2 Timɔte 4:5 - Fana Ngbangɔ 1987

⁵ Kanda tɛ mɔ ko, li ye zu na nyɔ kpɔ̃ ni, gbe bɛ mɔ na ya apɛnɔ, li kwa tɛ mɔ ti pangɔ Nzɔ̃ Pa hɛ̃ azi. Kwa mɛ Nzapa ahɛ̃ mɔ ko, li kwa ni, mɔ kɔ nda ni kpɛkɛlɛ.

2 Timɔte 4:5 Iomraidhean Croise

Matie 25:16

Lo ĩ ɔ, ta ĩ ninga ma ko, wa kwa rnɛ alua wɔrɔ ngbangbo kɔ̃, amu wɔrɔ tɛ lo, ato nda dɛngɔ buze. Lo ĩ dɛ buze ko, lo lua wɔrɔ mɛ ndɛ̃ ngbangbo kɔ̃, lo kpã na ndo omɛ gbia tɛ lo ahɛ̃ lo.

Marko 13:34

Ngoi ni ko na dungɔ nga ma se mɛ zo ndoga so gwengɔ fɔnɔ. Na ngoi ti ɔngɔ tɛ lo ko, lo zia aye ti da kwe zu na ti awa kwa tɛ lo, lo kangbi la kɔi kɔi na kwa. Ko lo hɛ̃ nyɔ hɛ̃ wa batangɔ nyɔ ngise ya, lo du lɛ lo ngɛ̃, lo bata nyɔ ngise nzɔ̃ni. So pɛni ko, nvɛ̃ da azia la aɔ.”

Marko 13:37

Tɛnɛ olo mbi tɛnɛ hɛ̃ ĩ ko, mbi tɛnɛ nga ni hɛ̃ azi mɛ ndɛ̃ zu, wa í du lɛ ĩ ngɛ̃!”

Luka 12:37

Dengɔ be ati na awa kwa ko la, na ngoi ko la se gbia tɛ la aga ko, ata la lɛ la ngɛ̃! Mbi pa hɛ̃ ĩ ti bɛta tɛnɛ ya, gbia tɛ la na lɛkɛngɔ tɛrɛ lo so hɛ̃ngɔ la ndo ya, ala dunga tɛrɛ mɛsa ti tɛ, ko ni ga, ni hɛ̃ la tɛ ti tɛngɔ.

Awa Pangɔ Kwa 21:8

Ndã ĩ de ko, e lo so ndo ko, e nɔ, e si ka kɔdɔrɔ ti Sezarea. Ngoi mɛ e si ka Sezarea ko, e li ya da tɛ Filipo mɛ wa pangɔ Nzɔ̃ Pa tɛ Yezo, la e la so tɛ lo. Lo du mbanga zo kɔi na popo tɛ azi mbara mbara ko ndo asara la ka Yeruzalɛmɛ akpã ya, ala ndokangbi azi na tɛ.

Roma 15:19

Lo li nga ni na lege ti akukuna ye, na lege ti aye ti kpɛnɛ mɛ ndo mbi li, nga na lo nguru tɛ Tɔrɔ Santo. Na lo ni la mbi pa Nzɔ̃ Pa tɛ Yezo Kristo na ndo kwe zu, ato ka Yeruzalɛmɛ ngbĩi asi ka sese ti Iliria.

Efɛzɛ 4:11

Lo ndo la lo hɛ̃ azi nguru kwa ndɛ̃ ndɛ̃ ndɛ̃. Lo hɛ̃ ambanga nguru kwa ti pangɔ kwa tɛ lo, lo hɛ̃ ambanga nguru kwa ti pangɔ nyɔ Nzapa, lo hɛ̃ ambanga nguru kwa ti pangɔ Nzɔ̃ Pa, lo hɛ̃ nga ambanga mɛ ndɛ̃ nguru kwa ti batangɔ awa Kristo, ko awa batangɔ awa Kristo ni la ndoha lo tɛ Nzapa.

Efɛzɛ 4:12

Lo hɛ̃ ndo azi nguru kwa ni ya, ala za awa Kristo na lingɔ kwa tɛ Nzapa, wadila awa Kristo amai na ya lo yengɔ tɛ la.

Kɔlɔsɛ 1:25

Mbi ti wa kwa tɛ azi ti Eklezia, Nzapa la ahɛ̃ mbi kwa ni ko ya, mbi li na lo tɛ ĩ. Kwa mɛ lo hɛ̃ mbi la, kwa ti pangɔ hɛ̃ azi tɛnɛ tɛ lo zu.

Kɔlɔsɛ 4:17

Ale ĩ pa hɛ̃ Arsipɛ ya, kwa mɛ Gbia Yezo ahɛ̃ lo ko, ale lo li ni nzɔ̃ni, ta lo zia ni wawa ma.

1 Tɛsalɔnikɛ 5:6

Na lo ni ko, ale ta e la langɔ nga ma se tɛ azi mɛ ndɛ̃ ma. Kanda ale e du lɛ e ngɛ̃, ko e li nga ye na nyɔ kpɔ̃ ni.

1 Timɔte 4:12

Ta mɔ ye ya, zo asamana na mɔ, na lo mɛ ya, mɔ dɛ nyi kɔli ma. Kanda ale mɔ du wa fangɔ nzɔ̃ le lo na awa Kristo. Ale mɔ fa la na ni na se tɛnɛ tɛ mɔ, na se du tɛ mɔ, na se mɛ mɔ ndoye na lo tɛ Nzapa, nga na se mɛ mɔ ndodu na vuru bɛ.

1 Timɔte 4:15

Ale mɔ li aye ni ko, ale mɔ hɛ̃ nga tɛrɛ mɔ zu na lo ni, wadila azi zu ahũ ya, mɔ gwe uzu na lege tɛ Nzapa.

2 Timɔte 1:8

Wa ale ta kamɛnɛ agbɔ̃ mɔ na ngoi mɛ mɔ ndopa lo tɛ Gbia tɛ e Yezo ma, ta kamɛnɛ agbɔ̃ nga mɔ na lo tɛ mbi mɛ mbi li bɔlɔkɔ na lo tɛ lo ma. Kanda ale mɔ hũ pɛnɔ na lo ti Nzɔ̃ Pa nga ma mbi, ko mɔ gbe bɛ mɔ na nguru mɛ Nzapa ahɛ̃ mɔ.

2 Timɔte 2:10

Na lo ni la mbi ndogbe bɛ mbi na ya alo zu, na lo tɛ azi mɛ ndo Nzapa asara la akpã ya, ala du azi tɛ ni. Mbi li so ya, Nzapa aso la ti ndo Yezo Kristo, ko ala lua nga ndima ti kaka.

2 Timɔte 2:3

Ale mɔ hũ pɛnɔ nga ma mbi, na lo ko la mɔ du bɛta turugu tɛ Yezo Kristo.

2 Timɔte 4:17

Abɛ so ko, Gbia Yezo Kristo alo ndo so gunda mbi, ahɛ̃ nga mbi nguru. Na lo ni ndo la mbi pa tɛnɛ tɛ lo zu hɛ̃ azi zu mɛ ta Ayuda ma. Adu nga ma Gbia ahã ndo mbi na yanga abamara.

Aebreo 13:17

Ale ĩ ma nyɔ azi tɛ ĩ mɛ awa batangɔ azi ti Eklezia, ĩ bi nga tɛrɛ ĩ hɛ̃ la. Ta sanga ma, ala ndobata ĩ, ko ala kambisa nga gbanda hɛ̃ Nzapa se mɛ ndo ala bata na ĩ. Se ĩ ma nyɔ la, wadila ala li kwa tɛ la na dengɔ bɛ. Ta so ma ko, ala li kwa ni na sɔngɔ bɛ, ko se ala li kwa na sɔngɔ bɛ ko, ta alengbi ti zangɔ ĩ bɛ yakere ma.

1 Petro 1:13

Na lo ti aye zu mɛ ndo Nzapa ali hɛ̃ ĩ ko, ale ĩ lɛkɛ bɛ ĩ so lingɔ kwa hɛ̃ Nzapa, Ĩ du na kpengba lɛ, ĩ lɛndɛrɛ anzɔ̃ ye mɛ gbanda Nzapa ahɛ̃ ĩ na lá ko gbanda Yezo Kristo aga na ni.

Suma 3:2

Ko ale ĩ du na kpengba lɛ, ĩ kpengba na tanga lo yengɔ mɛ ka bɛ ĩ. Ta so ma ko, tanga lo yengɔ ni akpi ti buai. Ta sanga ma, ni hũ ya, ta kwa tɛ ĩ adu bɛtani ka lɛ Nzapa ma.