2 Timɔte 4:19 - Fana Ngbangɔ 1987

¹⁹ Pa hɛ̃ Prisiyɛ na ya lo Akilasi ya, mbi bala la. Pa nga hɛ̃ Onezifɔre na azi ti nda se wa tɛ lo ya, mbi bala nga la.

2 Timɔte 4:19 Iomraidhean Croise

Matie 5:47

Se ĩ bala bo ayata ĩ kɔi ko, nzɔ̃ ye mɛ ĩ li ndo ko ĩ ɔ na azi mɛ ndɛ̃ nɛ? Apaganɔ ndoli nga so!

Awa Pangɔ Kwa 18:18

Polo ati la ndo ka Kɔrinto bi gba. Ko uzu ti lo longɔ so ndo ko ɔngɔ ko, lo kiɔ li lo ngoro ngoro ka mbanga ya kɔdɔrɔ ti Kɔrinto kɔi mɛ ili ni la Sanserea, ta sanga ma, lo ko ndo kapa hɛ̃ Nzapa. Ko Polo azia awa Kristo ti kɔdɔrɔ ni ko so ndo ko, la lo na Akilasi, nga na Prisiyɛ mɛ ya Akilasi, ako ya masua so gwengɔ ka Siria.

Awa Pangɔ Kwa 18:2

Ngoi mɛ lo ĩ si kai ko, lo tã wa Yuda kɔi mɛ ili lo la Akilasi. Adu ndo lo ka sese ti Pɔnti. Akilasi na ya lo Prisiyɛ alo ndo ka Italia, aga asi so Kɔrinto, ko ta ala dɛ ndo ali bi gba ma. Ala ga ndo so ndo ko, na lo mɛ ya, kota gbia ti Roma mɛ ili lo la Klodɛ, ahɛ̃ ndo nyɔ hɛ̃ Ayuda zu ya, ala lo so Roma aɔ. Polo anɔ ata Akilasi na ya lo,

Awa Pangɔ Kwa 18:26

Ko lo li ka ya da sambela, lo to nda tɛnɛngɔ tɛnɛ na kpengba bɛ. Ngoi mɛ Prisiyɛ na kɔ lo Akilasi ĩ ma tɛnɛ mɛ lo ĩ tɛnɛ ko, ala mu lo, agwe na lo ka tɛ la, akambisa nda tɛnɛ tɛ Nzapa na seni nvɛni hɛ̃ lo.

1 Kɔrinto 16:19

Azi ti Eklezia ti sese ti Azia abala ĩ. Ambanga azi mɛ ndɛ̃ mɛ abala ĩ sĩ nvɛni na ili Gbia Yezo la Akilasi, na ya lo Prisiyɛ, nga na azi ti Eklezia mɛ ndobombi tɛrɛ la ka tɛ Akilasi so vɔrɔngɔ Nzapa.