2 Timɔte 4:18 - Fana Ngbangɔ 1987

¹⁸ Ko mbi hĩnga ya, lo hã nga gbanda mbi na ya asiɔ ye zu. Lo bata gbanda mbi nzɔ̃ni ngbĩi nga ka mbi si ka Kɔdɔrɔ Gbia tɛ lo mɛ ka yayu. É gonda lo buru na buru. Seni la!

2 Timɔte 4:18 Iomraidhean Croise

Matie 13:43

Wa azi ke la ndoma nyɔ Nzapa ko, ala sũ tɛ la gbanda nga ma lá ka Kɔdɔrɔ Gbia tɛ To la Nzapa. Zo ko la ma lo adu da ko, ale lo ma!”

Matie 25:34

Wa mbi Gbia, mbi pa gbanda hɛ̃ abɛta azi mɛ na ndo kɔti ti mbi ya: ‘Ĩ mɛ To mbi Nzapa asunu ĩ ko, ĩ ga, ĩ li ge Kɔdɔrɔ Gbia mɛ ndo lo lɛkɛ na lo tɛ ĩ, na ngoi mɛ ndo lo li na sese.

Matie 6:13

Ta mɔ ye ya Satana atara bɛ e ma, Wa hã e ka gbɛ ti lo mɔ zi. [Ta sanga ma, lɛngɔ gbia, na nguru, nga na ndima adu na lo tɛ mɔ buru na buru! Seni la.]’

Luka 11:4

Ka lɛ mɔ ndo siɔ ye tɛ e, Ta sanga ma, e ndoka lɛ e ndo asiɔ ye mɛ azi ndoli tɛrɛ e. Ta mɔ ye ya, Satana atara bɛ e ma.’ ”

Luka 12:32

“Aya mbi, ta mbɛtɔ agbɔ̃ ĩ ma! Ta sanga ma, bɛ To ĩ Nzapa aye, la ĩ ti azi ti Kɔdɔrɔ Gbia tɛ lo.

Luka 22:29

Se ko la To mbi alɛkɛ na ndo akpã mbi gbia da ko, se mɛ nga mbi lɛkɛ na ndo mbi kpã ĩ agbia da la.

Yoanɛ 17:15

Ta mbi hũnda mɔ ya, mɔ hã la so lɛ sese olo mɔ zi ma, kanda mbi hũnda mɔ ya, mɔ bata la, so ala ti na gbe ti Satana.

Roma 11:36

Ta sanga ma, lo la lo li ye zu, lo la lo ndobata ye zu, ye zu adu nga na lo tɛ lo. E gonda lo buru na buru zu! Seni la.

Roma 16:27

É gonda Nzapa mɛ bo lo kɔi la wa ndara! E gonda lo buru na buru na lo tɛ Yezo Kristo! Seni la.

1 Kɔrinto 1:21

Aye mɛ Nzapa ali ndofa ndara tɛ lo, ko ngoi mɛ azi ndohũ aye ni ko, ta ala ndohĩnga Nzapa na lege ti ndara mɛ ala na ni ma. Nda mɛ lo ye ndo songɔ azi mɛ aye lo tɛ lo na lege ti tɛnɛ mɛ e ndopa la. Ko azi ti lɛ sese ndopa tɛ la ya, tɛnɛ ni ko adu tɛnɛ ti nyingɔ.

1 Kɔrinto 10:13

Tarangɔ bɛ ko la Satana ndotara na bɛ ĩ ko, se mɛ nga lo ndotara na bɛ azi zu la. Wa ta Nzapa ndoweza kapa mɛ Ĩo ndoko ma, ta lo ndoye nga ya, Satana atara bɛ ĩ, ko tarangɔ bɛ ni aɔ ndo nguru tɛ ĩ ma. Kanda na ngoi ko la se Satana atara bɛ ĩ ko, Nzapa asa nguru bɛ ĩ ya, ĩ gbe bɛ ĩ, wadila ĩ si na ya ni.

1 Kɔrinto 15:50

Aya bua, ĩ ma tɛnɛ mɛ mbi separa pangɔ hɛ̃ ĩ lo mɛ: ta zo alengbi ti singɔ ka Kɔdɔrɔ Gbia tɛ Nzapa na ngbonga tɛrɛ lo ma, ko ta tɛrɛ zo mɛ ndozɔ̃ alengbi nga ti luangɔ du ti kaka ma.

2 Kɔrinto 1:10

Kwá alu ndo e sĩ nvɛni, ko Nzapa ndo la aso e na ya kwá ni, lo nga gbanda la lo ti so e na ya kwá. Biani, e ndolɛndɛre ya, lo ti lo so gbanda e.

Galatia 1:5

É gonda bɛ Nzapa buru na buru ma ke! Seni la.

1 Tɛsalɔnikɛ 5:23

Nzapa mɛ ndoli ya bɛ azi adu pii ko, ali bɛ ya, bɛ ĩ ati vuruni nga ma se tɛ lo ma ke! Lo bata bɛ du tɛ ĩ, na tɔrɔ tɛrɛ ĩ, na bɛ ĩ, nga na tɛrɛ ĩ zu ma ke! Lo li bɛ so ya, na ngoi mɛ gbanda Gbia tɛ e Yezo Kristo adiri aga ko, ta lo bela ĩ na lo ye kɔi ma ke!

2 Tɛsalɔnikɛ 3:3

Ta Gbia ndoweza kapa tɛ lo ma. Lo na kpengbangɔ na bɛ ĩ, lo nga na batangɔ ĩ ya, ta Satana ali ĩ siɔni ma.

1 Timɔte 1:17

Nzapa mɛ ndole gbia buru na buru zu, lo mɛ kaka, lo mɛ ta andohũ lo ma, lo mɛ bo lo kɔi la Nzapa ko, azi atɔndɔ bɛ lo, agonda bɛ nga lo buru na buru ma ke! Seni la.

1 Timɔte 6:16

Bo lo kɔi la lo ndongbã kaka, lo ndodu na ya vuru ndo mɛ ta zo kɔi alengbi ti ingɔ tɛrɛ lo ka tɔ̃ ni ma. Ta zo kɔi ade ahũ lo bɛ gbɔ ma, ta zo kɔi alengbi nga ti hũngɔ lo ma. É gonda bɛ lo, ko lo lɛ bɛ nga gbia buru na buru ma ke! Seni la.

2 Timɔte 1:12

Ko na lo ni la mbi ndohũ apenɔ olo mɛ. Kanda mbi ndodu bo na kpengba bɛ, ta sanga ma, mbi hĩnga zo mɛ mbi ndokpã bɛ mbi ndo lo. Mbi hĩnga nga nzɔ̃ni ya, lo na nguru ti batangɔ Nzɔ̃ Pa mɛ ndo lo zia na ti mbi, ngbĩi nga ka ngoi mɛ gbanda lá ti fangɔ ngbanga alengbi.

2 Timɔte 4:1

Mbi gbɔ̃ gɛrɛ mɔ na ili Nzapa, nga na ili Yezo Kristo mɛ gbanda afa ngbanga tɛ azi mɛ lɛ la ngɛ̃, nga na tɛ awa kwáni. Na ili Yezo mɛ gbanda aga so lɛngɔ gbia ko, mbi gbɔ̃ gɛrɛ mɔ ya,

Aebreo 11:16

Ti biani ko, ala ndo na gwɛ̃ ti kɔdɔrɔ mɛ ndɛ̃, kɔdɔrɔ mɛ nzɔ̃ni buai aɔ akɔdɔrɔ zu, alengbi ya, ala ndo na gwɛ̃ ti kɔdɔrɔ mɛ ka yayu. Nda mɛ ndo ta kamɛnɛ agbɔ̃ Nzapa na lo ko la ala ndoili lo ya, lo Nzapa tɛ ani ma la. Ta sanga ma, lo lɛkɛ ndo kɔdɔrɔ hɛ̃ la.

Aebreo 12:22

Kanda ndo mɛ ĩ i tɛrɛ ĩ ka tɔ̃ ni, adu hɔtɔ mɛ ili ni la Siona, ĩ i nga tɛrɛ ĩ ka tɔ̃ kɔdɔrɔ tɛ Nzapa mɛ lɛ lo ngɛ̃. Kɔdɔrɔ ni la Yeruzalɛmɛ mɛ ka yayu, ndo mɛ aangelo da hingo hingo.

Aebreo 13:21

Nzapa mɛ ndoli ya, bɛ zo adu pii ko, lo hɛ̃ bɛ ĩ nguru ti lingɔ anzɔ̃ lo zu ma ke! Lo li bɛ so ya, ĩ li aye mɛ bɛ lo ndoye ma ke! Lo li bɛ nga ya, na nguru tɛ Yezo Kristo ko, e li aye mɛ ndode bɛ lo ma ke! E gonda bɛ Yezo Kristo buru na buru ma ke! Seni la.

Zaki 2:5

Ayata mbi ti kpɔ̃ bɛ mbi, ĩ ma la: Nzapa asara ndo awa yɛlɛ ge lɛ sese olo akpã ya, ala ye lo tɛ Yezo Kristo sĩ, wa ala si ka Kɔdɔrɔ Gbia tɛ lo mɛ lo ko kapa ni hɛ̃ awa yengɔ lo.

1 Petro 1:5

na lo mɛ ya, ĩ ye lo tɛ lo, ko lo ndobata ĩ na nguru tɛ lo ya, na ngoi mɛ gbanda sese awe ko, ni so ĩ, ko azi zu ahũ na lɛ la.

1 Petro 5:11

Nzapa alɛ bɛ gbia buru na buru ma ke! Seni la.

2 Petro 1:11

Na lo ni gbanda la lo zi lege yango hɛ̃ ĩ ya, ĩ si ka Kɔdɔrɔ ti kaka mɛ Gbia tɛ e Yezo Kristo ndole gbia da, lo mɛ nga Wa songɔ e.

2 Petro 3:18

Kanda ale ĩ ngbã bo na maingɔ na ya lo yengɔ tɛ ĩ, wadila Gbia tɛ e Yezo Kristo mɛ Wa songɔ e andoli nzɔ̃ bɛ hɛ̃ ĩ, ko ĩ hĩnga nga lo nzɔ̃ni. É gonda Gbia tɛ e na olo, é gonda nga lo buru na buru zu! Seni la.

Yudɛ 1:1

Mbi Yudɛ mɛ wa kwa tɛ Yezo Kristo, mbi mɛ nga nyita Zaki la mbi su mbɛti olo mɛ. Mbi to ni hɛ̃ ĩ azi mɛ To e Nzapa aye ĩ, aili nga ĩ ya, ĩ du azi tɛ ni, ĩ mɛ Yezo Kristo ndobata ĩ. Mbi bala ĩ.