2 Timɔte 4:3 - Fana Ngbangɔ 1987

³ Ta sanga ma, na mbanga ngoi gbanda ko, ta azi ti ye gbanda mangɔ bɛta, lo tɛ Nzapa mɛ andoha ma. Ala li tɛ la gbanda ye mɛ bɛ la nvɛni asepara. Na lo ni ko, ala bombi gbanda awa hangɔ ye so gunda la gba ya, ala ha ani na ye mɛ ani ye mangɔ.

2 Timɔte 4:3 Iomraidhean Croise

Luka 20:19

Awa hangɔ ndia, na agbia tɛ awa lungɔ Nzapa na ye agi kɔdɛ ya, ani gbɔ̃ Yezo bo na ngoi ni ko. Ta sanga ma, ala hĩnga ya, lo to matɔ ni ko hɛ̃ ani. Ta ala gbɔ̃ lo ma, na lo mɛ ya, ala kpɛ mbɛtɔ tɛ azi.

Luka 6:26

“Siɔ lo ati na ĩ, se azi zu agonda ĩ, ta sanga ma, se mɛ ndo akotara la ndogonda nga na awa nvɛnɛ mɛ ndonɛ ya, ani awa pangɔ nyɔ Nzapa la!”

Yoanɛ 8:45

Kanda tɛ mbi ko, mbi ndopa beta tɛnɛ tɛ Nzapa, nda mɛ ta ĩ ndoye lo tɛ mbi ma la.

Awa Pangɔ Kwa 17:21

Azi ti Atɛnɛ zu, na awa ndɛ̃ mɛ ndodu ka Atɛnɛ ndomu ndo ngoi tɛ la zu bo so mangɔ, bere so pangɔ afana tɛnɛ hɛ̃ azi.

1 Kɔrinto 2:1

Aya bua, mbi gwe ndo ka tɛ ĩ so pangɔ hɛ̃ ĩ bɛta lo tɛ Nzapa mɛ ndo ta azi ade ahĩnga ma. Na ngoi ko ndo ko, ta mbi pa ndo lo ni hɛ̃ ĩ na se kɔdɛ mɛ kpengbani, bere na se ndara tɛ azi ti lɛ sese ma.

1 Kɔrinto 2:4

Tɛnɛ tɛ Nzapa mɛ ndo mbi tɛnɛ hɛ̃ ĩ ko, ta mbi kara ndo ĩ na tɛnɛ lɛkpɛ lɛkpɛ na se kɔdɛ tɛ azi ti lɛ sɛse ma. Kanda Tɔrɔ Santo tɛ Nzapa afa ndo na ĩ ya, mbi tɛnɛ ndo tɛnɛ ni na nguru tɛ Nzapa nvɛni, ko ĩ hĩnga ndo ya, tɛnɛ ni adu biani.

Galatia 4:16

Ĩ ndoda bɛ ĩ ya, na olo ko, mbi ti wa kɛ̃ngɔ ĩ, na lo mɛ ya, mbi ndopa hɛ̃ ĩ bɛta lo?

1 Timɔte 1:10

azi mɛ ndoli siɔ ye ti kamɛnɛ, akɔli mɛ ndofɔnɔ na afɔ̃ la akɔli ma bere afɔ̃ la ni ati awe la, azi mɛ ndoka afɔ̃ la na ngere ya, ala ti ambɛ, azi mɛ ndopa nvɛnɛ, azi mɛ ndonyɔ ngɛ na nvɛnɛ, nga na azi mɛ ndoli aye mɛ ndɛ̃ zu mɛ ta alengbi na bɛta lo tɛ Nzapa mɛ andoha ma.

2 Timɔte 1:13

Abɛta tɛnɛ mɛ ndo mbi pa hɛ̃ mɔ ko, mu bo ni, mɔ pa hɛ̃ azi. Ye lo tɛ Yezo bɛ mɔ kɔi, ko mɔ ye nga azi na nguru mɛ e na ni, na lo mɛ ya, e na Yezo Kristo e ti bo kɔi.

Yudɛ 1:18

Ala pa ndo hɛ̃ ĩ ya: “Ngoi mɛ gbanda sese adoli ti wɛngɔ ko, ambanga azi ae gbanda ĩ, ala li nga gbanda aye bo na se gwɛ̃ ti tɛrɛ la.”