2 Timɔte 4:2 - Fana Ngbangɔ 1987

² abɛ na nzɔ̃ ngoi, bere na siɔ ngoi ko, pa bo tɛnɛ tɛ Nzapa, ko mɔ pa ni mɔ diri ndo ni. Azi ko la ali siɔ ye ko, fa la na siɔ ye tɛ la, bela la na lo siɔ ye mɛ ala li, ko mɔ sa nguru bɛ la ya, ala li nzɔ̃ ye. Du na yɔngɔrɔ bɛ sĩ nvɛni na ngoi mɛ mɔ ndoha azi na tɛnɛ tɛ Nzapa.

2 Timɔte 4:2 Iomraidhean Croise

Luka 7:23

Dengɔ bɛ ati na zo ko la ta zia gbanda yengɔ lo tɛ mbi ma.”

Luka 7:4

Akangba ko anɔ, asi ka tɛ Yezo, alamana tɛrɛ la hɛ̃ lo sĩ ya: “Kɔli ko adu zo mɛ lengbi ti mɔ zangɔ lo.

Luka 9:60

Yezo agbinya hɛ̃ lo ya: “Zia awa kwáni ahɔ akinda tɛ la, ko mɔ nɔ, mɔ pa pa ti lo Lɛngɔ Gbia tɛ Nzapa hɛ̃ azi.”

Awa Pangɔ Kwa 13:5

Ala ĩ si ka kɔdɔrɔ ti Salaminɛ ko, ala to nda pangɔ tɛnɛ tɛ Nzapa ka ya da sambela ndɛ̃ ndɛ̃ ndɛ̃. Adu ndo ada sambela tɛ Ayuda. Ala nɔ ndo na Yoanɛ Marko ya, lo za ani na kwa.

Awa Pangɔ Kwa 16:13

Ĩ da na lá ti wɔngɔ tɛrɛ tɛ Ayuda ko, e lo so ya kɔdɔrɔ ni ko ya, e gwe ka nyɔ ngu. Ko e da bɛ e ya, ndo mɛ Ayuda ndosambela da la. Ngoi mɛ e si kai ko, e tã awe abombi tɛrɛ la so ndo ko. E dunga tise, e tɛnɛ tɛnɛ hɛ̃ la.

Awa Pangɔ Kwa 20:7

Ĩ ti na lá pɔsɔ na ndɔ ko, e bombi tɛrɛ e ndoni kɔi so tɛngɔ Tɛ tɛ Gbia, la Polo atɛnɛ tɛnɛ hɛ̃ azi. Lo ha azi na ye ngbĩi ati na bɛ bi, ta sanga ma, adu ndo ya, se ndã ade ko, lo ɔ.

Awa Pangɔ Kwa 28:16

Ngoi mɛ ndo e si ka Roma ko, ahɛ̃ lege hɛ̃ Polo ya, lo ndola ka ya da na kunɛ lo. Kanda ahɛ̃ ndo turugu kɔi ya, lo ndobata lo.

Roma 10:15

Se ta ato azi ya, ala nɔ apa pa tɛ Yezo hɛ̃ la ma ko, kɔdɛ mɛ azi ni ko alengbi ti nɔngɔ pangɔ pa ni sia? Kanda se ato azi ko, adu nga ma se mɛ asu na ni ka ya Buku tɛ Nzapa ya: “Adu dengɔ bɛ sĩ so hũngɔ azi mɛ ndoga so pangɔ nzɔ̃ pa!”

Roma 12:12

Ale ĩ du na dengɔ bɛ, na lo mɛ ya, ĩ ndolɛndɛrɛ Nzapa. Ale ĩ gbe bɛ ĩ na ya apɛnɔ mɛ ĩ ndohũ, ĩ sambela Nzapa ngoi zu.

Galatia 6:6

Zo ko la zo mɛ ndɛ̃ ndoha lo na Nzɔ̃ Pa tɛ Yezo Kristo ko, ale zo ni akangbi ya aye tɛ lo zu, ko lo mu mbanga, lo hɛ̃ wa hangɔ lo na Nzɔ̃ Pa.

Kɔlɔsɛ 1:25

Mbi ti wa kwa tɛ azi ti Eklezia, Nzapa la ahɛ̃ mbi kwa ni ko ya, mbi li na lo tɛ ĩ. Kwa mɛ lo hɛ̃ mbi la, kwa ti pangɔ hɛ̃ azi tɛnɛ tɛ lo zu.

Kɔlɔsɛ 4:3

Ale ĩ sambela nga lo na lo tɛ e ya, lo zi hɛ̃ e lege, ko e pa hɛ̃ azi lo tɛ Yezo Kristo mɛ Nzapa ahɔndɛ na azi. Adu na lo ti pangɔ lo ni la mbi na olo ge ya bɔlɔkɔ.

1 Tɛsalɔnikɛ 1:6

Ĩ mu ndo nzɔ̃ lɛ lo tɛ e, ĩ mu ndo nga tɛ Gbia Yezo. Ngoi mɛ ndo ĩ ye tɛnɛ tɛ Nzapa ko, ĩ hũ ndo pɛnɔ sĩ na lo ni, kanda Tɔrɔ Santo ahɛ̃ ndo ĩ dengɔ bɛ na lo ni.

1 Tɛsalɔnikɛ 5:14

Aya bua, e gbɔ̃ gɛrɛ ĩ ya, ĩ tisa azi mɛ ndokɛ̃ lingɔ kwa, ĩ sa nguru bɛ awa mbɛtɔ. Ĩ za azi mɛ ta na nguru ma, ĩ du na yɔngɔrɔ bɛ na ndo azi zu.

1 Tɛsalɔnikɛ 5:20

Ta ĩ samana na azi mɛ ndopa nyɔ Nzapa ma.

1 Timɔte 4:13

Hɛ̃ tɛrɛ mɔ na dingɔ Buku tɛ Nzapa na gbɛlɛ azi, na pangɔ hɛ̃ la tɛnɛ tɛ Nzapa, nga na hangɔ la na tɛnɛ tɛ lo, nga ka mbi ga na ni.

1 Timɔte 5:20

Azi ko la ndoli siɔ ye ko, bela la na gbɛlɛ azi zu, wadila mbɛtɔ agbɔ̃ nga ambanga mɛ ndɛ̃.

2 Timɔte 2:21

Ko se tɛ e nga la. Se zo akɛ̃ lingɔ siɔ ye zu mɛ mbi pa lo ni ko, lo ti nga ma nzɔ̃ ye ti tɛngɔ na tɛ mɛ andobata na lo ti lá ti kota yenga. To gbia lo na batangɔ lo na lo tɛ lo nvɛni ya, lo za ni, lo li nga anzɔ̃ kwa zu hɛ̃ ni.

2 Timɔte 2:25

Azi ko ndokɛ̃ tɛnɛ tɛ lo ko, ale lo ha la na lo tɛ Nzapa na dede bɛ. Ale lo ha na la, wa bere na mbanga lá kɔi gbanda, se Nzapa azi lege hɛ̃ la, wadila ala gbinya bɛ la, aye bɛta lo tɛ Nzapa.

2 Timɔte 3:10

Wa tɛ mɔ ko, mɔ hĩnga ye mɛ mbi ndoha na azi, mɔ hĩnga nga se li ye tɛ mbi. Mɔ hĩnga nda kwa mɛ mbi ndoli, mɔ hĩnga se mɛ mbi ye na lo tɛ Yezo bɛ mbi kɔi. Mɔ hĩnga yɔngɔrɔ bɛ tɛ mbi, mɔ hĩnga yengɔ mɛ mbi ye na azi, mɔ hĩnga nga gbengɔ bɛ tɛ mbi.

Tito 1:13

Wa Krɛtɛ ko ndo la apa so ko, lo tɛnɛ ndo bɛta tɛnɛ. Na lo ni ko, lɔngbi ló hɛ̃ la kpengbani, wadila ala du na bɛta lo yengɔ lo tɛ Nzapa.

Tito 2:15

Ha la na aye ko, sa nguru bɛ la, bela nga la. Pa hɛ̃ la alo ni ko na nguru mɛ Nzapa ahɛ̃ mɔ. Ta mɔ ye ya, zo kɔi asamana na mɔ ma.

Aebreo 13:22

Aya bua, mbi gbɔ̃ gɛrɛ ĩ ya, atɛnɛ mɛ mbi tɛnɛ hɛ̃ ĩ so sangɔ nguru bɛ ĩ ko, ale ĩ gbe bɛ ĩ na lo ni. Ta sanga ma, atɛnɛ mɛ mbi tɛnɛ hɛ̃ ĩ na ya mbɛti olo ko, ta adu yɔngɔrɔni buai ma.

Suma 3:19

Azi ko ni ndohɛ̃ la etumbu so fangɔ la na asiɔ ye tɛ la ko, adu azi mɛ bɛ ni aye la. Ĩ gbinya bɛ ĩ, ĩ du na gonvɛnɛ na ya lo yengɔ tɛ ĩ.