2 Timɔte 4:7 - Fana Ngbangɔ 1987

⁷ Mbi tiri nzɔ̃ to na lo kwa tɛ Nzapa we. Ko adu nga ma kpɛ la mbi kpɛ ngbĩi mbi si ka nda ni gbɔ. Ta mbi dɔ lo yengɔ lo tɛ Yezo Kristo mbi zia ma.

2 Timɔte 4:7 Iomraidhean Croise

Luka 11:28

La Yezo agbinya tɛ lo ya: “Dengɔ bɛ ati na azi ko la ndoma tɛnɛ tɛ Nzapa, ndoma nga nyɔ lo.”

Luka 8:15

Ale tɛ mɛ asa na nzɔ̃ sese adu nga ma azi mɛ ama tɛnɛ tɛ Nzapa, ko ala bata ni ka ya bɛ la mɛ nzɔ̃ni buai. Ta ala dɔ tɛnɛ tɛ Nzapa azia ma, ala du azi mɛ ndohɛ̃ ale.”

Yoanɛ 17:6

“Mɔ hã ambanga azi ti lɛ sese na popo tɛ afɔ̃ la, mɔ hɛ̃ mbi, ko mbi fa mɔ na la, ala hĩnga mɔ. Ala azi tɛ mɔ, la mɔ hɛ̃ la hɛ̃ mbi, ala tɔndɔ tɛnɛ tɛ mɔ.

Yoanɛ 4:34

Yezo apa hɛ̃ la ya: “Tɛ mɛ mbi lengbi ti tɛngɔ la, ale mbi li ye na se nyɔ wa tongɔ mbi, mbi li nga kwa mɛ ndo lo hɛ̃ mbi, ngbĩi mbi kɔ nda ni kpɛkɛlɛ.

Awa Pangɔ Kwa 13:25

Yoanɛ ĩ ndoda ndũ ti kpingɔ ko, lo pa ya: ‘Ĩ da bɛ ĩ ya, mbi na? Ta mbi zo mɛ ĩ ndoku lo ma. Wa ĩ ma la! Zo ni ko na gangɔ pɛko mbi, ko ta mbi lengbi bɛ ti hãngɔ pɔrɔ tɛ lo na gɛrɛ lo ma.’

Awa Pangɔ Kwa 20:24

Ko mbi ndohũ tɛ mbi du tɛ mbi ge lɛ mbi gɛgɛre. Kɔtɛ lo mɛ ndosɔ bɛ mbi la, ale mbi nɔ na kwa tɛ mbi ngbĩi mbi kɔ nda ni, ko mbi onzi nga kwa mɛ ndo Gbia ahɛ̃ mbi. Kwa ni la, pangɔ Nzɔ̃ Pa ti nzɔ̃ bɛ tɛ Nzapa.

Galatia 2:2

Mbi nɔ ndo ka Yeruzalɛmɛ, na lo mɛ ya, Nzapa apa ndo hɛ̃ mbi ya, mbi nɔ kai. Ngoi mɛ mbi si kai ko, bo mbi na awa batangɔ azi ti Eklezia ndo la e gbe lingo. Na ngoi ti lingo ni ko, mbi kambisa ndo hɛ̃ la Nzɔ̃ Pa mɛ mbi ndopa hɛ̃ azi mɛ ta Ayuda ma. Ta mbi ye ndo ya, kwa mɛ ndo mbi li, bere omɛ mbi ndoli ati gɛgɛrɛ ma.

Filipɛ 1:30

Ĩ hũ ndo to mɛ mbi tiri, ko na olo ko, ĩ ma ya, mbi dɛ na tiringɔ to ni kpɔ, ko ĩ ndotiri nga bo to ni ko.

1 Timɔte 1:18

Timɔte nyi mbi, mbi zia atɛnɛ ko mbi tɛnɛ na yamba ti mɔ, ya mɔ pa ni hɛ̃ azi nga ma se ko ndo awa pangɔ nyɔ Nzapa apa na ni uzu na lo tɛ mɔ. Da bɛ mɔ na atɛnɛ ni, wa mɔ tiri nzɔ̃ to.

1 Timɔte 6:12

Tiri nzɔ̃ to na lo kwa tɛ Nzapa tɛ e, gbɔ̃ du ti kaka, ko mɔ̃ bata ni, ta sanga ma, Nzapa aili ndo mɔ na lo ni, na ngoi mɛ ndo mɔ pa lo ni nzɔ̃ni na gbɛlɛ azi ma wo ma.

1 Timɔte 6:20

Ee Timɔte, ló mɛ Nzapa azia na yamba ti mɔ ko, bata ni nzɔ̃ni. Gɛgɛrɛ tɛnɛ, na tɛnɛ mɛ ta ndode bɛ Nzapa ma ko, ta mɔ dɔ nyɔ mɔ ya ni ma. Ta mɔ dɔ nga nyɔ mɔ na ya lo ti nvɛnɛ mɛ azi ndoha ma. Ala ndoili lo ni ko ya, adu hĩngangɔ ndo. Kanda ta adu bɛta hĩngangɔ ndo ma.

2 Timɔte 1:14

Nzɔ̃ Pa mɛ ndo Nzapa azia na yamba ti mɔ ko, bata ni na nguru tɛ Tɔrɔ Santo ko la na ya tɛrɛ e na mɔ.

2 Timɔte 3:10

Wa tɛ mɔ ko, mɔ hĩnga ye mɛ mbi ndoha na azi, mɔ hĩnga nga se li ye tɛ mbi. Mɔ hĩnga nda kwa mɛ mbi ndoli, mɔ hĩnga se mɛ mbi ye na lo tɛ Yezo bɛ mbi kɔi. Mɔ hĩnga yɔngɔrɔ bɛ tɛ mbi, mɔ hĩnga yengɔ mɛ mbi ye na azi, mɔ hĩnga nga gbengɔ bɛ tɛ mbi.

Suma 3:10

Wa oko la ĩ ma ndo nyɔ mɛ ni hɛ̃ ya, ĩ gbe bɛ ĩ na ya apɛnɔ, la ĩ gbe be ĩ ko, ni na batangɔ ĩ na ngoi mɛ gbanda apɛnɔ ati ndo azi ti lɛ sese zu so tarangɔ bɛ la.

Suma 3:8

Zo ni ko apa ya, ni hĩnga ye zu mɛ ĩ ndoli, ni hĩnga nga ya nguru tɛ ĩ adu bo yakere, kanda ĩ ndoma nyɔ ni, ko ta ĩ bɛre nga lo tɛ ni ma. Ni zi nyɔ ngise ya ĩ li ka ya da, ko ta zo kɔi alengbi ti vĩngɔ ni ma.

Suma 6:11

Ahɛ̃ zo kɔi kɔi na popo tɛ la mbufu bɔngɔ, apa hɛ̃ la ya: “Ĩ wɔ tɛrɛ ĩ yakere, na lo mɛ ya, ta ĩ dɛ ĩ lengbi zu ma. Ambanga afɔ̃ ĩ mɛ ndoli kwa hɛ̃ Nzapa ade ka lɛ sese. Ale aho la nga ma se mɛ aho na ĩ hĩ, wadila Nzapa afa ngbanga tɛ azi ko la akpɔ ĩ na afɔ̃ ĩ ni.”