndima tɛ lo ko, lo ulu gbanda mbo tɛrɛ Siɔ Zo ni, ko mbo ni aho lo.

1 Timɔte 6:19

Se ala li so ko, afa ya ala bo bɛta nwa mɛ ndoninga na lo ti bi mɛ ka gbɛlɛ la, wadiía ala lua bɛta du.

2 Timɔte 1:10

Ko lo fa nzɔ̃ bɛ ni na olo, na ngoi mɛ Wa songɔ e Yezo Kristo aga. Yezo Kristo abi ndo nda nguru tɛ kwá, ko na lo ti Nzɔ̃ Pa, lo fa ndo e na lege ti luangɔ du ti kaka.

2 Timɔte 1:12

Ko na lo ni la mbi ndohũ apenɔ olo mɛ. Kanda mbi ndodu bo na kpengba bɛ, ta sanga ma, mbi hĩnga zo mɛ mbi ndokpã bɛ mbi ndo lo. Mbi hĩnga nga nzɔ̃ni ya, lo na nguru ti batangɔ Nzɔ̃ Pa mɛ ndo lo zia na ti mbi, ngbĩi nga ka ngoi mɛ gbanda lá ti fangɔ ngbanga alengbi.

2 Timɔte 1:18

Gbia Nzapa ama bɛ gbanda vundu tɛ lo na lá ti fangɔ ngbanga ma ke! Akwa zu mɛ ndo Onezifɔre ali hɛ̃ mbi ka Efɛzɛ ko, mɔ hĩnga nga ni nzɔ̃ni sĩ.

2 Timɔte 2:5

Zo ko nga la ndokpe kpɛ so luangɔ mbana gɛrɛ lo, se ta lo kpɛ kpɛ ni na seni ma ko, ta lo lua nga mbana gɛrɛ lo ma.

2 Timɔte 4:1

Mbi gbɔ̃ gɛrɛ mɔ na ili Nzapa, nga na ili Yezo Kristo mɛ gbanda afa ngbanga tɛ azi mɛ lɛ la ngɛ̃, nga na tɛ awa kwáni. Na ili Yezo mɛ gbanda aga so lɛngɔ gbia ko, mbi gbɔ̃ gɛrɛ mɔ ya,

Tito 2:13

Ale e li so na ngoi mɛ e ndoku lá ti dengɔ bɛ mɛ e ndolɛndɛrɛ. Lá ni ko adu lá mɛ gbanda Wa songɔ e Yezo Kristo mɛ kota Nzapa tɛ e adiri na ni.

Aebreo 12:11

Na ngoi ko la andohɛ̃ e etumbu ko, ta e ndodu na dengɔ bɛ ma, e ndohũ ya, andoli e siɔni. Wa gbanda gesi, azi ko ndo la aye hũngɔ pɛnɔ ti etumbu ni ko, ala lua gbanda nzɔ̃ lo. Nzɔ̃ lo ni lo mɛ: bɛ la ade gbanda pii, ko du tɛ la ati nga gbanda mbiri mbiri.

Aebreo 9:28

Ko se mɛ nga Kristo aka tɛrɛ lo bo fani kɔi so hãngɔ siɔ ye tɛ azi gba zingɔ la. Lo diri gbanda lo ga, ta lo ga gbanda so hãngɔ siɔ ye zingɔ ma, kanda lo ga gbanda so songɔ azi mɛ ndoku lo.

Zaki 1:12

Dengɔ bɛ ati na zo ko ndogbe bɛ lo na ya pɛnɔ mɛ lo ndohũ. Ta sanga ma, na pɛ gbengɔ bɛ tɛ lo ko, Nzapa ahɛ̃ lo gbanda du ti kaka. Du ti kaka ni adu mbana gɛrɛ mɛ ndo lo ko kapa ni hɛ̃ awa yengɔ lo.

1 Petro 1:4

Ko e lengbi ti sabangɔ na lo ti anzɔ̃ ye mɛ Nzapa ako kapa so hɛ̃ngɔ azi tɛ lo. Adu anzɔ̃ ye mɛ ta alengbi ti gbɛ̃ngɔ ma, ta bi alengbi ti gbɔ̃ngɔ ni ma, ta dɛ̃ngɔ ni ndowɛ nga ma. Nzapa abata ni ka yayu hɛ̃ ĩ,

1 Petro 5:4

Wa na lá ko gbanda Gbia tɛ awa batangɔ angasã ngbaga asi ko, lo hɛ̃ ĩ mbana gɛrɛ ti ndima mɛ ta dɛ̃ngɔ ni ndowɛ ma.

Suma 1:7

Ĩ ba lo la lo ga na ya da baba! Azi zu na hũngɔ lo, abɛ nga azi ko ndo akpɔ katɛ lo ko, ala nga na hũngɔ lo. Azi zu ti lɛ sese na demangɔ so lo. Biani, se mɛ na dungɔ na ni la! Seni la.

Suma 19:11

So pɛni, mbi hũ lɛ ndozu azi, ko mbufu mbarata asi na zo so ndo lo. Ili zo ni la: “Bɔrɔ zo - Bɛta zo.” Zo ni ko ndofa ngbanga na seni, lo ndotiri nga to na seni.

Suma 2:10

Ta ĩ du na mbɛtɔ na lo pɛnɔ mɛ ĩ na hũngɔ ma. Wa í ma la: Satana na sangɔ ambanga azi na popo tɛ ĩ bɔlɔkɔ so tarangɔ bɛ ĩ, ĩ na hũngɔ pɛnɔ bi sui kɔi. Ko ĩ ye bo lo tɛ ni bɛ ĩ kɔi nga ka ĩ kpili. Ni hɛ̃ ĩ gbanda mbana gɛrɛ ĩ, mbana gɛrɛ ni adu du ti kaka.

Suma 22:20

Yezo mɛ apa ya, tɛnɛ olo adu bɛta tɛnɛ ko, lo pa nga ya: “Seni la, angbã yakere mbi ga!” Ae! Adu bɛ seni la ma ke! Gbia Yezo, ga!

Suma 4:10

Wa na ngoi ko la asa ko ndoli nga so ko, akangba ko sui sɛ ndoni siɔ so ndokuku gbɛlɛ Zo mɛ adu so ndo ngɛndɛ gbia, Zo mɛ ndodu lɛ lo ngɛ̃ buru na buru. Ala so ndovɔrɔ lo, so ndohãna akpɔtɔ tɛ la ti gbia, so ndosa so gbɛlɛ ngɛndɛ gbia tɛ lo, so ndopa ya:

Suma 4:4

Ambanga angɛndɛ gbia mɛ ndɛ̃ sui se ndoni siɔ aka nga angɛndɛ gbia ni ko kɛrɛrɛ atengbi. Akangba sui sɛ ndoni siɔ adunga so ndo angɛndɛ ko sui sɛ ndoni siɔ. Ala yuyu ambufu bɔngɔ, abi akpɔtɔ ti gbia mɛ alɛkɛ na wɔrɔ na li la.