2 Timɔte 4:17 - Fana Ngbangɔ 1987

¹⁷ Abɛ so ko, Gbia Yezo Kristo alo ndo so gunda mbi, ahɛ̃ nga mbi nguru. Na lo ni ndo la mbi pa tɛnɛ tɛ lo zu hɛ̃ azi zu mɛ ta Ayuda ma. Adu nga ma Gbia ahã ndo mbi na yanga abamara.

2 Timɔte 4:17 Iomraidhean Croise

Matie 10:19

Ngoi mɛ gbanda azi agbɔ̃nɔ ĩ, anɔ na ĩ ka gbɛlɛ awa fangɔ ngbanga ko, ta bɛ ĩ angbã ngbũ na lo ti se kɔdɛ mɛ ĩ na bɛrɛngɔ na nyɔ ĩ, bere na se mɛ ĩ na tɛnɛngɔ na tɛnɛ ma. Kanda na ngoi ni ko, í tɛnɛ bo tɛnɛ mɛ Nzapa na tongɔ ka bɛ ĩ.

Luka 1:1

Malo Teofilɛ, azi sĩni atara ndo sungɔ pa ti aye mɛ ndo asi na popo tɛ e. Ko ala su ndo ni bo nga ma se mɛ ndo azi mɛ ahũ ni kɔzoni, apa na ni hɛ̃ e. Ko azi ni ko ndo la Nzapa ato la so pangɔ tɛnɛ tɛ lo. Na olo ko, akpɔ ngoi tɛ mbi. Mbi hũnda azi na lo ti aye kwɛ zu mɛ ndo asi, ato ka li ni ngbĩi asi nda ni gbɔ, ko ala kambisa hɛ̃ mbi na seni. La mbi hũ ge lɛ mbi nzɔ̃ni ya, mbi su ni hɛ̃ mɔ.

Luka 21:15

Ta sanga ma, na ngoi ni gbanda ko, mbi nvɛni na fangɔ ĩ na tɛnɛ mɛ ĩ lengbi ti tɛnɛngɔ. Mbi sa nga gbanda ndara bɛ ĩ, ko ta mbanga wa kɛ̃ngɔ ĩ kɔi aɔ gbanda ĩ na tɛnɛ, bere akɛ̃ nga gbanda ya, ta tɛnɛ tɛ ĩ adu bɛta tɛnɛ ma.

Awa Pangɔ Kwa 23:11

Ĩ ti na bi ni ko, Gbia Yezo asi gbɛlɛ Polo, apa hɛ̃ lo ya: “Kpengba na bɛ mɔ! Mɔ pa tɛnɛ tɛ mbi ge Yeruzalɛmɛ wɛ, ale mɔ pa nga ni ka Roma.”

Awa Pangɔ Kwa 9:15

La Gbia apa hɛ̃ Ananiasi ya: “Nɔ bo nɔngɔ, ta sanga ma, mbi sara zo olo, ko mbi na kpãngɔ lo ya, lo pa lo tɛ mbi hɛ̃ Ayuda, na azi ti sese mɛ ndɛ̃, nga na agbia tɛ la ya, ala hĩnga mbi.

Roma 15:31

so azi ti Yudea mɛ ta aye lo tɛ Yezo Kristo ma ahɛ̃ mbi pɛnɔ. Ale ĩ sambela nga Nzapa ya, bɛ azi tɛ lo mɛ ka Yeruzalɛmɛ ade na lo ye mɛ mbi na nɔngɔ na ni hɛ̃ la,

2 Kɔrinto 12:9

Ko lo gbinya ndo hɛ̃ mbi ya, nzɔ̃ bɛ mɛ ni li hɛ̃ mbi alengbi, ta sanga ma, ngoi ko la mbi du woni, wadila nguru tɛ ni afa tɛrɛ lo yango. Wa se adu so ko, mbi separa na bɛ mbi kɔi ya, mbi gonda tɛrɛ mbi na lo ti aye mɛ afa ya, mbi woni, wadila nguru tɛ Kristo ali kwa na tɛrɛ mbi.

Efɛzɛ 3:8

Mbi ndangba tɛ azi tɛ Nzapa zu. Bɛ se mbi du ndangba tɛ la zu ko, lo hɛ̃ mbi lege ya, tɛnɛ ti ngbondo nwa mɛ alo ka yamba ti Yezo Kristo ko, mbi pa ni hɛ̃ azi mɛ ta Ayuda ma. Ko ta zo alengbi ti hĩngangɔ se mɛ nwa ni akɔnɔ na ni ma.

1 Timɔte 1:12

Mbi hɛ̃ sia kɔli hɛ̃ Gbia tɛ e Yezo Kristo mɛ asa nguru tɛrɛ mbi ya, mbi li na kwa tɛ ni. Mbi hɛ̃ lo sia kɔli na lo ko la lo mu mbi ka le lo ya, mbi du zo mɛ lo lengbi ti kpãngɔ bɛ lo ndo mbi, lo kpã nga mbi wa kwa tɛ lo.

2 Timɔte 2:1

Wa mɔ nyi mbi, kpengba na lege ti nzɔ̃ bɛ mɛ Yezo Kristo ndoli hɛ̃ mɔ.

2 Timɔte 2:9

Na lo ti Nzɔ̃ Pa ni la agbe mbi na nzingiri, mbi ndohũ pɛnɔ ma bere mbi wa lingɔ siɔ ye. Mbi la agbe mbi, kanda ta agbe tɛnɛ tɛ Nzapa ma.

2 Timɔte 3:11

Mɔ hĩnga giangɔ mɛ ndo azi agia na mbi, nga na apɛnɔ mɛ ndo mbi hũ. Mɔ hĩnga alo zu mɛ ndo asi na mbi ka Antiɔsɛ, ka Ikɔniɔmɛ nga ka Listrɛ, mɔ hĩnga nga ya, agia ndo mbi sĩ. Ko Gbia aso ndo mbi na ya apɛnɔ ko zu.

2 Timɔte 4:5

Kanda tɛ mɔ ko, li ye zu na nyɔ kpɔ̃ ni, gbe bɛ mɔ na ya apɛnɔ, li kwa tɛ mɔ ti pangɔ Nzɔ̃ Pa hɛ̃ azi. Kwa mɛ Nzapa ahɛ̃ mɔ ko, li kwa ni, mɔ kɔ nda ni kpɛkɛlɛ.

Tito 1:3

Ko ngoi mɛ ndo bi mɛ lo ko ĩ lengbi ko, lo fa e na lege ti luangɔ du ti kaka ni na ya tɛnɛ tɛ lo mɛ lo zia na yamba ti mbi, ya mbi pa hɛ̃ azi. Ko adu nyɔ mɛ Nzapa mɛ Wa songɔ e ahɛ̃ mbi la.

Aebreo 11:33

Ala ye ndo lo tɛ Nzapa, ko na lo ni ndo la ala nwɔ azi, amu akɔdɔrɔ tɛ la na ngoi ti to. Ala ndoli ndo ye na seni, ko Nzapa ahɛ̃ ndo la ye mɛ lo ko kapa ni hɛ̃ la. Ala vĩ ndo yanga abamara,

1 Petro 5:8

Ale ĩ du na kpengba lɛ, ĩ bata li ĩ nzɔ̃ni, ta sanga ma, Satana mɛ wa kɛ̃ngɔ ĩ ndongongoro nga ma se mɛ zɛ̃ ndongongoro na ni, ndongburuka so gingɔ zo ya ni tɛ.

2 Petro 2:9

Oko afa ya, Gbia Nzapa ahĩnga se mɛ lo lengbi ti songɔ na azi mɛ ndoli ye mɛ ndode bɛ lo. Lo hĩnga nga se mɛ lo lengbi ti batangɔ na asiɔ azi ya, gbanda na lá ti fangɔ ngbanga ko, ni hɛ̃ la etumbu.